RCSS

October 10, 2022

တိုင်းရင်းသားလက်ကိုင်အဖွဲ့များ တွေ့ဆုံဆွေးနွေးရန် RCSS ကမ်းလှမ်း

ရှမ်းပြည်နယ်အတွင်းရှိ တိုင်းရင်းသားလက်နက်ကိုင်တပ်ဖွဲ့တွေ အချင်းချင်းကြား ပဋိပက္ခဖြေလျော့နိုင်ရေးနဲ့ နေရပ်စွန့်ခွာနေတဲ့ ပြည်သူတွေရဲ့အခက်အခဲ ဖြေရှင်းနိုင်နိုင်ရေးအတွက် တွေ့ဆုံဆွေးနွေးဖို့ ရှမ်းပြည်ပြန်လည်ထူထောင်ရေးကောင်စီ (RCSS) က ကမ်းလှမ်းလိုက်ပါတယ်။

တွေ့ဆုံဆွေးနွေးခြင်းကနေတဆင့် အပြန်အလှန် ဝင်ထွက်သွားလာ ဆက်ဆံနိုင်ရေး၊ အထင်မှားမှု လျှော့ချနိုင်ရး၊ နာလည်မှုရှိရေး၊ ယုံကြည်မှုတည်ဆောက်နိုင်ရေးနဲ့ လူထုနဲ့ တိုင်းပြည်အကျိုးအတွက် နိုင်ငံရေးနည်းလမ်းနဲ့ နိုင်ငံရေးပြဿနာကို ဖြေရှင်းနိုင်ဖို့ ရည်ရွယ်တာဖြစ်တယ်လို့ RCSS ရဲ့ အောက်တိုဘာ ၁၀ ရက် ထုတ်ပြန်ချက်မှာ ဖော်ပြထားပါတယ်။

RCSS ပြောရေးဆိုခွင့်ရှိသူ အတွင်းရေးမှူး ၂  ဗိုလ်မှူး ခမ်းစံက “အဓိက ပြည်သူလူထုကျတော့ စစ်ရေးတင်းမာနေတဲ့ ဒေသတွေကြားထဲမှာညပ်နေတယ်။ သူတို့က နေရပ်စွန့်ခွာလာတာတွေ များလာတယ်။ နောက်တချို့တွေဆိုရင် နယ်စပ်ဖြတ်ကျော်ပြီးမှ တခြားနိုင်ငံတွေ အလုပ်သွားလုပ်တာတွေ ရှိတာပေါ့နော်။ တစ်လ တစ်လ ထောင်ချီရှိတယ်လေနော်။ ကျနော်တို့ စစ်ရေးတင်းမာလာတဲ့ ၂ နှစ်ကျော်ကာလအတွင်းမှာ ပြည်သူလူထု သောင်းချီ၊ သိန်းချီရှိပြီး နေရပ်စွန့်ခွာသွားတာ။ တချို့ရွာတွေဆိုရင် ပျက်ခါနီးရှိပြီလေ။ ဒါကြောင့် ကျနော်တို့ ပြည်သူလူထုအတွက် စဉ်းစားဖို့လိုတယ်ပေါ့။ နောက်တခု စစ်ရေးတင်းမာနေတယ်ဆိုတာ အဓိက အားနည်းတာတခုက communication လိုင်းတွေ အားနည်းတာပေါ့။ သတင်းမှား စီးဆင်းမှုတွေ၊ နားလည်မှုလွဲတာတွေ၊ အထင်မြင်လွဲတာတွေ ဒါကြောင့် ကျနော်တို့တွေ့ဆုံဆွေးနွေးပြီးတော့မှ တဖက်ရဲ့သတင်းကို ကျနော်တို့ အပြန်အလှန် ဖလှယ်မယ်ဆိုရင် ကျနော်တို့ တင်းမာမှုတွေ လျှော့ချနိုင်မယ်လို့ ကျနော်တို့ မျှော်လင့်တယ်လေ။” လို့ ဒီဗွီဘီကို ပြောပါတယ်။

ဒီကနေ့  အောက်တိုဘာ ၁၀ ရက်ကနေ  ၂၀၂၃ ခု  ဖေဖော်ဝါရီ ၁၀ ရက်အထိ ရှမ်းပြည်နဲ့ ပြည်ထောင်စုအတွင်းရှိ တိုင်းရင်းသားလက်နက်ကိုင်တော်လှန်ရေး အဖွဲ့အစည်းတွေနဲ့ တွေ့ဆုံဆွေးနွေးနိုင်ရေး ကမ်းလှမ်းထားကြောင်းလည်း ထုတ်ပြန်ထားပါတယ်။

