Netflix

A d v e r t i s e m e n t With Us

November 16, 2020

ပတ်ရှင်ဟေး ပါဝင်သည့် ကိုရီးယားလျှို့ဝှက်သည်းဖိုရုပ်ရှင် - The Call နက်ဖလစ်စ်မှ ပြသမည်(နမူနာ)

ကိုရီးယားစတား ထိပ်တန်းသရုပ်ဆောင်မင်းသမီး ပတ်ရှင်ဟေး ပါဝင်တဲ့ လျှို့ဝှက်သည်းဖို ရုပ်ရှင်-The Call ကို နက်ဖလစ်စ်ကနေ ထုတ်လွှင့်ပြသွားမယ်လို့ သိရပါတယ်။ ဒီကားကိုတော့ ဒါရိုက်တာ Lee Chung Hyun က ရိုက်ကူးပုံဖော်ပေးထားတာဖြစ် ပြီး ပတ်ရှင်ဟေးနဲ့အတူ မင်းသမီး Jeon Jong-seo က အပြိုင်ပါဝင်သွားကြမှာ ဖြစ်ပါ တယ်။ အမျိုးသမီးဇာတ်ကောင်အသားပေး ဒီရုပ်ရှင်ကားထဲမှာတော့ မတူညီတဲ့ အချိန်ကာလ ၂ ခုမှာ နေထိုင်ကြတဲ့ အမျိုးသမီး ၂ ယောက်ကြားက အံ့အားသင့်စရာ ဇာတ်လမ်းအချိတ်အဆက်တွေနဲ့ ပုံဖော်ဖန်တီးထားခဲ့တာ ဖြစ်ပါတယ်။ Seo-yeon ဟာ အိမ်အိုဟောင်းတလုံးဆီ ပြောင်းရွှေ့လာခဲ့ပြီးနောက် Young-sook လို့ အမည်ရတဲ့ သူစိမ်းအမျိုးသမီးတယောက်ဆီက ဖုန်းခေါ်ဆိုမှုတခုကို လက်ခံရရှိခဲ့ပါတယ်။ အဲဒီအမျိုးသမီးက သူ ပြောင်းရွှေ့လာခဲ့တဲ့အိမ်မှာ လွန်ခဲ့တဲ့ အနှစ် ၂၀ လောက်က နေထိုင်ခဲ့သူ ဖြစ်ကြောင်း သိရှိခဲ့ရပြီးနောက် မတူညီတဲ့ အချိန်ကာလတွေကြား သူတို့ ၂ ယောက်ရဲ့ ကံကြမ္မာက ဘာတွေ ဆက်ဖြစ်လာမလဲ၊ ဘယ်လို သွေးပျက်ထိတ်လန့်စရာ အကြောင်းတရားတွေ ထပ်ပေါ်လာဦးမလဲ ဆိုတာတွေကို ရင်တထိတ်ထိတ်နဲ့ ရှုစားကြရမှာ ဖြစ်ပါတယ်။ ပတ်ရှင်ဟေးကိုတော့ မြန်မာပရိသတ်တွေကို အထူးမိတ်ဆက်ပြောပြပေးဖို့ လိုမယ် မထင်ပါဘူး။ သူဟာ Stairway to Heaven (2003)၊ Tree of Heaven (2006) ရုပ်ရှင် ကားတွေနဲ့ ပရိသတ်အားပေးမှုတွေ ရရှိခဲ့တာဖြစ်ပြီး You're Beautiful (2009)၊ The Heirs (2013)၊ Pinocchio (2014–2015)၊ Doctors (2016)၊ Memories of the Alhambra (2018–2019)စတဲ့ ရုပ်သံစီးရီးစ်တွေနဲ့ လက်ရှိအချိန်ထိ အောင်မြင်မှုတွေရရှိနေဆဲ မင်းသမီးတလက် ဖြစ်ပါတယ်။ လက်ရှိအချိန်ထိ သူဟာ နာမည်ကြီး ကိုရီးယားရုပ်ရှင်အနုပညာ ထူးချွန်ဆုတခုဖြစ် တဲ့ Baeksang Arts Awards ဆုအပါအဝင် ထူးချွန်ဆုပေါင်း ၃၀ လောက် ဆွတ်ခူးရရှိထား သူ ဖြစ်ပါတယ်။ ၂၀၁၈ ခုနှစ်ထွက် Burning ရုပ်ရှင်နဲ့ နာမည်ရလာတဲ့ သရုပ်ဆောင်မင်းသမီး Jeon Jong-seo ကလည်း နောက်ပိုင်း သရုပ်ဆောင်အရည်အသွေးတက်လာသူ မျက်နှာသစ် သရုပ်ဆောင်တယောက် ဖြစ်တာမို့ The Call ရုပ်ရှင်ထဲမှာ သူတို့နှစ်ယောက် ဘယ်လို ပီပီပြင်ပြင် တွဲဘက်သရုပ်ဆောင်ထားကြမလဲ ဆိုတာကို စောင့်မျှော်ကြည့်ရှုကြရမှာ ဖြစ်ပါတယ်။ ကြာမြင့်ချိန် ၁၁၂ မိနစ်ရှိတဲ့ ဒီရုပ်ရှင်ကိုတော့ ကိုဗစ်-၁၉ ကပ်ဘေးကြောင့် ရုံတင်ရက်တွေ  ရွှေ့ဆိုင်းလာခဲ့ရတာဖြစ်ပြီး လတ်တလောမှာတော့ နက်ဖလစ်စ်ကနေ လာမယ့်နိုဝင်ဘာ ၂၇ ရက်နေ့မှာ ပြသသွားမှာ ဖြစ်ပါတယ်။
3 months Ago

