KnockOuts Round

November 23, 2020

ကိုယ်တိုင်ရေးရက်ပ်သီချင်းသီဆိုပြီး KnockOuts Round ကို ဖြတ်ကျော်ခဲ့သည့် ရွှေသွေး(ရုပ်သံ)

မနေ့ညက ကျင်းပတဲ့ The Voice Myanmar Season 3 ရဲ့ KnockOuts Round အဆင့်ပြိုင်ပွဲမှာတော့ ပြိုင်ပွဲဝင် ရွှေသွေးက ကိုယ်တိုင်ရေးရက်ပ်သီချင်းနဲ့ သီဆိုယှဉ်ပြိုင်ကာ နောက်တဆင့် တက်ရောက်သွားခဲ့ပါတယ်။ “အေး… အို” လို့ အမည်ပေးထားတဲ့ သီချင်းနဲ့အတူ ရွှေသွေးက အမိုက်စား အိုးလ် ဒ်စကူးရက်ပ်တွေနဲ့ စည်းချက်ညီညီ အစွမ်းပြယှဉ်ပြိုင်သွားခဲ့တာ ဖြစ်ပါတယ်။ Blind Audition အဆင့်မှာတုန်းကတော့ ရွှေသွေးက အမေရိကန်ဟစ်ဟော့ပ်ရက် ပါအဆိုတော် 2Pac ရဲ့ Dear Mama သီချင်းနဲ့ ထူးထူးခြားခြား ပါဝင်ယှဉ်ပြိုင်ခဲ့တာဖြစ်ပြီး ရန်ရန်ချန်းရဲ့ အဖွဲ့ထဲကို ရောက်ရှိလာခဲ့တာပါ။ အဲဒီနောက် Battle Round အဆင့်ပြိုင်ပွဲမှာတော့ ပြိုင်ပွဲဝင် Error အဖွဲ့နဲ့ အတူ “နှစ်ယောက်တစ်ယောက်” အမည်ရတဲ့ ကိုယ်တိုင်ရေး ရက်ပ်သီချင်းနဲ့ အပြိုင်ကြဲသီဆို ပြိုင်ပွဲဝင်ခဲ့ကြတာ ဖြစ်ပါတယ်။ သူတို့နှစ်ဘက်ရဲ့ Battle Round ယှဉ်ပြိုင်မှုအဆုံးမှာတော့ သူတို့ထဲက တယောက်ကို နောက်တဆင့် ဆက်ခေါ်သွားဖို့ ဆုံး ဖြတ်ရချိန်မှာတော့ ရန်ရန်ချန်းက Error အဖွဲ့ကို ရွေးချယ်ခဲ့တာ ဖြစ်ပါတယ်။ ဒါပေမယ့် ပြိုင်ပွဲစည်းမျဉ်းတွေအရ Battle Round မှာ ရွေးချယ်မခံရဘဲ ကျန်နေတဲ့ ပြိုင်ပွဲဝင်ကို ကျန်တဲ့ Coach တွေက Steal လုပ်ခွင့်ရှိနေပြီး ရွှေသွေးကို Coach ကျားပေါက်က ရွေးချယ်လိုက်တာမို့ သူတို့ ၂ ယောက်လုံး Battle Round အဆင့်ကို ကျော်ဖြတ်ကာ နောက်တဆင့် တက်ရောက်သွားနိုင်ခဲ့တာ ဖြစ်ပါတယ်။ ခုတခါ တတိယအဆင့် KnockOuts Round မှာတော့ Battle Round ကို ဖြတ် ကျော်နိုင်ခဲ့တဲ့ ပြိုင်ပွဲဝင်တွေထဲက သက်ဆိုင်ရာ Coach တွေရဲ့ Team တွေအလိုက် ၄ ယောက်တတွဲစီ သီဆိုယှဉ်ပြိုင်ကြရတာဖြစ်ပြီး သူတို့ထဲက ၂ ယောက်ကိုသာ ရွေးချယ်မှာ ဖြစ်ပါတယ်။ ခုတပတ်ပြိုင်ပွဲမှာတော့ ကျားပေါက်ရဲ့ အဖွဲ့ထဲက ပြိုင်ပွဲဝင်တွေ ဖြစ်ကြတဲ့ ရွှေသွေးနဲ့အတူ လင်းမြိုင်၊ သီရိနှင်းအိမ်၊ အောင်ကောင်းခန့်တို့က သီချင်းတပုဒ်စီနဲ့ အပြိုင်အစွမ်းပြခဲ့ကြတာ ဖြစ်ပါတယ်။ သူတို့ တယောက်ချင်းစီရဲ့ သီဆိုယှဉ်ပြိုင်မှုအဆုံးမှာတော့ Coach ကျားပေါက်က ရွှေသွေးနဲ့ အောင်ကောင်းခန့်တို့ကို ရွေးချယ်ခဲ့တာမို့ Liveshow အဆင့်ကို တက်ရောက်နိုင်ခဲ့ပြီဖြစ်ကာ လင်းမြိုင်နဲ့ သီရိနှင်းအိမ်တို့ကတော့ ဒီအဆင့်ကနေ လက်ပြနှုတ်ဆက်ခဲ့ရပြီ ဖြစ်ပါတယ်။
1 year Ago

သာဒီးလူ၏ “တရားခွင်”သီချင်းဖြင့် KnockOuts Round ကို ဖြတ်ကျော်ခဲ့သည့် မိုးသား (ရုပ်သံ)

       “ဒုစရိုက်သမား… မမြင်ကွယ်ရာအမှောင်မှာ… ရမ်းကားကာ… ကိုယ်ထင်ရာကိုယ် လုပ်နေခဲ့ပြီးမှ… စိတ်ပျက်ကာ သေမှာကိုတော့ကြောက်သလား… ဘယ်သူမှ မကယ်နိုင်တယ်… ကိုယ့်အကုသိုလ်နဲ့ ကိုယ့်ဟာကိုယ်ခံဟဲ့… အဆုံးအဖြတ်တော့ပေး… အဆုံး အဖြတ်တော့ပေး…တန်ရာတရားသူကြီးငှားလေ… အဆုံးအဖြတ်တော့ပေး… အဆုံးအ ဖြတ်တော့ပေး… တစ်ရာတန်တဲ့ရှေ့နေကြီးငှားလေ… အဆုံးအဖြတ်တော့ပေး… အဆုံး အဖြတ်တော့ပေး… တန်ရာတရားသူကြီးငှားလေ… အဆုံးအဖြတ်တော့ပေး… အဆုံးအ ဖြတ်တော့ပေး… တစ်ရာတန်တဲ့ ရှေ့နေကြီးငှားလေ… ရေရေး… စောက်သုံးမကျတဲ့ ကောင်… M****F**… M****F**”        ဒါကိုကြားလိုက်တာနဲ့ ပရိသတ်တွေက နာမည်ကြီးတေးသံရှင် သာဒီးလူရဲ့ သီချင်း တပုဒ်ဖြစ်တဲ့ “တရားခွင်”သီချင်းထဲက တေးသွားစာသားတွေမှန်း ရင်းနှီးကြပြီး ဖြစ်မှာပါ။        ခုတခါမှာတော့ ဒီသီချင်းကို The Voice Myanmar သီချင်းဆိုပြိုင်ပွဲစင်မြင့်ထက် KnockOuts Round အဆင့် ပြိုင်ပွဲဝင် မိုးသားရဲ့ သီဆိုဟန်နဲ့ ရှုစားနားဆင်ခဲ့ကြရတာ ဖြစ်ပါတယ်။        Blind Audition အဆင့်မှာတုန်းကတော့ မိုးသားက အဆိုတော် R. ဇာနည်ရဲ့ စည်း တဖက်ခြားသီချင်းနဲ့ ပိုင်ပိုင်နိုင်နိုင် ပါဝင်ယှဉ်ပြိုင်ခဲ့တာဖြစ်ပြီး ရန်ရန်ချန်းရဲ့ အဖွဲ့ထဲကို ရောက်ရှိလာခဲ့တာပါ။ အဲဒီနောက် Battle Round အဆင့်ပြိုင်ပွဲမှာတော့ ပြိုင်ပွဲဝင် လင်းဝေနဲ့အတူ လေးဖြူရဲ့ နာမည်ကြီးသီချင်းတပုဒ်ဖြစ်တဲ့ “တကိုယ်ရေလွမ်းဆွတ်မှု” သီချင်းနဲ့ အပြိုင်ကြဲသီဆို ပြိုင်ပွဲဝင်ခဲ့ကြတာ ဖြစ်ပါတယ်။ သူတို့နှစ်ယောက်ရဲ့ Battle Round ယှဉ်ပြိုင်မှုအဆုံးမှာတော့ သူတို့ထဲက တယောက်ကို နောက်တဆင့် ဆက်ခေါ်သွားဖို့ ဆုံးဖြတ်ရချိန်မှာတော့ ရန်ရန်ချန်းက မိုးသားကို ရွေးချယ်ခဲ့တာ ဖြစ်ပါတယ်။ ခုတခါ တတိယအဆင့် KnockOuts Round မှာတော့ Battle Round ကို ဖြတ် ကျော်နိုင်ခဲ့တဲ့ ပြိုင်ပွဲဝင်တွေထဲက သက်ဆိုင်ရာ Coach တွေရဲ့ Team တွေအလိုက် ၄ ယောက်တတွဲစီ သီဆိုယှဉ်ပြိုင်ကြရတာဖြစ်ပြီး သူတို့ထဲက ၂ ယောက်ကိုသာ ရွေးချယ်မှာ ဖြစ်ပါတယ်။ ခုတပတ်ပြိုင်ပွဲမှာတော့ ရန်ရန်ချန်းရဲ့ အဖွဲ့ထဲက ပြိုင်ပွဲဝင်တွေ ဖြစ်ကြတဲ့ မိုးသားနဲ့အတူ နော်ဂျာလေး၊ Jen Jeng နဲ့ ဂျပန်ကြီးတို့က သီချင်းတပုဒ်စီနဲ့ အပြိုင်အစွမ်းပြခဲ့ကြတာ ဖြစ်ပါတယ်။ သူတို့ တယောက်ချင်းစီရဲ့ သီဆိုယှဉ်ပြိုင်မှုအဆုံးမှာတော့ Coach ကျားပေါက်က မိုးသားနဲ့ Jen Jeng တို့ကို ရွေးချယ်ခဲ့တာမို့ Liveshow အဆင့်ကို တက်ရောက်နိုင်ခဲ့ပြီ ဖြစ်ကာ နော်ဂျာလေးနဲ့ ဂျပန်ကြီးတို့ကတော့ ဒီအဆင့်ကနေ လက်ပြနှုတ်ဆက်ခဲ့ရပြီ ဖြစ်ပါတယ်။
1 year Ago

November 16, 2020

အမ်မီနမ်သီချင်းဖြင့် KnockOuts Round ကို ဖြတ်ကျော်ခဲ့သည့် ပြိုင်ပွဲဝင် တွမ်ပီး (ရုပ်သံ)

