Mask ပြိုင်ပွဲ

May 16, 2020

ပြည်သူတွေရဲ့ Mask ပြိုင်ပွဲ (ဓာတ်ပုံ)

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဖေ့စ်ဘွတ်ခ်လူမှုကွန်ရက်ပေါ်မှာ ဖိတ်ခေါ်ထားတဲ့ ကိုယ်တိုင်ဖန်တီးတဲ့ Mask နှာခေါင်းစည်းချုပ်ပြိုင်ပွဲကို မေ ၁၃ ရက်နေ့မှ ၁၅ ရက်နေ့အထိ ပြုလုပ်သွားပြီး ပို့စ်အောက်မှာ တင်ထားခဲ့တဲ့  ပြည်သူ အနှစ်သက်ဆုံးဖြစ်တဲ့ Like အများဆုံး ရရှိသူ ၃ ဦးကို ရွေးချယ်ကာ ဆုချီးမြှင့်သွားမှာ ဖြစ်ပါတယ်။ နိုင်ငံတော်အတိုင်ပင်ခံပုဂ္ဂိုလ်ကိုယ်တိုင် ချုပ်လုပ်ထားတဲ့ နှာခေါင်းစည်း Mask ကို မေလ ၁၃ ရက်နေ့က တင်ထားခဲ့ပြီးနောက် ယင်းပို့စ်အောက်မှာ ထင်ရှားကျော်ကြားသူတွေနဲ့အတူ ပြည်သူတွေက အားကျိုးမာန်တက် ပါဝင်ဆင်နွှဲခဲ့ကြပါတယ်။ လတ်တလော COVID-19 ကပ်ဘေးကာလမှာ လူစုလူဝေးနဲ့ ပွဲလမ်းသဘင်အခမ်း အနားတွေကို ရှောင်ကြဉ်ကြဖို့ အရေးပါသလို အပြင်ကို ထွက်ချိန်မှာလည်း  Mask တပ်ကြဖို့ အစိုးရနဲ့ ကျန်းမာရေးအဖွဲ့က  အကြိမ်ကြိမ် တိုက်တွန်း ပြောကြားထားပါတယ်။ အဝတ် Mask တွေဟာ ကိုရိုနာဗိုင်းရပ်စ်ကို ကာကွယ်နိုင်ခြင်းမရှိကြောင်း ပြောနေကြသလို တကယ်လက်တွေ့ လမ်းမပေါ်မှာ နေ့စဉ်သွားလာနေတဲ့ ပြည်သူတွေရဲ့ Mask တပ်ဆင်နေပုံတွေ၊ ဘဝတွေအကြောင်း ရိုက်ကူးတင်ပြလိုက်ပါတယ်။ Photo - Ye Myo Khant / MPA  
12 months Ago
Up