NLD အမတ်

November 14, 2021

သထုံ NLD အမတ်အမှု ယခုလကုန် အမိန့်ချမည်

ကျိုက်မရောဗဟို အကျဉ်းထောင်မှာ ဖမ်းဆီးထိန်းသိမ်းခံထားရတဲ့ သထုံမြို့နယ် ပြည်နယ် လွှတ်တော် ကိုယ်စားလှယ် ဒေါ်မာမာခိုင် အမှုကို အခုလကုန်မှာ အမိန့်ချမှတ်သွားမယ်လို့ မိသားစုဝင်တွေက DVB ကို ပြောပါတယ်။

အမျိုးသားဒီမိုကရေစီအဖွဲ့ချုပ် NLD ပါတီ လွှတ်တော်ကိုယ်စားလှယ် ဒေါ်မာမာခိုင်ကို စစ်ကောင်စီက ဝန်ထမ်းတွေ CDM မှာ ပါဝင်ဖို့ လှုံ့ဆော်တာ၊ စစ်အာဏာရှင် ဆန္ဒပြပွဲ ဦးဆောင်ခဲ့တယ်ဆိုတဲ့ စွဲဆိုချက်တွေနဲ့ ပုဒ်မ ၅၀၅(က)နဲ့ အမှုဖွင့်ထားတာ ဖြစ်ပါတယ်။

NLD အမတ် ဒေါ်မာမာခိုင်ကို ပြီးခဲ့တဲ့ ဇွန်လ ၁၁ ရက်နေ့မှာ စစ်ကောင်စီက ရာဇသတ်ကြီး ဥပဒေ ပုဒ်မ ၅၀၅(က) နဲ့ စွဲချက်တင် အမိန့်ချမှတ်ထားတာ ဖြစ်ပါတယ်။

လက်ရှိမှာတော့ ဒေါ်မာမာခိုင်အမှုအတွက် တရားခံပြ သက်သေတွေကို ဆက်လက် စစ်ဆေးနေပြီး၊ နိုဝင်ဘာလကုန်မှာ အမိန့်ချသွားဖို့ တရားရုံးဘက်က စီစဉ်ထားတယ်လို့ မိသားစုဝင်တစ်ဦးက ပြောပါတယ်။

ဒေါ်မာမာခိုင်နဲ့ ခင်ပွန်းဖြစ်သူ သထုံ NLD ပါတီ အလုပ်မှုဆောင်အဖွဲ့ ဦးဉာဏ်ထွန်းကို စစ်ကောင်စီက ပြီးခဲ့တဲ့ ဖေဖာ်ဝါရီ ၂၈ ရက်က နေအိမ်မှာ လာရောက်ဖမ်းဆီးသွားပြီးနောက် ပုဒ်မ ၅၀၅(က)နဲ့ ၂ ဦးစလုံးကို အမှုဖွင့်အရေးယူခဲ့တာ ဖြစ်ပါတယ်။

ဒါပေမယ့် ခင်ပွန်းဖြစ်သူ ဦးဉာဏ်ထွန်းကိုတော့ စစ်ကောင်စီက ပြီးခဲ့တဲ့ အောက်တိုဘာလမှာ အမှုပိတ်သိမ်းပြီး ပြန်လွှတ်ပေးထားတာ ဖြစ်ပါတယ်။

2 months Ago

November 12, 2021

ဖမ်းဆီးခံ မော်လမြိုင် NLD အမတ် အကြမ်းဖက် ဥပဒေဖြင့် အမှုဖွင့်ခံရ

ဖမ်းဆီးထိန်းသိမ်းခံထားရတဲ့ အမျိုးသားဒီမိုကရေစီအဖွဲ့ချုပ် NLD ပါတီရဲ့ မော်လမြိုင်မြို့နယ် ပြည်နယ်လွှတ်တော်ကိုယ်စားလှယ် ဒေါ်နွယ်နွယ်အောင်ကို စစ်ကောင်စီက အကြမ်းဖက်မှု တိုက်ဖျက်ရေး ဥပဒေ ပုဒ်မ ၅၂ နဲ့ အမှုဖွင့်ထားတယ်လို့ နီးစပ်သူတွေက DVB ကို ပြောပါတယ်။

NLD အမတ် ဒေါ်နွယ်နွယ်အောင်ကို စစ်ကောင်စီတပ်ဖွဲ့ဝင်တွေက နိုဝင်ဘာ ၂၇ ရက်နေ့ ညပိုင်းမှာ မော်လမြိုင်ဈေးကြိုရပ်ရှိ နေအိမ်မှာ ဝင်ရောက်ဖမ်းဆီးပြီးနောက် အကြမ်းဖက်မှု တိုက်ဖျက်ရေး ဥပဒေနဲ့ အမှုဖွင့်လိုက်တာပါ။

လက်ရှိမှာတော့ ဒေါ်နွယ်နွယ်အောင်ကို ချုပ်ရမန်ယူပြီး ကျိုက်မရောဗဟို အကျဉ်းထောင်မှာ ဖမ်းဆီးထိန်းသိမ်းထားတာ ဖြစ်ပါတယ်။

အကြမ်းဖက်မှု တိုက်ဖျက်ရေး ဥပဒေ ပုဒ်မ ၅၂ ဟာ အကြမ်းဖက်အဖွဲ့အစည်းမှာ ပူးပေါင်းဆောင်ရွက်တာ၊ ငွေးကြေထောက်ပံ့တာတွေအတွက် စွဲဆိုတဲ့ ပုဒ်မ တစ်ခု ဖြစ်ပါတယ်။

အကြမ်းဖက်မှု တိုက်ဖျက်ရေး ဥပဒေ ပုဒ်မ ၅၂ ဟာ ပြစ်မှုကျူးလွန်ကြောင်း  ပြစ်မှုထင်ရှားရင် အနည်းဆုံး ထောင်ဒဏ် ၃ နှစ်ကနေ အမြင့်ဆုံး ထောင်ဒဏ် ၇ နှစ်အပြင် ငွေဒဏ်ပါ အမိန့်ချမှတ်နိုင်ပါတယ်။

ဖမ်းဆီးထိန်းသိမ်းခံထားရတဲ့ ဒေါ်နွယ်နွယ်အောင်ဟာ မော်လမြိုင်မြို့နယ် အမျိုးသားဒီမိုကရေစီအဖွဲ့ NLD ပါတီ ဥက္ကဋ္ဌ လည်း ဖြစ်ပါတယ်။

2 months Ago
Up