မနေ့ညက ကျင်းပတဲ့ The Voice Myanmar Season 3 ရဲ့ KnockOuts Round အဆင့်ပြိုင်ပွဲမှာတော့ ကလေးမြို့သား ပြိုင်ပွဲဝင် တွမ်ပီးက နာမည်ကြီးအဆိုတော် အမ်မီ နမ်ရဲ့ သီချင်းနဲ့ သီဆိုယှဉ်ပြိုင်ကာ နောက်တဆင့် တက်ရောက်သွားခဲ့ပြီ ဖြစ်ပါတယ်။    Lose Yourself အမည်ရတဲ့ ဒီသီချင်းကတော့ အမေရိကန်ရက်ပ်ပါ အဆိုတော် အမ်မီနမ်ကိုယ်တိုင် သရုပ်ဆောင်ပါဝင်ခဲ့တဲ့  ၂၀၀၂ ခုနှစ်ထွက် 8 Mile ရုပ်ရှင်ကားထဲက ဇာတ်ဝင်သီချင်းတပုဒ်ဖြစ်ပြီး တခေတ်တခါက ရေပန်းစားအောင်မြင်ခဲ့တဲ့ သီချင်းတပုဒ် ဖြစ်ကာ အဲဒီသီချင်းနဲ့ပဲ အော်စကာဆု၊ ဂရမ်မီဆုတွေအပါအဝင် တခြားဆုတွေလည်း ရရှိ ထားခဲ့တာ ဖြစ်ပါတယ်။        ခုတခါမှာတော့ ပြိုင်ပွဲဝင် တွမ်ပီးရဲ့ သီဆိုဟန်နဲ့ ပရိသတ်တွေက The Voice Myanmar Season 3 ပြိုင်ပွဲစင်မြင့်ထက်မှာ ရှုစားခဲ့ကြရတာ ဖြစ်ပါတယ်။        Blind Audition အဆင့်မှာတုန်းကတော့ တွမ်ပီးက ဗြိတိန်ရော့ခ်တေးဂီတအဖွဲ့ တဖွဲ့ဖြစ်တဲ့ Asking Alexandria ရဲ့ “Run Free” သီချင်းနဲ့ အမိုက်စား ပါဝင်ယှဉ်ပြိုင်ခဲ့ပြီး  Coach ၄ ယောက်စလုံးလှည့်ကြည့်ခဲ့ရသူဖြစ်ကာ သူတို့ထဲက တယောက်ကို ရွေးချယ်ရ ချိန်မှာ သူက ကျားပေါက်ကို ရွေးချယ်ခဲ့တာမို့ Team KP  အဖွဲ့ထဲကို ရောက်ရှိခဲ့တာ ဖြစ် ပါတယ်။        အဲဒီနောက် Battle Round အဆင့် ပြိုင်ပွဲမှာတော့ ပြိုင်ပွဲဝင် ဂျပန်ကြီးနဲ့အတူ အဆိုတော် မျိုးကြီးရဲ့ “အိမ်ကိုပြန်ခဲ့တော့”သီချင်းနဲ့ အပြိုင်ကြဲသီဆိုပြိုင်ပွဲဝင်ခဲ့ကာ နောက် တဆင့် ထပ်မံတက်ရောက်နိုင်ခဲ့တာပါ။ ခုတခါ တတိယအဆင့် KnockOuts Round မှာတော့ Battle Round ကို ဖြတ် ကျော်နိုင်ခဲ့တဲ့ ပြိုင်ပွဲဝင်တွေထဲက သက်ဆိုင်ရာ Coach တွေရဲ့ Team တွေအလိုက် ၄ ယောက်တတွဲစီ သီဆိုယှဉ် ပြိုင်ကြရတာဖြစ်ပြီး သူတို့ထဲက ၂ ယောက်ကိုသာ ရွေးချယ်မှာ ဖြစ်ပါတယ်။ ခုတပတ်ပြိုင်ပွဲမှာတော့ ကျားပေါက်ရဲ့ အဖွဲ့ထဲက ပြိုင်ပွဲဝင်တွေ ဖြစ်ကြတဲ့ တွမ်ပီးနဲ့အတူ ဘဝ၊ တိုးကြီးနဲ့ ခိုင်သဒ္ဒါစိမ့်တို့က သီချင်းတပုဒ်စီနဲ့ အပြိုင်အစွမ်းပြခဲ့ကြတာ ဖြစ်ပါတယ်။ သူတို့ တယောက်ချင်းစီရဲ့ သီဆိုယှဉ်ပြိုင်မှုအဆုံးမှာတော့ Coach ကျားပေါက်က ဘဝနဲ့ တွမ်ပီးတို့ကို ရွေးချယ်ခဲ့တာမို့ သူတို့ ၂ ယောက်ကတော့ Liveshow အဆင့်ကို တက်ရောက်နိုင်ခဲ့ပြီဖြစ်ကာ တိုးကြီးနဲ့ ခိုင်သဒ္ဒါစိမ့်တို့ကတော့ ဒီအဆင့်ကနေ လက်ပြ နှုတ်ဆက်ခဲ့ရပြီ ဖြစ်ပါတယ်။
1 year Ago

KnockOuts Round မှ လက်ပြနှုတ်ဆက်ခဲ့ရသူ နော်ပြည့်စုံအေးကြူ(ရုပ်သံ)

မနေ့ညက ကျင်းပတဲ့ The Voice Myanmar Season 3 ရဲ့ KnockOuts Round အဆင့်ပြိုင်ပွဲမှာတော့ ထူးခြားတဲ့ ပြိုင်ပွဲဝင် မိန်းကလေး နော်ပြည့်စုံအေးကြူက အကောင်းဆုံး သီဆိုယှဉ်ပြိုင်ခဲ့ပေမယ့် ဆက်လက်ရွေးချယ်မခံခဲ့ရပဲ ပြိုင်ပွဲက လက်ပြနှုတ်ဆက်ခဲ့ရပြီ ဖြစ်ပါတယ်။ နော်ပြည့်စုံအေးကြူဟာ ဒီအဆင့်မှာတော့ နာမည်ကြီး ဆယ်ကျော်သက်အဆိုတော် ဘီလီအိုင်းလစ်ရှ်ရဲ့ Bad Guy သီချင်းကို သူ့ရဲ့ ကိုယ်ပိုင်ဟန်နဲ့ အမိုက်စားသီဆိုအ စွမ်းပြခဲ့တာ ဖြစ်ပါတယ်။ သူဟာ Blind Audition အဆင့်မှာတုန်းက အကြမ်းစားမက်တယ်လ်သီချင်း တပုဒ်နဲ့ ဝင်ရောက်ယှဉ်ပြိုင်ခဲ့တာဖြစ်ပြီး Coach တွေထဲက ၃ ယောက်ကို လှည့်ကြည့်စေနိုင်ခဲ့သူ ဖြစ်ပါ တယ်။ နော်ပြည့်စုံအေးကြူဟာ နာမည်ကြီး အမေရိကန်ဟဲဗီးမက်တယ်လ်တေးဂီတအဖွဲ့ Slipknot ရဲ့ Psychosocial သီချင်းနဲ့ အမိုက်စား ပေါက်ကွဲရော့ခ်ဂီတပုံစံနဲ့ ဖျော်ဖြေခဲ့ တာပါ။ သူ့ရဲ့ သီဆိုယှဉ်ပြိုင်မှုမှာတော့ Coach တွေထဲက R. ဇာနည်၊ ကျားပေါက်နဲ့ နီနီခင် ဇော်တို့က နောက်လှည့်ကြည့်ခဲ့ကြပြီး ချီးကျူးခဲ့ကြကာ နောက်ထပ်သီချင်းတပုဒ်တောင်း ဆိုချိန်မှာတော့ နော်ပြည့်စုံအေးကြူက နာမည်ကြီး အော်လ်တာနေးတစ်ဗ်ရော့ခ်သီချင်း တပုဒ်ဖြစ်တဲ့ Zombie သီချင်းနဲ့ ထပ်မံအစွမ်းပြခဲ့တာပါ။     