“ဒီတခေါက်ထုတ်ပြန်ချက်ရဲ့ ရည်ရွယ်ချက်ကျတော့ အဓိက ၂ ချက်ရှိတယ်။ အရေးကြီးဆုံးကတော့ ရှမ်းပြည်ထဲမှာရှိတဲ့ တိုင်းရင်းသားလက်နက်ကိုင်တွေအချင်းချင်းကြားမှာ ပဋိပက္ခ ဖြေလျှော့နိုင်ရေးပေါ့နော်။ နောက်တခုကျတော့ ဒီစစ်ရေးတင်းမာနေတဲ့ ဒေသတွေမှာ ကြားထဲမှာ ညပ်နေတဲ့ ပြည်သူလူထုဒုက္ခရောက်နေတဲ့ ကိစ္စတွေကို ဖြေရှင်းဖို့ပေါ့နော်။ အဓိက ဒီအချက်တွေပါပဲ”  လို့ ဗိုလ်မှူးခမ်းစံက ပြောပါတယ်။

ဒီလို အဖွဲ့အစည်းအားလုံးနဲ့ တွေ့ဆုံဆွေးနွေးခြင်းကနေ မဟာမိတ်ဖြစ်လာနိုင်ရေး၊ စည်းလုံးညီညွတ်မှု တည်ဆောက်နိုင်ရေးနဲ့ ဖယ်ဒရယ်ပြည်ထောင်စုတည်ဆောက်နိုင်ရေးအထိ ဆောင်ရွက်နိုင်မယ်လို့ ယုံကြည်တဲ့အတွက် တွေ့ဆုံဆွေးနွေးရေးကမ်းလှမ်းရတာလို့ RCSS ထုတ်ပြန်ထားပါတယ်။

RCSS အဖွဲ့ဟာ စစ်တပ်အာဏာသိမ်းပြီးနောက် ရှမ်းလက်နက်ကိုင်အဖွဲ့တဖွဲ့ဖြစ်တဲ့ ရှမ်းပြည်တိုးတက်ရေးပါတီ (SSPP)နဲ့ တိုက်ပွဲတွေဖြစ်ပွားခဲ့တဲ့အဖွဲ့ဖြစ်ပြီး အာဏာသိမ်း စစ်ခေါင်းဆောင်ဖိတ်ခေါ်တဲ့ ငြိမ်းချမ်းရေးဆွေးနွေးပွဲကိုလည်း   ၂ ကြိမ်တိုင် သွားတက်ခဲ့တဲ့အဖွဲ့လည်း ဖြစ်ပါတယ်။ 

Photo-RCSS/SSA

4 months Ago

May 24, 2022

စစ်ကောင်စီနှင့် RCSS အချက် ၄ ချက် သဘောတူလက်မှတ်ရေးထိုး

အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်နဲ့ နေပြည်တော်မှာ ငြိမ်းချမ်းရေးကိစ္စ သွားရောက်ဆွေးနွေးခဲ့တဲ့ RCSS/SSA  ရှမ်းပြည်ပြန်လည်ထူထောင်ရေးကောင်စီ/ ရှမ်းပြည်တပ်မတော် ဥက္ကဋ္ဌ ဗိုလ်ချုပ်ကြီးယွက်စစ်နဲ့ အဖွဲ့ဝင်တွေဟာ ဖက်ဒရယ်ပြည်ထောင်စု တည်ဆောက်ရေးအပါအဝင် အချက် ၄ ချက်ကို သဘောတူ လက်မှတ်ရေးထိုးခဲ့ကြပါတယ်။ 

မေ ၂၀ ရက်နေ့က နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နဲ့ တွေ့ဆုံစဉ် ဖက်ဒရယ်ပြည်ထောင်စုတည်ဆောက်သွားကြဖို့ နှစ်ဘက်တူညီတဲ့ သဘောထားရရှိခဲ့ပြီး မေ ၂၁ - ၂၂ အတွင်း စစ်ကောင်စီရဲ့ အမျိုးသားစည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှု ညှိနှိုင်းရေးကော်မတီနဲ့ ဆက်လက်ဆွေးနွေးခဲ့တာမှာ အချက် ၄ ချက် သဘောတူလက်မှတ်ရေးထိုးခဲ့တာပါ။

