PSG

July 24, 2022

အသင်းပြောင်းရန်မရှိဘဲ PSG တွင် ဆက်ရှိမည်ဟု တိုက်စစ်မှူး နေမာ အတည်ပြု

အခုနှစ်ရာသီမှာ အသင်းပြောင်းရွှေ့ဖို့ ဆန္ဒမရှိဘဲ အသင်းမှာပဲဆက်ရှိမှာဖြစ်ကြောင်း  PSG တိုက်စစ်မှူးနေမာက အတည်ပြုပြောပါတယ်။

နေမာဟာ PSG နဲ့ စာချုပ်သက်တမ်းကျန်ရှိနေ သေးပေမယ့် ချဲလ်ဆီး၊ မန်စီးတီးလိုအသင်းတွေနဲ့ အပြောင်းအရွှေ့သတင်းတွေထွက်ပေါ်ခဲ့တာပါ။

အဲဒီသတင်းတွေအပေါ် နေမာက ငြင်းဆန်သွားခဲ့ပြီး အသင်းမှာပဲဆက်ပြီးကစားချင်ကြောင်း နေမာ ကအတည်ပြုခဲ့တာပါ။

“ကလပ်အသင်းဘက်က ဘယ်လိုလဲမသိပေမယ့် ကျနော်ကတော့ အသင်းမှာ ဆက်ရှိနေချင်ပါတယ်။ ဒီအသင်းမှာ စာချုပ်သက်တမ်းတွေလည်းကျန်ရှိပါသေးတယ်။ လက်ရှိအချိန်ထိတော့ စာချုပ်သစ်ကမ်းလှမ်းတာမရှိသေးပါဘူး” လို့ နေမာကပြောပါတယ်။

ပီအက်စ်ဂျီ အသင်းဟာ နည်းပြသစ် ဂယ်တီယာလက်ထက်မှာ အပြောင်းအလဲသစ်တချို့ကိုမြင်တွေ့ရဖို့ရှိပါတယ်။ 

5 months Ago

April 25, 2022

ပြင်သစ်လိဂ်ချန်ပီယံဖြစ်ပြီးနောက် နည်းပြပိုချက်တီနိုကို ထုတ်ပယ်ရန် PSG စီစဉ်

ပြင်သစ်ထိပ်သီးကလပ် ပီအက်စ်ဂျီအသင်းဟာ လီဂူးဝမ်းချန်ပီယံဆုဖလားကို ဆွတ်ခူးနိုင်ခဲ့ပြီး နောက် နည်းပြပိုချက်တီနိုနဲ့ လမ်းခွဲသွားဖို့ စီစဉ်နေပါတယ်။ 

ပိုချက်တီနိုနဲ့ နည်းပြအဖွဲ့ဝင်တွေဟာ အသင်းနဲ့ တနှစ်စာချုပ်သက်တမ်း ကျန်ရှိသေးတာကြောင့် ပီအက်စ်ဂျီက ထုတ်ပယ်မယ်ဆိုရင် လျော်ကြေးပေါင် ၁၂ ဒသမ ၆ သန်း ပေးချေရမယ်လို့ သိရပါတယ်။ 

အာဂျင်တီးနားနည်းပြ ပိုချက်တီနိုဟာ ပြီးခဲ့တဲ့ရာသီကမှ စတင်ကိုင်တွယ်ခဲ့တာဖြစ်ပေမဲ့ ဥရောပချန်ပီယံလိဂ်ပြိုင်ပွဲမှာ ၁၆ သင်းအဆင့်ကနေ ထွက်ခွာခဲ့ရတာကြောင့် ရာထူးကနေ ထုတ်ပယ်သွားဖို့ စီစဉ်နေတာပါ။ 

ပီအက်စ်ဂျီအသင်းဟာ ပိုချက်တီနိုရဲ့နေရာမှာ စပါးအသင်းကို ကိုင်တွယ်နေတဲ့ နည်းပြကွန်တီနဲ့ အစားထိုးဖို့ စိတ်ဝင်စားနေတယ်လို့ ပြင်သစ်သတင်းတွေက ဖော်ပြပါတယ်။ 

တခါ စပါးအသင်းကလည်း နည်းပြဟောင်း ပိုချက်တီနိုကို ပြန်လည်ခေါ်ယူဖို့ စိတ်ဝင်စားနေကြောင်း သတင်းထွက်ပေါ်လာခဲ့ပြန်ပါတယ်။ 

ပီအက်စ်ဂျီအသင်းဟာ ကွန်တီနဲ့ အဆင်မပြေခဲ့ပါက ရီးရဲလ်မက်ဒရစ်နည်းပြဟောင်း ဇီဒန်းကို ခေါ်ယူခန့်အပ်လိုနေတယ်လို့ သိရပါတယ်။ 

8 months Ago
More News
Up