mndaa

December 2, 2021

လားရှိုးမြို့နယ်တွင် MNDAA နှင့် စစ်ကောင်စီတပ်တိုက်ပွဲဖြစ် ဒေသခံများထွက်ပြေး

ရှမ်းပြည်နယ်‌မြောက်ပိုင်း၊ လားရှိုးမြို့နယ်၊ လားရှိုး-နမ္မတူသွားကားလမ်းမကြီးဘေးက အီနိုင်းလုံကျေးရွာမှာ ကိုးကန့်တပ်ဖွဲ့(MNDAA)နဲ့ စစ်ကောင်စီတို့တိုက်ပွဲဖြစ်ပွားခဲ့ရာမှာ လက်နက်ကြီးပစ်ခတ်မှုတွေကြောင့် ဒေသခံပြည်သူတွေ ထွက်‌ပြေးတိမ်းရှောင်ခဲ့ရတယ်လို့ ဒေသခံတွေဆီက သိရပါတယ်။

ဒီဇင်ဘာ ၁ ရက် ည ၄ နာရီကျော်လောက်က အီနိုင်းလုံကျေးရွာ၊ ရွာလယ်တံတားမှာ တပ်စွဲထားတဲ့ စစ်ကောာင်စီရဲ့တပ်ဖွဲ့ အင်အား ၁၅ ဦးလောက်ကို  MNDAA တပ်ဖွဲ့ဝင်အင်အား ၂၀ လောက်က နေရာ ၃  နေရာခွဲပြီး လာရောက်တိုက်ခိုက်ခဲ့တာပါ။

အဆိုပါ တိုက်ပွဲအတွင်း လက်နယ်ငယ်ပစ်ခတ်မှုတွေအပြင် စစ်ကောင်စီတပ်ဘက်က လက်နက်ကြီးပစ်ခတ်တာတွေကြောင့် ကျေးရွာအတွင်း ကျရောက်ပေါက်ကွဲတာတွေရှိသလို မပေါက်ကွဲတာတွေလည်း ရှိတယ်လို့ တိုက်ပွဲအနီးနေထိုင်တဲ့ ဒေသခံတွေက ပြောပါတယ်။

တိုက်ပွဲဖြစ်ပွားရာအနီး နေထိုင်တဲ့ဒေသခံ ကျေးရွာသားတစ်ဦးက “တိုက်ပွဲဖြစ်တာက ရွာလယ်တံတားမှာ ဖြစ်တာ။ ကိုးကန့်အဖွဲ့က ရွာသားတွေရဲ့ နေအိမ်ဘက်ကနေပြီး နေရာ ၃ နေရာလောက်ခွဲပြီး စကစ အဖွဲ့ကို လာပစ်တာ။ နှစ်ဖွဲ့ပစ်တာ လက်နက်ကြီးတွေပါ ပါတယ်။ ရွာထဲကိုပါ လက်နက်ကြီးတွေကျတယ်”လို့ ဆိုပါတယ်။

တိုက်ပွဲကြောင့် ဒေသခံတွေနဲ့ရွေ့ပြောင်းလုပ်သားတွေဟာ လားရှိုးမြို့နဲ့ နီးစပ်ရာဆွေမျိုးတွေဆီကို ထွက်ပြေးတိမ်းရှောင်ခဲ့ရသလို အဆိုပါတိုက်ပွဲအတွင်း နှစ်ဖက်ထိခိုက်မှုအသေးစိတ်မသိရပေမယ့် တိုက်ပွဲဖြစ်ပွားပြီး မိနစ်အနည်းငယ်အကြားမှာ လူမှုကူညီရေးအသင်းယာဥ်တစ်စီးဟာ လူနာတင်ထွက်ခွာသွားတယ်လို့ မျက်မြင်တွေ့ရှိသူတွေက ပြောပါတယ်။

၂၀၁၈ အောက်တိုဘာလလောက်က ကျေးရွာအပြင်မှာ တိုက်ပွဲတစ်ကြိမ်ဖြစ်ပွားခဲ့တဲ့အတွက် ဒေသခံပြည်သူတွေ ထွက်ပြေးတိမ်းရှောင်ခဲ့ရပါတယ်။

2 months Ago

November 28, 2021

MNDAA ကိုးကန့်တပ်က ကျည်ဆန် ၂ သိန်းနှင့် RPG ဗုံးသီး ၅၃၀၀ ကျော်အသုံးပြုခဲ့ဟု စစ်ကောင်စီပြော

ရှမ်းပြည်နယ်၊ အရှေ့မြောက်ဘက်ဒေသမှာ စစ်ကောင်စီတပ်တွေနဲ့ ဖြစ်ပွားတဲ့တိုက်ပွဲတွေအတွင်း MNDAA ကိုးကန့်တပ်ဖွဲ့က  ကျည်ဆန် ၂ သိန်းလောက်နဲ့  RPG ဗုံးသီး ၅၃၀၀ ကျော် အပါအဝင် လက်နက်ခဲယမ်း အမြောက်အမြား အသုံးပြုတိုက်ခိုက်ခဲ့တယ်လို့ စစ်ကောင်စီဘက်က ပြောပါတယ်။

