uwsa

April 18, 2021

“ဝ”ကိုယ်ပိုင်အုပ်ချုပ်ခွင့်ရဒေသ အတုယူဖွယ်စံပြဖြစ်ဟု မြောက်ပိုင်းမဟာမိတ် ၃ ဖွဲ့ သဝဏ်လွှာပို့

“ဝ”ပြည်နယ်ဟာ တိုင်းရင်းသားလက်နက်ကိုင်တော်လှန်ရေးအဖွဲ့တွေအတွက်   အတုယူဖွယ် စံပြကိုယ်ပိုင်အုပ်ချုပ်ခွင့်ရဒေသဖြစ်တယ်လို့ မြောက်ပိုင်းမဟာမိတ် လက်နက်ကိုင် ၃ ဖွဲ့က  သဝဏ်လွှာပေးပို့လိုက်ပါတယ်။

ဧပြီ ၁၇ ရက်မှာကျရောက်တဲ့ “ဝ”အထူးဒေသ(၂)ရဲ့ ငြိမ်းချမ်းရေးတည်ဆောက်မှု (၃၂) ပြည့်အခမ်းအနားကို မြောက်ပိုင်းညီနောက်မဟာမိတ်(၃)ဖွဲ့ဖြစ်တဲ့ ကိုးကန့်အဖွဲ့ MNDAA၊ တအာင်းအဖွဲ့ TNLA၊ နဲ့ ရက္ခိုင့်တပ်တော်  AAတို့ က ဝမ်းမြောက်ကြောင်းသဝဏ်လွှာ ပူးတွဲပေးပို့ရာမှာ ဖော်ပြထားတာဖြစ်ပါတယ်။

“ဝ” ပြည်နယ်အတွင်းရှိ ပြည်သူလူထုတစ်ရပ်လုံးဟာ “ဝ” တပ်မတော်ရဲ့ကာကွယ်မှုအောက် စိတ်ငြိမ်းချမ်းစွာနေထိုင်ကြပြီး “ဝ” ပြည်နယ်အစိုးရရဲ့ ပါတီရဲ့ ဦးဆောင်မှုအောက် ပြည်သူလူထု တစ်ရပ်လုံးနဲ့ တပ်မတော်သားတွေ စည်းလုံးညီညွတ်စွာနဲ့ ဒေသဖွံ့ဖြိုးတိုးတက်မှုကို တည်ဆောက်နိုင်ခဲ့ကြပြီး မိမိတို့ တိုင်းရင်းသားလက်နက်ကိုင် တော်လှန်ရေးအဖွဲ့အစည်းများ အတွက် အတုယူဖွယ် စံပြကိုယ်ပိုင်အုပ်ချုပ်ခွင့်ရဒေသအဖြစ် တည်ဆောက်နိုင်ခဲ့တယ်လို့ သဝဏ်လွှာမှာ ဖော်ပြပါတယ်။

မြန်မာနိုင်ငံမှာ တိုင်းရင်းသားလူမျိုးတွေဟာ ကိုယ်ပိုင်အုပ်ချုပ်ခွင့် ရရှိမှသာလျှင် ပြည်တွင်းစစ် ချုပ်ငြိမ်းနိုင်ပြီး ထာဝရငြိမ်းချမ်းရေးကို ဖော်ဆောင်နိုင်မယ်ဆိုတာကို ကမ္ဘာသိအောင်  ထုတ်ဖော်ပြသနိုင်ခဲ့တယ်လို့လည်း ဆိုပါတယ်။ 

လက်ရှိကာလဟာ စစ်တပ်အာဏာသိမ်းမှုကြောင့် နိုင်ငံမတည်မငြိမ်ဖြစ်နေတာ ၃ လနီးပါးကြာမြင့်ပြီဖြစ်ပြီး ခုချိန်ထိလည်း မရပ်တန့်နိုင်သေးတာကြောင့် ၂၀၂၁ခုနှစ်မှာ သမိုင်းဝင်အပြောင်းအလဲဖြစ်ပေါ်နိုင်မယ့်နှစ်လို့ လည်း သဝဏ်လွှာမှာဖော်ပြထားပါတယ်။

“ဝ”ပြည်နယ်အနေနဲ့ အပစ်မရပ်သေးတဲ့  FPNCC အဖွဲ့ဝင်တွေကို ဦးဆောင်ပြီး မြောက်ပိုင်း လက်နက်ကိုင်အဖွဲ့ အစည်းတွေရဲ့ ဘုံအကျိုးစီးပွားကို ကာကွယ်ပေးဖို့နဲ့ ဘုံရည်မှန်းချက်ကို ဖော်ဆောင်ပေးဖို့လည်း ညီနောင် ၃ ဖွဲ့က တောင်းဆိုထားပါတယ်။

8 months Ago

April 7, 2021

စစ်အာဏာသိမ်းမှုအပေါ် မှတ်ချက်ပေးရန်မရှိဟု UWSA 'ဝ’တောင်ပိုင်းဆက်ဆံရေးတာဝန်ခံ ပြော

မြန်မာပြည်မှာ စစ်တပ်အာဏာသိမ်းဖြစ်စဉ်ဟာ အရင်အစိုးရနဲ့ အာဏာသိမ်းသူတို့ အချင်းချင်းဖြစ်ကြတာကြောင့် မှတ်ချက်ပေးဖို့မရှိဘူးလို့ UWSA ‘ဝ’တောင်ပိုင်းဆက်ဆံရေးတာဝန်ခံ  ဉီးဆမ်ပိန်းကပြောပါတယ်။

စစ်တပ်ရဲ့အကြမ်းဖက်ပစ်ခတ်မှုကြောင့် ပြည်သူတွေ သေဆုံးနေကြတဲ့အပေါ်ကိုတော့ စိတ်မကောင်းဘူးလို့ ဉီးဆမ်ပိန်းကပြောပါတယ်။

ဖေဖော်ဝါရီ ၁ ရက် စစ်အာဏာသိမ်းဖြစ်စဉ်နဲ့ပတ်သက်ပြီး နှုတ်ဆိတ်နေတဲ့ တိုင်းရင်းသားလက်နက်ကိုင်အဖွဲ့အစည်းတွေထဲမှာ  ‘ဝ’တပ်ဖွဲ့လည်းပါဝင်ပါတယ်။

လက်ရှိမှာလည်း ‘ဝ’တောင်ပိုင်း၊ စစ်ဒေ (၁၇၁)၊ ဝမ်ဟုန်မှာ ရှေးဉီးသူနာပြုနဲ့ပတ်သက်ပြီး အကြမ်းဖက်စစ်တပ်က ‘ဝ’တပ်ဖွဲ့ဝင်တွေကို သင်တန်းပေးနေပါတယ်။ ဒါဟာ သင်တန်းဒုတိယ အပတ်စဉ်လည်း ဖြစ်ပါတယ်။

အရေးပေါ်အခြေနေနဲ့ပတ်သက်လို့ ဘယ်လိုကုသရမလဲဆိုတာကို သင်တန်းပေးနေတာဖြစ်တဲ့အတွက် သာမာန်ကိစ္စပဲလို့ ဉီးဆမ်ပိန်းကပြောပါတယ်။

8 months Ago
More News
Up