who

October 13, 2021

Merck & Co ကုမ္ပဏီ၏ ကိုဗစ်ဗိုင်းရပ်စ်ပိုးသတ်ဆေး စမ်းသပ်ချက်ကို WHO စောင့်ဆိုင်း

ကိုဗစ်-၁၉ ကပ်ရောဂါ အနုစားနဲ့ အလတ်စား ကူးစက်ခံလူနာတွေကို ကုသဖို့  Merck & Co  နိုင်ငံတကာကော်ပိုရေးရှင်းက ထုတ်လုပ်တဲ့ ဗိုင်းရပ်စ်ပိုးသတ်ဆေးနဲ့ ပတ်သက်တဲ့ လက်တွေ့ စမ်းသပ်ချက် အချက်အလက် အပြည့်အစုံကို ကမ္ဘာ့ကျန်းမာရေးအဖွဲ့ကြီး WHO က စောင့်နေတယ်လို့ WHO ရဲ့ ပြောခွင့်ရက အောက်တိုဘာ ၁၂ ရက်မှာ ပြောပါတယ်။

ကုမ္ပဏီကသူ့ဆေးကို အရေးပေါ်သုံးစွဲခွင့်အတွက် အမေရိကန် အာဏာပိုင်တွေကို လျှောက်ထားအပြီးမှာ ခုလို ပြောလိုက်တာပါ။

WHO ပြောခွင့်ရ ခရစ်ယာန်လင်းမိုင်ယာက“ဒါဟာ စိတ်ဝင်စားစရာ တိုးတက်မှုပဲ။ ကျနော်တို့ အချက်အလက် အပြည့်အစုံကို ကြည့်ရမယ်။ တကယ်လို့ စစ်မှန်ခဲ့ရင် ကိုဗစ်-၁၉ ကပ်ဘေးကို တိုက်ဖို့ ဒါဟာ လက်နက် နောက်တခု ဖြစ်လာလိမ့်မယ်” လို့ ပြောပါတယ်။

မော်နူပရာဗာ ဆေးဟာ ရောဂါအတွက် အန္တရာယ်တခုထက်မနည်း ရှိတဲ့ အနုစားနဲ့ အလတ်စား လူမမာတွေကို စမ်းသပ်ရာမှာ ဆေးရုံတင်ရနှုန်းနဲ့ သေဆုံးနှုန်းကို ထက်ဝက် လျှော့ချပေးတယ်လို့ ဒီလထဲမှာ ထုတ်ပြန်တဲ့ သတင်းအချက်အလက်တွေက ဆိုထားပါတယ်။

2 weeks Ago

October 2, 2021

ကမ္ဘာတဝန်း ကိုဗစ်ကြောင့် သေဆုံးသူအရေအတွက် တရားဝင်စာရင်းထက် ပိုနိုင်ဟု WHO ပြော

ကမ္ဘာတဝန်းလုံးမှာ ကိုဗစ်ကြောင့် သေဆုံးသူ အရေအတွက်ဟာ တရားဝင် ဖော်ပြနေကြတာ ထက် အများကြီး ပိုနိုင်တယ်လို့ ကမ္ဘာ့ကျန်းမာရေးအဖွဲ့ WHO က ပြောပါတယ်။ 

ကိုဗစ် ရောဂါရယ်၊ ကိုဗစ်နဲ့ ပတ်သက်ဆက်နွယ်တဲ့ ရောဂါတွေကြောင့် သေဆုံးသွားသူ ခန့်မှန်းခြေ ၆ သန်းကနေ ၈ သန်းကြား ရှိနိင်တယ်လို့ ကမ္ဘာ့ကျန်းမာရေးအဖွဲ့က ခန့်မှန်း လိုက်တာပါ။ 

မနှစ်က ကိုဗစ်ကြောင့် သေဆုံးသူဟာ ၃ သန်းအထိ ရှိနိုင်ပြီး တရားဝင် ဖော်ပြတာထက် ၁ ဒသမ ၂ သန်းလောက် ပိုများနိုင်တယ်လို့ ဆိုပါတယ်။ 

၂၀၂၁ မေလအထိ လူပေါင်း ၃ ဒသမ၄ သန်းဟာ ကိုဗစ်ကြောင့် သေဆုံးသွားရပြီးလို့ ကမ္ဘာ့ကျန်းမာရေး အဖွဲ့က ဆိုထားပါတယ်။ 

တကယ်မှာတော့ အမှန်တကယ် သေဆုံးသူဟာ နှစ်ဆကနေ သုံးဆအထိ ပိုများနိုင်တာ ကြောင့် ၆ သန်းကနေ ၈ သန်းလောက်အထိ သေဆုံးပြီး ဖြစ်နိုင်တယ်လို့ လက်ထောက်ညွှန်ကြားရေးမှူးချုပ် ဒေါက်တာ ဆာမာရာ အက်စ်မာက ပြောပါတယ်။  

3 weeks Ago
More News
Up