October 22, 2020

လီလီဂျိမ်းစ် ခေါင်းဆောင်ပါဝင်သည့် ဟောလိဝုဒ်လျှို့ဝှက်သည်းဖိုအချစ်ဒရာမာရုပ်ရှင်-Rebecca( နမူနာ)

ဟောလိဝုဒ်လျှို့ဝှက်သည်းဖိုအချစ်ဒရာမာရုပ်ရှင်ကားတကားဖြစ်တဲ့ Rebecca ကို Netflix မှာ အောက်တိုဘာ ၂၁ ရက်က စတင်ပြသနေပါတယ်။ ဒီကားကတော့ လွန်ခဲ့တဲ့ ၁၉၄၀ ပြည့်နှစ်မှာ ရုံတင်ပြသခဲ့ပြီး အကောင်းဆုံးရုပ်ရှင် ဇာတ်ကားအော်စကာထူးချွန်ဆုနဲ့ အကောင်းဆုံး အဖြူအမည်းရုပ်ရှင်ဓာတ်ပုံဆုတွေ ရရှိခဲ့တဲ့ ဇာတ်ကားကို အသစ်တဖန်ပြန်လည်ရိုက်ကူးထားတာပါ။ ဗြိတိန်ပြဇာတ်နဲ့ စာရေးဆရာမ Daphne du Maurier ရဲ့ နာမည်ကြီးဝတ္ထုကို ဒါရိုက်တာ Alfred Hitchcock က ရိုက်ကူးပုံဖော်ထားခဲ့တဲ့ အရင်က ရုပ်ရှင်ကားထဲမှာတော့ ဝါရင့်ဟောလိဝုဒ်သရုပ်ဆောင်မင်းသား မင်းသမီးကြီးတွေ ဖြစ်ကြတဲ့ Laurence Olivier နဲ့ Joan Fontaine တို့က အတွဲညီညီ သရုပ်ဆောင်ခဲ့ကြတာ ဖြစ်ပါတယ်။ ဒီဇာတ်လမ်းထဲမှာတော့ လက်ထပ်ပြီးစ အမျိုးသမီးတယောက်ဟာ ခင်ပွန်းဖြစ်သူရဲ့ အိမ်ဆီ လိုက်လာခဲ့ပြီးနောက် အဲဒီအိမ်ထဲမှာ ထင်မှတ်မထားတဲ့ လျှို့ဝှက်ချက်တွေကို တွေ့ရှိလာရတဲ့ ဇာတ်လမ်းဇာတ်ကွက်တွေနဲ့အတူ ရှုစားကြရမှာ ဖြစ်ပါတယ်။ အခုအသစ်ထွက် ရုပ်ရှင်ကိုတော့ ဗြိတိန်ရုပ်ရှင်ဒါရိုက်တာ Ben Wheatley က ရိုက်ကူးထားပြီး ပြီးခဲ့တဲ့နှစ်က ရုံတင်ပြသခဲ့တဲ့ အချစ်ဇာတ်မြူးရုပ်ရှင်- Yesterday နဲ့ ပရိသတ်တွေသိကြတဲ့ သရုပ်ဆောင်မင်းသမီး Lily James၊ The Social Network ရုပ်ရှင်စတား သရုပ်ဆောင်မင်းသား Armie Harmer တို့က အဓိကပါဝင် သရုပ်ဆောင်ထားကြပါတယ်။ ဒီကားထဲမှာ ပါဝင်တဲ့ တချို့ဇာတ်ဝင်ခန်းမြင်ကွင်းတွေ၊ ပြောစကား Dialog တွေ၊ ပြကွင်းပြကွက်တွေက အသက် ၁၃ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကိုကြည့်မယ်ဆိုရင်တော့ မိဘအုပ်ထိန်းသူခွင့်ပြုချက် Guideline နဲ့မှ ကြည့်ရှုသင့်တဲ့ PG-13 အဆင့် သတ်မှတ်ထားပါတယ်။ ကြာမြင့်ချိန် ၁၂၁ မိနစ်ရှိတဲ့ ဒီရုပ်ရှင်ကားဟာ IMDb မှာတော့ Rating 5.8 အထိ ရရှိထားခဲ့ ဇာတ်ကား ဖြစ်ပါတယ်။ ယူကျုဘ်ပေါ်မှာတော့ ဒီရုပ်ရှင်ကား Trailer ကို လတ်တလောအချိန်ထိ ဝင်ရောက် ကြည့်ရှုကြတဲ့ အကြိမ်ရေ သန်းနဲ့ချီ ရှိနေခဲ့တာ ဖြစ်ပါတယ်။ လတ်တလောမှာတော့ ကိုဗစ်-၁၉ ကပ်ရောဂါကြောင့် ကမ္ဘာတဝှမ်းရုပ်ရှင်ရုံတွေကို ပိတ်ထားရတာကြောင့် ဒီဂျစ်တယ် Streaming အနေနဲ့ Netflix လို ပလက်ဖောင်းတွေက ရုံတင်ကားတွေကို ပြသလာကြတာ ဖြစ်ပါတယ်။
4 months Ago
More News
Up