We Support Heroes

February 24, 2021

CDM ဝန်ထမ်းများအတွက် We Support Heroes အဖွဲ့က ကျပ် ၂၁ သိန်းဖိုး စားနပ်ရိက္ခာ ဖြန့်ဝေ

စစ်တပ်အာဏာသိမ်းလုပ်ရပ်ကို ကန့်ကွက်ရှုတ်ချတဲ့အနေနဲ့ အာဏာဖီဆန်ရေး လှုပ်ရှားမှု (CDM) မှာ ပါဝင်လာကြတဲ့ ဝန်ထမ်းတွေကို We Support Heroes အဖွဲ့က ကျပ် ၂၁ သိန်းဖိုး စားနပ်ရိက္ခာတွေ ဖြန့်ဝေပေးခဲ့တယ်လို့ သိရပါတယ်။

“ဒီနေ့မှာတော့ အနာဂတ်နိုင်ငံတော်ရဲ့ သူရဲကောင်းများအတွက် ရိက္ခာဖြန့်ဝေပေး ခဲ့ပါတယ်။ ကာလတန်ဖိုးငွေ ၂၁ သိန်းကျော်တန်ဖိုးရှိ စားနပ်ရိက္ခာများကို ကျန်းမာရေး ဝန်ထမ်းများအတွက် ကူညီပေးခဲ့ခြင်း ဖြစ်ပါတယ်။ အပြောင်းအလဲမှာ ပြည်သူ့ဝန်ထမ်း တွေအားလုံးက နိုင်ငံရဲ့ သူရဲကောင်းတွေအဖြစ် မှတ်တမ်းထင် ကျန်နေရစ်အောင် ကျွန် တော်တို့အတူတူ ရင်ဆိုင်ကျော်ဖြတ်ကြရအောင်ပါ။ Civil Disobedience Movement မှာ မတရားမှုကိုဆန့်ကျင်သော ပြည်သူ့ဝန်ထမ်းများအား နိုင်ငံရေး၊ စီးပွားရေး၊ အနုပညာ ရေး အလွှာစုံမှ ပြည်သူများက ကူညီစောင့်ရှောက်ကြပါစို့”

ပြီးခဲ့တဲ့ ဖေဖော်ဝါရီ ၁ ရက်က  နိုင်ငံတော် သမ္မတ ဦးဝင်းမြင့်၊ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အစိုးရခေါင်းဆောင်တွေကို  စစ်တပ်က ဖမ်းဆီး အာဏာသိမ်းယူလိုက်ပြီး နောက်တနေ့မှာပဲ အာဏာဖီဆန်ရေးလှုပ်ရှားမှုကို ဆေး လောကသားတွေက စတင်ခဲ့တာဖြစ်ပြီး လက်ရှိမှာတော့ နိုင်ငံတဝန်းမြို့တွေမှာ ဌာနပေါင်းစုံ ပြည်သူ့ဝန်ထမ်းတွေ၊ အနုပညာရှင်တွေ၊ ပြည်သူတွေကပါ ပူးပေါင်းပါဝင် လှုပ်ရှားနေကြတာ ဖြစ်ပါတယ်။

လက်ရှိအချိန်ထိ မြန်မာနိုင်ငံ မြို့နယ်ပေါင်း ၃၀၇ မြို့နယ်မှာ အစိုးရဝန်ထမ်းပေါင်း ၂၂,၀၀၀ ကျော်က အာဏာဖီဆန်ရေးလှုပ်ရှားမှု (CDM) မှာ ပါဝင်နေကြတယ်လို့ သိရပါတယ်။

We Support Heroes အဖွဲ့ကိုတော့ စစ်တပ်အာဏာသိမ်းလုပ်ရပ်ကို ကန့်ကွက် ရှုတ်ချတဲ့ အနေနဲ့ အာဏာဖီဆန်ရေးလှုပ်ရှားမှု(Civil Disobedience Movement)မှာ ပါဝင်နေကြတဲ့ ပြည်သူ့ဝန်ထမ်းတွေကို အကူအညီပေးဖို့ ဖွဲ့စည်းထားတာဖြစ်ပြီး မြန်မာ နိုင်ငံအနှံ့ မြို့ရွာပေါင်းစုံမှာ CDM အတွက် ကူညီထောက်ပံ့နေတဲ့ အဖွဲ့တွေစုပေါင်းပြီး ကွန်ရက်တခု ဖွဲ့စည်းဖို့လည်း ဖိတ်ခေါ်နေပါတယ်။

PHOTO- We Support Heroes

9 months Ago

February 10, 2021

We Support Heroes အဖွဲ့တွင် ဇဏ်ခီဇနီးမောင်နှံပါဝင်လာ၊ တနိုင်ငံလုံး ကွန်ရက်ဖွဲ့ရန်ဖိတ်ခေါ်

We Support Heroes အဖွဲ့မှာ ခီမောင်နှံလို့ ပရိသတ်တွေ သိကြတဲ့ သရုပ်ဆောင် မင်းသား ဇဏ်ခီတို့ ဇနီးမောင်နှံကလည်း ပူးပေါင်းပါဝင်လာတယ်လို့ သိရပါတယ်။

