PG-13 အဆင့်

March 6, 2020

စိတ်ဝင်စားဖွယ် ဆယ်ကျော်သက်မိန်းကလေး ၂ ဦးရဲ့ ဇာတ်လမ်းရုပ်ရှင်-Never Rarely Sometimes Always(နမူနာ)

စိတ်ဝင်စားစရာကောင်းတဲ့ ဒရာမာရုပ်ရှင်ပရိသတ်တွေ ကြိုက်နှစ်သက်ကြမယ့် Never Rarely Sometimes Always အမည်ရတဲ့ ရုပ်ရှင်ကို မကြာခင်မှာ ရုံတင်ပြသ သွားဖို့ ရှိနေပါတယ်။ ဒီကားကိုတော့ Focus Features ရုပ်ရှင်ထုတ်လုပ်ရေးက ဖြန့်ချိပေးသွားမှာဖြစ်ပြီး အမေရိကန်အမျိုးသမီး ရုပ်ရှင်ဒါရိုက်တာ Eliza Hittman က ရိုက်ကူးပုံဖော်ပေးထားတာ ဖြစ်ပါတယ်။ အမေရိကန်နိုင်ငံ၊ Pennsylvania ပြည်နယ်ကျေးလက်ဒေသမှာ နေထိုင်တဲ့ Autumn နဲ့ Skylar တို့ ဆယ်ကျော်သက် ညီအစ်မဟာ ထင်မှတ်မထားပဲ ရရှိခဲ့တဲ့ ကိုယ်ဝန်ကြောင့် ဒါကို ဖြေ ရှင်းဖို့ ဖြစ်လာခဲ့ပါတယ်။ ဒါပေမယ့် သူတို့ရဲ့ ပြဿနာကို ဖြေရှင်းဖို့ ကူကယ်ရာမဲ့တဲ့ အခြေ အနေနဲ့ ရင်ဆိုင်ကြရချိန်မှာတော့ ဘယ်လိုဖြေရှင်းကြမလဲ၊ ပြည်နယ်ဖြတ်ကျော်ပြီး နယူး ယောက်မြို့ဆီ ထွက်လာခဲ့ကြချိန်မှာတော့ ဘာတွေ ဆက်ဖြစ်လာမလဲ၊ အဲဒီနောက်ကွယ် မှာ ဘာတွေဖြစ်ခဲ့ကြသလဲဆိုတာတွေကို ဘယ်လို အလှည့်အပြောင်းတွေ၊ ဇာတ်လမ်း ဇာတ်ကွက်တွေနဲ့ ရိုက်ကူးပုံဖော်ထားမလဲဆိုတာကိုတော့ မကြာခင်မှာပဲ ရှုစားကြရတော့ မှာ ဖြစ်ပါတယ်။ ဒီကားထဲမှာတော့ ဟောလိဝုဒ်သရုပ်ဆောင်မင်းသားမင်းသမီးတွေ ဖြစ်ကြတဲ့ Ryan Eggold ၊ Talia Ryder ၊ Sidney Flanigan ၊ Théodore Pellerin စတဲ့ သရုပ် ဆောင်တွေ ပါဝင်ထားကြတာ ဖြစ်ပါတယ်။ ဒီကားထဲမှာ ပါဝင်တဲ့ တချို့ဇာတ်ဝင်ခန်းမြင်ကွင်းတွေ၊ ပြကွင်းပြကွက်တွေနဲ့ ပြော စကား Dialog တွေက အသက် ၁၃ နှစ်အောက် ကလေးငယ်တွေ ကြည့်ရှုဖို့ မသင့်တော် တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူခွင့်ပြုချက် Guideline နဲ့မှ ကြည့် ရှုသင့်တဲ့ PG-13 အဆင့် သတ်မှတ်ထားပါတယ်။  IMDb မှာတော့ ဒီရုပ်ရှင်ကားဟာ Rating 7 အထိ ရရှိထားတဲ့ ဇာတ်ကားကောင်း တကား ဖြစ်ပါတယ်။ ဒီကားကို နာမည်ကြီး ရုပ်ရှင်ပွဲတော်တွေဖြစ်တဲ့ Sundance Film Festival ၊  Berlin International Film Festival တွေမှာ ကနဦးပြသခဲ့ပြီး ဆုတွေလည်း ရရှိထားခဲ့ ပါတယ်။ လတ်တလောမှာတော့ ဒီရုပ်ရှင်ကား Trailer ကို ယူကျုဘ်ပေါ်မှာ ဝင်ရောက်ကြည့် ရှုကြတဲ့ အကြိမ်ရေ သန်းနဲ့ချီ ရှိနေခဲ့ပြီ ဖြစ်ပါတယ်။ ကြာမြင့်ချိန် ၁၀၁ မိနစ်ရှိတဲ့ ဒီရုပ်ရှင်ကိုတော့ အမေရိကန်နိုင်ငံမှာ လာမယ့် မတ်လ ၁၃ ရက်နေ့မှာ ရုံတင်ပြသသွားမယ်လို့ ကြေငြာထားပါတယ်။
1 year Ago

