WHO သတိပေး

July 8, 2021

ဗိုင်းရပ်စ်မူကွဲဖြစ်ထွန်းမှု ကာကွယ်ဆေးထုတ်လုပ်နိုင်စွမ်းထက် ပိုမြန်နေဟု WHO သတိပေး

ကိုရိုနာဗိုင်းရပ်စ် မူကွဲအသစ်တွေ ဖြစ်ထွန်းမူက ကာကွယ်ဆေးထုတ်လုပ်ဖြန့်ချိနိုင်စွမ်းထက် ပိုမြန်ဆန်နေပြီး ကာကွယ်ဆေးဝေစုဟာလည်း မျှတမှုမရှိဘူးလို့ ကမ္ဘာ့ကျန်းမာရေးအဖွဲ့ WHO ရဲ့ ညွှန်ကြားရေးမှုးချုပ်က ပြောဆိုလိုက်ပါတယ်။  

လက်တဆုပ်စာနိုင်ငံတွေဟာ ကာကွယ်ဆေးဝေစု အများဆုံးရရှိနေကြတာကို Vaccine nationalism ကာကွယ်ဆေးမျိုးချစ်ဝါဒလို့ သူကခေါ်ဆိုလိုက်ပြီး တရားမျှတမူရှိတယ်လို့ မဆိုနိုင်ကြောင်း ဝေဖန်ပြောဆိုလိုက်ပါတယ်။ 

ကာကွယ်ဆေးတွေအများစုထိုးပြီးနေကြတဲ့ ချမ်းသာတဲ့ နိုင်ငံအချို့ဟာ လာမယ့်လပိုင်းတွေမှာ ကာကွယ်ဆေးတွေ ထပ်မံဖြန့်ချိဖို့ရှိနေကြပြီး ကပ်ရောဂါဟာ ပြီးဆုံးသွားပြီအထင်နဲ့ လူထုကျန်းမာရေးနဲ့ လူမှုကာကွယ်ရေး အစီအမံတွေကို လျော့ချလိုက်ကြတယ်လို့ WHO အကြီးအကဲ ဒေါက်တာ တက်ဒရို အာဒ်နမ် ဂဘရီယက်ဆပ် (Tedros Adhanom Ghebreyesus) က ဝေဖန်ပြောဆိုပါတယ်။ 

ဗိုင်းရပ်စ်ရဲ့ မူကွဲအသွင်တွေ အမြန်တိုးပွားလာနေတဲ့အပြင် ကာကွယ်ဆေးဖြန့်ချိမူမှာ တရားမျှတမှု မရှိတာကြောင့် နိုင်ငံအတော်များများမှာ ရောဂါကူးစက်မှုတွေ တိုးလာတာကို တွေ့ရတယ်လို့ သူက ပြောပါတယ်။ 

အောက်ဆီဂျင်ပြတ်လပ်တာနဲ့ ကုသပေးနိုင်စွမ်း မရှိတော့တာတွေကြောင့် အာရှ အာဖရိကနဲ့ လက်တင်အမေရိက ဒေသတွေမှာ သေဆုံးမူတွေ တိုးပွားလာနိုင်တယ်လို့ သတိပေးပါတယ်။ 

အခုချိန်ထိ တကမ္ဘာလုံးမှာ ကိုဗစ်-၁၉ ရောဂါကြောင့် သေဆုံးရသူ ၄သန်းကျော်ရှိတယ်လို့ ခန့်မှန်းထားပြီး ဒီထက်လည်း ပိုများနေနိုင်လို့ WHO က ကြေညာထားပါတယ်။

7 months Ago

January 9, 2021

ကိုဗစ်ဆေးဝယ်ယူရေး စာချုပ်ချုပ်ဆိုမှု ရပ်တန့်ရန် ချမ်းသာသည့်နိုင်ငံများကို WHO သတိပေး

ချမ်းသာတဲ့ နိုင်ငံတွေအနေနဲ့ ကိုဗစ်-၁၉ ကာကွယ်ဆေးထုတ်ကုမ္ပဏီတွေနဲ့ နှစ်ဘက် သဘောတူ စာချုပ်ချုပ်တာတွေ ရပ်ကြဖို့ ကမ္ဘာ့ကျန်းမာရေးအဖွဲ့ WHO အကြီးအကဲ ဒေါက်တာ တက်ဒရိုက ဇန်နဝါရီ ၈ ရက်မှာ တိုက်တွန်းလိုက်ပါတယ်။  ဝင်ငွေနည်းနဲ့ ဝင်ငွေ အလယ်အလတ်နိုင်ငံတွေ  ကိုဗစ်ကာကွယ်ဆေး မရသေးတဲ့ ပြဿနာ ရှိနေတယ်လို့  ဒေါက်တာ တက်ဒရိုက ဆိုပါတယ်။  ဂျနီဗာမှာလုပ်တဲ့ သတင်းစာရှင်းလင်းပွဲအတွင်း တက်ဒရိုက ချမ်းသာတဲ့ နိုင်ငံတွေဟာ ကာကွယ်ဆေးဖြန့်ဝေမှု အများစု ရထားတယ်လို့ ကာကွယ်ဆေးမောင်ပိုင်စီးတဲ့အပေါ်  ပြင်းပြင်း ထန်ထန် မှတ်ချက်ပြုခဲ့ပါတယ်။  ကိုဗစ်ကာကွယ်ဆေး ပိုလျှံမှာယူထားတဲ့နိုင်ငံတွေကို ကမ္ဘာလုံးဆိုင်ရာ ကကွယ်ဆေး ဖြန့်ဖြူရေး  COVAX အစီအစဉ် ချက်ချင်းလွှဲပေးဖို့ကိုလည်း WHO အကြီးအကဲက တောင်းဆိုခဲ့ ပါတယ်။  နိုင်ငံနာမည်တွေကို   တက်ဒရိုက ထုတ်ဖော်မပြောပေမဲ့  ဖိုင်ဇာကုမ္ပဏီဆီကနေ ထပ်တိုး ကာကွယ်ဆေးအလုံးရေ သန်း ၃၀၀ ဝယ်ယူရေး သဘောတူထားတယ်လို့  အီးယူက ပြောဆို ထားပါတယ်။  ဒါဟာ ၂၀၂၁ အတွက်  ဖိုင်ဇာကုမ္ပဏီရဲ့  တစ်ကမ္ဘာလုံး ကာကွယ်ဆေးထုတ်လုပ်မှုရဲ့ ထက်ဝက်နီးပါးကို အီးယူကို ပေးမယ့် လုပ်ဆောင်ချက် ဖြစ်ပါတယ်။  တက်ဒရိုရဲ့ မှတ်ချက်စကားအတိုင်းပဲ  WHO အရေးပေါ် လုပ်ငန်းဆိုင်ရာ  အကြီးအကဲ မိုက်ရိုင်ယန်ကလည်း ဘယ်နိုင်ငံမှာပဲ နေနေ ထိခိုက်လွယ် အုပ်စုတွေနဲ့ ရှေ့တန်းက တိုက်ပွဲဝင်နေတဲ့ ကျန်းမာရေးလုပ်သားတွေဆီ  အရင်ဆုံးကာကွယ်ဆေးရောက်ဖို့ လိုအပ်တယ်လို့ အလေးထား ပြောဆိုခဲ့ပါတယ်။
1 year Ago
More News
Up