ဇဏ်ခီနဲ့ ဇနီးဖြစ်သူ ဒါရိုက်တာ ခရစ္စတီးနားခီတို့ဟာ ကိုဗစ်-၁၉ ရောဂါကပ်ဘေး ကြောင့် အခက်အခဲတွေနဲ့ ရင်ဆိုင်နေကြရတဲ့ လက်လုပ်လက်စား မပြေလည်သူတွေအတွက် ထောက်ပံ့ကူညီနိုင်မယ့် Free Cash Program for the Needy(FCPN) အစီအစဉ် ကို စတင်ခဲ့ပြီး အကူအညီလိုအပ်တဲ့ လက်လုပ်လက်စား နွမ်းပါးသူတွေ၊ စစ်ပြေးရှောင် စခန်းတွေပါမကျန် လှူဒါန်းမှုတွေ ပြုလုပ်နေပြီး ခုတခါမှာတော့ We Support Heroes အဖွဲ့မှာလည်း ပူးပေါင်းလုပ်ဆောင်သွားမှာ ဖြစ်ပါတယ်။

We Support Heroes အဖွဲ့ကိုတော့ စစ်တပ်အာဏာသိမ်းလုပ်ရပ်ကို ကန့်ကွက် ရှုတ်ချတဲ့ အနေနဲ့ အာဏာဖီဆန်ရေးလှုပ်ရှားမှု(Civil Disobedience Movement)မှာ ပါဝင်နေကြတဲ့ ပြည်သူ့ဝန်ထမ်းတွေကို အကူအညီပေးဖို့ ဖွဲ့စည်းထားတာဖြစ်ပြီး မြန်မာနိုင်ငံအနှံ့ မြို့ရွာပေါင်းစုံမှာ CDM အတွက် ကူညီထောက်ပံ့နေတဲ့ အဖွဲ့တွေစုပေါင်းပြီး ကွန်ရက်တခု ဖွဲ့စည်းဖို့လည်း ဖိတ်ခေါ်နေပါတယ်။

လက်ရှိမှာတော့ ရန်ကုန်၊ နေပြည်တော်၊ မန္တလေး၊ ပဲခူး၊ မကွေး၊ ဟင်္သာတခရိုင်၊ မြိတ် စတဲ့မြို့တွေနဲ့ ဆက်သွယ်ဆောင်ရွက်နေပြီး နိုင်ငံအနှံ့မြို့ရွာတွေက CDM ကူညီရေး အဖွဲ့တွေအနေနဲ့ ဖုန်းနံပါတ် 09752957515 သို့ ဆက်သွယ်စာရင်းပေးနိုင်တယ်လို့ ဆိုပါတယ်။

ဒီလှုပ်ရှားမှုမှာ ပါဝင်တဲ့ ဝန်ထမ်းတွေအနေနဲ့ နေရေး၊ စားရေး အခက်အခဲ ဖြစ် လာခဲ့ရင် ဖော်ပြပါ ဖေ့စ်ဘွတ်ခ်အင်တာနက်လူမှု ကွန်ရက်စာမျက်နှာ https://m.facebook.com/We-Support-Heroes177800567082406/ လင့်ခ်ကတဆင့် ဆက်သွယ်အကူအညီတောင်းခံနိုင်မှာ ဖြစ်ပါတယ်။

ဖေဖေါ်ဝါရီ ၁ ရက်နေ့ မနက်အစောပိုင်းက နိုင်ငံတော် သမ္မတ ဦးဝင်းမြင့်၊ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အစိုးရခေါင်းဆောင်ပိုင်းတချို့ကို စစ်တပ်က ဖမ်းဆီးလိုက်ကာ နိုင်ငံတော်အာဏာသိမ်းယူလိုက်ပြီးနောက်တနေ့မှာပဲ ဒီလှုပ်ရှားမှုကို ဆေးလောကသားတွေက စတင်ခဲ့တာဖြစ်ပြီး လက်ရှိမှာတော့ တခြားကဏ္ဍအသီး သီးက ပြည်သူ့ဝန်ထမ်းတွေ၊ အနုပညာရှင်တွေ၊ ပြည်သူတွေကပါ ပူးပေါင်းပါဝင်လှုပ်ရှားနေကြတာ ဖြစ်ပါတယ်။

ဖေဖော်ဝါရီ ၄ ရက်နေ့မှာတော့ မြန်မာနိုင်ငံရဲ့ ဒုတိယအကြီးဆုံး မြို့တော်ဖြစ်တဲ့ မန္တလေးမြို့မှာ အာဏာသိမ်းမှုကို ဆန့်ကျင်တဲ့ ပြည်သူတွေက ပထမဆုံးလမ်းပေါ်ထွက် ဆန္ဒပြမှုအနေနဲ့ စတင်ခဲ့ပြီး လက်ရှိအချိန်ထိ ရန်ကုန်၊ နေပြည်တော်အပါအဝင် ကျန်တဲ့ တိုင်းနဲ့ ပြည်နယ်တွေမှာပါ ဆန္ဒပြပွဲတွေ ဆက်တိုက်ဖြစ်ပေါ်နေခဲ့တာ ဖြစ်ပါတယ်။

10 months Ago
Up