အဆိုပါအချက်ထဲမှာ ပါတီစုံဒီမိုကရေစီ ဖက်ဒရယ်ပြည်ထောင်စုတည်ဆောက်ရေး ပါဝင်တယ်လို့  ဒုဗိုလ်မှူးကြီး  စိုင်းအုမ်ခေးက ဒီဗွီဘီကို ပြောပါတယ်။ 

“ နံပါတ် ၁ က နိုင်ငံရေးကိစ္စ၊ နံပါတ် ၂ က စစ်ရေးစစ်ရာ ကိစ္စ၊ နံပါတ် ၃ က  ‌ဒေသဖွံ့ဖြိုးရေးနဲ့ နံပါတ် ၄ က စီးပွါးရေးကိစ္စပေါ့။ နံပါတ် ၁ မှာ ပါတီစုံဒီမိုကရေစီရွေးကောက်ပွဲ နဲ့ ဖက် ဒရယ်ပြည်ထောင်စုတည်ဆောက်ရေးဆိုတဲ့ အချက်နှစ်ချက်ပါတယ်။ စစ်ရေးစစ်ရာက ၁ ချက်ပဲပါ ပါတယ်။  ဒေသဖွံ့ဖြိုးရေးကို ပြည်သူလူထုအတွက် လက်လှမ်းမီသလောက် စီးပွားရေး၊ စိုက်ပျိုးရေး၊ ကျန်းမာရေး၊ ပညာရေး လမ်းပန်းဆက်သွယ်ရေး စတဲ့ အခြေခံတိုးတက်ဖွံ့ဖြိုးရေးအတွက် အတူတူဝိုင်းဝိုင်းဆောင်ရွက်ဖို့ အချက်တွေပါပါတယ်။”

စစ်ရေးစစ်ရာမှာ ပါဝင်တဲ့အချက်တွေနဲ့ စီးပွားရေးမှာ ဘယ်လိုလုပ်ပိုင်ခွင့်တွေရခဲ့လဲ ဆိုတာကို တော့ ပြောလို့မရသေးဘူးလို့ ဆိုပါတယ်။ 

မေ ၂၁ - ၂၂ တွေ့ဆုံဆွေးနွေးပွဲမှာ  RCSS ဘက်က ဥက္ကဋ္ဌ ဗိုလ်ချုပ်ကြီး ယွက်စစ်၊ အတွင်းရေးမှူး-၁ ဗိုလ်မှူးကြီး စိုင်းငင်းနဲ့ စစ်ကောင်စီဘက်က အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီဥက္ကဋ္ဌ၊ ဒုဗိုလ်ချုပ်ကြီး ရာပြည့်၊ အတွင်းရေးမှူး ဒုဗိုလ်ချုပ်ကြီး မင်းနောင်နဲ့ အဖွဲ့ဝင်တွေဖြစ်တဲ့ ဒုဗိုလ်ချုပ်ကြီး မိုးမြင့်ထွန်း၊ ဗိုလ်မှူးကြီး ဆောင်းဟန်တို့ တက်ရောက်ကြပါတယ်။

နောက်ထပ် ဘယ်တော့တွေ့ဆုံဆွေးနွေးကြမလဲဆိုတာကိုတော့ မသိသေးကြောင်း၊  ဒီတ ခေါက်ခရီးစဉ်ပေါ်မှာတော့ RCSS/SSA အနေနဲ့ ကျေနပ်အားရမှုရှိတယ်လို့ ဆိုပါတယ်။ အကြမ်းဖက်မှုကျူးလွန်နေတဲ့ စစ်ခေါင်းဆောင်ရဲ့  ငြိမ်းချမ်းရေးဆွေးနွေးကို သွားရောက်ခဲ့တဲ့အတွက် လူမှုကွန်ရက်မှာ ဝေဖန်ခံနေရပေမဘ့် တဘက်နဲ့တဘက် ပစ်ခတ်တိုက်ခိုက်နေမယ်ဆိုရင် ဘယ်တော့မှငြိမ်းချမ်းရေးရမှာမဟုတ်ကြောင်း၊  ဘယ်လိုပဲတိုက်နေကြပါစေ နောက်ဆုံးတော့ စကားဝိုင်းပေါ်မှာပဲ ငြိမ်းချမ်းစွာတွေ့ဆုံဖြေရှင်းရတာပဲလို့ RCSS/SSA ဘက်က ပြောသွားပါတယ်။

8 months Ago
More News
Up