ဗင်ဒီဇယ်လ် အမိုက်စားသရုပ်ဆောင်ထားသည့် စူပါဟီးရိုးရုပ်ရှင်-Bloodshot(နမူနာ)

ဟောလိဝုဒ်ဝါရင့်သရုပ်ဆောင်မင်းသား ဗင်ဒီဇယ်လ်ခေါင်းဆောင်ပါဝင်ထားတဲ့ စူပါဟီးရိုးရုပ်ရှင်-Bloodshot ကို လာမယ့်သီတင်းပတ်ထဲမှာ ရုံတင်ပြသသွားဖို့ ရှိနေပါတယ်။ ဒီကားကိုတော့ နာမည်ကြီး ရုပ်ရှင်ထုတ်လုပ်ရေးကုမ္ပဏီတခုဖြစ်တဲ့ Sony Pictures Releasing ကနေ ဖြန့်ချိပေးသွားမှာဖြစ်ပြီး ဒါရိုက်တာ David S. F. Wilson က ရိုက်ကူးပုံ ဖော်ပေးထားတာ ဖြစ်ပါတယ်။ စစ်သားတယောက်ဖြစ်တဲ့ Ray Garrison ဟာ ဇနီးဖြစ်သူနဲ့အတူ လုပ်ကြံသတ် ဖြတ်ခံခဲ့ရပြီးနောက်မှာ သူ့ကို သိပ္ပံပညာရှင်တစုက Nano Technology အသုံးပြုပြီးတော့ Super Human တယောက်၊ Super Soldier တယောက်ဖြစ်အောင် ဖန်တီးပေးခဲ့ကြပါတယ်။  အဲဒီနောက် Bloodshot အမည်နဲ့ စွမ်းအားသစ်တွေ ပိုင်ဆိုင်လာခဲ့ပြီးချိန်မှာတော့ ဘာတွေဆက်ဖြစ်လာမလဲ၊ နောက်ပြီးတော့ သူ့ရဲ့ မှတ်ဉာဏ်တွေဟာ ပျောက်ဆုံးနေခဲ့တဲ့အတွက် ဒါကို တိုက်ထုတ်ဖို့၊ သူ့မိသားစုအတွက် လက်စားချေဖို့ရော ဖြစ်နိုင်ပါ့မလား၊ အဲဒီမှတ်ဉာဏ်တွေကရော အစစ်အမှန်ပဲလား၊ တကယ်လက်စားချေတာရော ဟုတ်ရဲ့လား၊ အဖွဲ့အစည်းတခုက သူ့ကို အသုံးချနေခဲ့တာလား၊ ဒါတွေကို စိတ်ဝင်စားစရာ အပစ်အခတ် စွန့်စားမှုအက်ရှင်ဇာတ်လမ်းဇာတ်ကွက်တွေနဲ့ ရှုစားကြရမှာ ဖြစ်ပါတယ်။ ဒီကားထဲမှာတော့ ဗင်ဒီဇယ်လ်နဲ့အတူ တခြားဟောလိဝုဒ်သရုပ်ဆောင်မင်းသား မင်းသမီးတွေ ဖြစ်ကြတဲ့ Eiza González ၊ Sam Heughan ၊ Toby Kebbell ၊ Guy Pearce စတဲ့ သရုပ်ဆောင်တွေလည်း ပါဝင်ထားကြပါတယ်။ ဒီကားထဲမှာ ပါဝင်တဲ့ ကြမ်းတမ်းတဲ့ တချို့ဇာတ်ဝင်ခန်းမြင်ကွင်းတွေ၊ ပြကွင်းပြကွက်တွေနဲ့ ပြောစကား Dialog တွေက အသက်  ၁၃ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူခွင့်ပြုချက် Guideline နဲ့မှ ကြည့်ရှုသင့်တဲ့ PG-13 အဆင့် သတ်မှတ်ထားပါတယ်။ ကြာမြင့်ချိန် ၁၀၉ မိနစ်ရှိတဲ့ ဒီရုပ်ရှင်ကိုတော့ ဘတ်ဂျတ်အမေရိကန်ဒေါ်လာ ၄၂ သန်း အကုန်အကျခံ ရိုက်ကူးထားတာပါ။ ဒီရုပ်ရှင်ကား Trailer ဟာ ထွက်ရှိလာချိန်ကတည်းက ပရိသတ်တွေကြားမှာ ရေ ပန်းစားနေခဲ့တာဖြစ်ပြီး ယူကျုဘ်ပေါ်မှာတော့ လတ်တလောအချိန်ထိ ဝင်ရောက်ကြည့်ရှုသူ သန်းနဲ့ချီ ရှိနေပါတယ်။ ဒီကားကိုတော့ လာမယ့် မတ် ၁၃ ရက်နေ့ စတင်ပြီး ရုံတင်ပြသတော့မယ်လို့ ကြေညာထားပါတယ်။
1 year Ago
Up