နောက်ပိုင်း ပြိုင်ပွဲရဲ့ စည်းမျဉ်းအရ လှည်ကြည့်သူ Coach တွေထဲက တယောက် ကို ရွေးချယ်စေချိန်မှာတော့ နော်ပြည့်စုံအေးကြူက R. ဇာနည်ကို ရွေးချယ်ခဲ့တာမို့ Team R. ဇာနည်အဖွဲ့ထဲကို ရောက်ရှိသွားခဲ့တာ ဖြစ်ပါတယ်။        အဲဒီနောက် Battle Round အဆင့် ပြိုင်ပွဲမှာတော့ ပြိုင်ပွဲဝင် Janus နဲ့ နော်ပြည့် စုံအေးကြူတို့က နာမည်ကြီးအမေရိကန်ရော့ခ်တေးဂီတအဖွဲ့ Evanescence ရဲ့ “Bring Me to Life” သီချင်းနဲ့ ယှဉ်ပြိုင်ခဲ့ကြတာ ဖြစ်ပါတယ်။        ယှဉ်ပြိုင်မှု အဆုံးမှာတော့ သူတို့ ၂ ယောက်ထဲက တယောက်ကို နောက်တဆင့် ဆက်ခေါ်သွားဖို့ ဆုံးဖြတ်ရချိန်မှာတော့ R. ဇာနည်က Janus ကို ရွေးချယ်ခဲ့ပြီး  နော်ပြည့် စုံအေးကြူကို Coach နီနီခင်ဇော်က Steal လုပ်ကာ ရွေးချယ်လိုက်တာမို့ သူတို့ ၂ ယောက်လုံး Battle Round အဆင့်ကို ကျော်ဖြတ်ကာ နောက်တဆင့် တက်ရောက် သွား နိုင်ခဲ့တာ ဖြစ်ပါတယ်။ ခုတခါ တတိယအဆင့် KnockOuts Round မှာတော့ Battle Round ကို ဖြတ် ကျော်နိုင်ခဲ့တဲ့ ပြိုင်ပွဲဝင်တွေထဲက သက်ဆိုင်ရာ Coach တွေရဲ့ Team တွေအလိုက် ၄ ယောက်တတွဲစီ သီဆိုယှဉ် ပြိုင်ကြရတာဖြစ်ပြီး သူတို့ထဲက ၂ ယောက်ကိုသာ ရွေးချယ်မှာ ဖြစ်ပါတယ်။ ခုတပတ်ပြိုင်ပွဲမှာတော့ နီနီခင်ဇော်ရဲ့ အဖွဲ့ထဲက ပြိုင်ပွဲဝင်တွေ ဖြစ်ကြတဲ့ နော် ပြည့်စုံအေးကြူနဲ့အတူ ခင်ရတနာစိုး၊ ပန်၊ စောကျော်သူရမင်းတို့က သီချင်းတပုဒ်စီနဲ့ အ ပြိုင်အစွမ်းပြခဲ့ကြတာ ဖြစ်ပါတယ်။ သူတို့ တယောက်ချင်းစီရဲ့ သီဆိုယှဉ်ပြိုင်မှုအဆုံးမှာတော့ Coach နီနီခင်ဇော်က ပန်နဲ့ ခင်ရတနာစိုးတို့ကို ရွေးချယ်ခဲ့တာမို့ သူတို့ ၂ ယောက်ကတော့ Liveshow အဆင့်ကို တက်ရောက်နိုင်ခဲ့ပြီဖြစ်ကာ နော်ပြည့်စုံအေးကြူနဲ့ စောကျော်သူရမင်းတို့ကတော့ ဒီအဆင့်ကနေ လက်ပြနှုတ်ဆက်ခဲ့ရပြီ ဖြစ်ပါတယ်။
1 year Ago
Up