အောက်တိုဘာနဲ့ နိုဝင်ဘာလအတွင်း ရှမ်းပြည်နယ် အရှေ့မြောက်ဘက်မှာ MNDAA နဲ့ တိုက်ပွဲတွေ ခပ်စိပ်စိပ် ဖြစ်ပွားနေတဲ့ အခြေအနေနဲ့ပတ်သက်ပြီး နိုဝင်ဘာ ၂၆ ရက်က နေပြည်တော်မှာကျင်းပတဲ့ သတင်းစာရှင်းလင်းပွဲမှာ  စစ်ကောင်စီ သတင်းထုတ်ပြန်ရေးအဖွဲ့ ခေါင်းဆောင် ဗိုလ်ချုပ် ဇော်မင်းထွန်းက ထုတ်ဖော်ပြောကြားသွားတာပါ။ 

ထူးခြားချက်အနေနဲ့ MNDAA ကိုးကန့်အဖွဲ့နဲ့ ထိတွေ့တိုက်ပွဲတိုင်းမှာ ကျည်သုံးစွဲမှု၊ ခဲယမ်းသုံးစွဲမှု အရင်ကထက်ပိုပြီး အမြောက်အမြား အသုံးပြုနေတာကိုတွေ့ရကြောင်း၊ မိမိတို့ မြေပြင်ရရှိသတင်းနဲ့ တခြားအရင်းအမြစ်တွေက ရရှိတဲ့ သတင်းတွေအရ  ဥပမာ လက်နက်ငယ်ကျည် ၂၆၀၀၀၀  ၊ RPG ဗုံးသီး ၅၃၀၀ ကျော်၊ ၁၀၇ မမ ဒုံး ၄၀ ကျော် ပစ်ခတ်ခဲ့တာတွေ့ရကြောင်း၊ ဒီလို များပြားတဲ့ ကျည်၊ ခဲယမ်းပမဏတွေ ရရှိ ပစ်ခတ်နိုင်တာာ သံသယရှိဖွယ် အရင်းအမြစ်ကို ဆက်စပ်ဖော်ထုတ်ဖို့ လိုအပ် ကြောင်း စစ်ကောင်စီ ပြောရေးဆိုခွင့်ရှိသူကပြောပါတယ်။

စစ်ကောင်စီတပ်တွေဟာ ရှမ်းပြည်နယ်မြောက်ပိုင်း   မုံးကိုးဒေသကို  အဆက်မပြတ် စစ်အင်အားတိုးချဲ့လာတာနဲ့ အမျှ သံလွင်မြစ်အနောက်ဘက်ခြမ်းတလျှောက်မှာ   ကိုးကန့် MNDAA တပ်တွေနဲ့ စစ်ကောင်စီတပ်တွေ တိုက်ပွဲတွေပြင်းထန် ဖြစ်ပွားနေတာပါ။

မူဆယ်ခရိုင်ကြူကုတ် (ပန်ဆိုင်း) နဲ့ မုံးကိုး၊ ဖောင်ဆိုင်ဒေသမှာရှိတဲ့ MNDAA တပ်စခန်းတွေကို ဧပြီလက စတင်ပြီး စစ်ကောင်စီတပ်တွေက တိုက်ခိုက်ရေး တင့်ကားအပါအဝင် ကြည်းတပ်အင်အား အလုံးအရင်းနဲ့ ထိုးစစ်ဆင်နေတာကြောင့် ရက်လရှည်ကြာ တိုက်ပွဲတွေဖြစ်ပွားခဲ့ပါတယ်။

နှစ်ဖက်ပစ်ခတ်တိုက်ခိုက်မှုအတွင်း စစ်ကောင်စီတပ်က တပ်ရင်းမှူး၊ ဒုတိယတပ်ရင်းမှူး အပါအဝင် အရာရှိစစ်သည် အမြောက်အမြား ထိခိုက်ဒဏ်ရာရ သေဆုံးခဲ့လို့ MNDAA တပ်က သင်္ဂြိုဟ်ပေးရတဲ့အထိ ရှိခဲ့တယ်လို့ ကိုးကန့်သတင်းဌာနက ထုတ်ပြန်ပါတယ်။

ဒါ့အပြင် စစ်ကောင်စီတပ်တွေ စွန့်ပစ်ခဲ့တဲ့  လက်နက်ခဲယမ်းအများအပြားလည်း MNDAA တပ်က မကြာခဏ သိမ်းဆည်းရမိခဲ့ပါတယ်။

2 months Ago
More News
Up