Music zone KTV ဆိုင်ပိုင်ရှင်

November 10, 2020

Music Zone KTV ဆိုင်ပိုင်ရှင်နှင့် မန်​နေဂျာတို့ကို ရုံးထုတ်စစ်ဆေးနိုင်ခြင်းမရှိ 

Music Zone KTV ဆိုင်ပိုင်ရှင်နဲ့ မန်​နေဂျာတို့ အင်းစိန်အကျဉ်းထောင်မှာ ကျန်းမာ​ရေးစစ်​ဆေးမှုခံယူ​နေရတာ​ကြောင့် ဒီက​နေ့ရုံးထုတ်စစ်​ဆေးခြင်းမရှိခဲ့ပါဘူး။  ကိုဗစ်ကာလမှာ အစိုးရရဲ့ထုတ်ပြန်ချက်မလိုက်နာဘဲ KTV ဆိုင်ဖွင့်ခဲ့တဲ့ သင်္ဃန်းကျွန်း မြို့နယ်က Music Zone KTV ဆိုင်ပိုင်ရှင် ဦး​ဇော်မင်းနဲ့ မန်​နေဂျာတို့ကို သဘာ၀ ​ဘေးအန္တရာယ်ဆိုင်ရာ စီမံခန့်ခွဲမှုဥပ​ဒေပုဒ်မ ၂၅ နဲ့ တရားစွဲဆိုထားတာပါ။  နို၀င်ဘာ ၁၀ ရက်​နေ့ သင်္ဃန်းကျွန်းမြို့နယ်တရားရုံမှာ ရုံးထုတ်ဖို့စီစဉ်ထားပေမဲ့ အင်းစိန်အကျဥ်း​ထောင်မှာ ကျန်းမာ​ရေးစစ်​ဆေးမှုခံ​နေရတာ ​ကြောင့် ဒီက​နေ့မှာ ရုံးထုတ်ခဲ့ခြင်းမရှိခဲ့ဘူးလို့စွပ်စွဲခံရသူဘက်က လိုက်ပါ​ဆောင်ရွက်​ပေး​နေတဲ့ တရားလွှတ်​တော်​ရှေ့​နေ ဦး​ဇော်သိန်းထွန်းက ​ပြောပါတယ်။ ဒီအမှုနဲ့ပတ်သတ်ပြီး ဘယ်နှစ်လအတွင်း အပြီးသတ်စစ်​ဆေးမယ်ဆိုတာကို​တော့ မသိရှိရ​သေးပါဘူး။ နောက်အပတ်ရုံးချိန်းကို​တော့ နို၀င်ဘာ ၂၄ ရက်​နေ့မှာ ပြန်လည်ချိန်းဆိုခဲ့ပါတယ်။ Music Zone KTVဆိုင်နဲ့  ဆက်နွှယ်ပြီး ပြည်တွင်းမှာ လူ​ပေါင်း ၁၀၀ နီးပါး​လောက် ကိုဗစ်-၁၉ ရောဂါ ကူးစက်ခံခဲ့ရပါတယ်။
2 years Ago

October 27, 2020

Music zone KTV ဆိုင်ပိုင်ရှင်နှင့် မန်နေဂျာတို့၏ အာမခံလျှောက်ထားမှု ပယ်ချခံရ

သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေနဲ့ ဖမ်းဆီးတရားစွဲခံထားရတဲ့ Music zone KTV ဆိုင်ပိုင်ရှင်နဲ့ မန်နေဂျာတို့ရဲ့ အာမခံလျှောက်ထားမှုကို တရားရုံးက ပယ်ချလိုက်ပါတယ်။ ကိုဗစ်ကာလမှာ အစိုးရရဲ့ထုတ်ပြန်ချက်ကိုမလိုက်နာဘဲ KTV ဆိုင်ဖွင့်ခဲ့တဲ့ သင်္ဃန်းကျွန်းမြို့နယ်က Music zone KTV ဆိုင်ပိုင်ရှင် ဦးဇော်မင်းနဲ့ ဆိုင်မန်နေဂျာတို့ကို သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေ ပုဒ်မ ၂၅ နဲ့ တရားစွဲဆိုခဲ့ပြီးအောက်တိုဘာ ၂၇ ရက်နေ့က သင်္ဃန်းကျွန်းမြို့နယ်တရားရုံးမှာ ဒုတိယအကြိမ်ရုံးထုတ်ခဲ့ပါတယ်။ ရုံးချိန်းမှာ KTV ဆိုင်ပိုင်ရှင်နဲ့ မန်နေဂျာတို့ဘက်က အာမခံလျှောက်ထားခဲ့ပေမယ့် ရုံးတော်ကပယ်ချခဲ့တယ်လို့ စွပ်စွဲခံရသူဘက်က လိုက်ပါဆောင်ရွက်ပေးနေတဲ့ တရားလွှတ်တော် ရှေ့နေ ဦးဇော်သိန်းထွန်းက ပြောပါတယ်။ နောက်အပတ်ရုံးချိန်းကို နိုဝင်ဘာလ ၁၀ ရက်နေ့ချိန်းဆိုခဲ့ပြီး အဲ့ဒီနေ့မှာ တရားရုံးက မှုခင်းစီမံခန့်ခွဲမှုလုပ်ကာ စတင်စစ်ဆေးမှာဖြစ်ပါတယ်။ Music zone KTV ဆိုင်ပိုင်ရှင်နဲ့ မန်နေဂျာတို့ဟာ အောက်တိုဘာ ၃ ရက်နေ့က သင်္ဃန်းကျွန်းမြို့နယ်ရဲစခန်းမှာ လာရောက်အဖမ်းခံခဲ့တာပါ။  သူတို့နှစ်ဦးကို မြို့နယ်ကျန်းမာရေးဦးစီးမှူးက တရားလိုပြုလုပ်တရားစွဲဆိုထားတာလည်း ဖြစ်ပါတယ်။ အဲဒီ KTV နဲ့စပ်ဆက်ပြီး ပြည်တွင်းမှာ လူပေါင်း ၉၀ ကျော်လောက် ရောဂါကူးစက်မှု ခံခဲ့ရတာပါ။
2 years Ago
Up