ILO

January 26, 2021

ဘဏ္ဍာရေးအကျပ်အတည်း ပြန်နာလန်ထူမည့်အလားအလာရှိဟု ILO ပြော

ကိုဗစ်-၁၉ ကပ်ရောဂါကြောင့် ကမ္ဘာ့အလုပ်ချိန် စုစုပေါင်းရဲ့ ၈ ဒသမ ၈ ရာခိုင်နှုန်း ဆုံးရှုံးခဲ့တာဟာ ၂၀၀၉ ဘဏ္ဍာရေး အကျပ်အတည်းအတွင်း ဆုံးရှုံးခဲ့တာထက် လေးဆပိုများပေမဲ့ ပြန်နာလန်ထူမယ့် လက္ခဏာတွေတော့ ရှိနေတယ်လို့ အပြည်ပြည်ဆိုင်ရာ အလုပ်သမားအဖွဲ့ကြီး (ILO) က ဇန်နဝါရီ ၂၅ ရက်မှာ ပြောလိုက်ပါတယ်။

ILO က ဒီဆုံးရှုံးမှုဟာ အချိန်ပြည့်လုပ်သား ၂၅၅ သန်း အလုပ်ပြုတ်တာနဲ့ ညီမျှတယ်။ တကယ်တော့ လုပ်သား ၁၁၄ သန်း အလုပ်အကိုင် ဆုံးရှုံးခဲ့ပြီး တခြားလူတွေက ကန့်သတ်ချက်တွေကြောင့် အလုပ်ချိန် လျှော့ချခံခဲ့ရတာ”လို့လည်း  ပြောပါတယ်။

ဒါကြောင့် ကမ္ဘာ့ စုစုပေါင်း ပြည်တွင်းထုတ်ကုန် (GDP) ရဲ့ ၄ ဒသမ ၄ ရာခိုင်နှုန်းနဲ့ ညီမျှတဲ့ အမေရိကန်ဒေါ်လာ ၃ ဒသမ ၇ ထရီလီယံ ဆုံးရှုံးခဲ့တယ်လို့ ILOက ကပ်ဘေးဆိုင်ရာ ၇ ကြိမ်မြောက် အစီရင်ခံစာထဲမှာ ပြောပါတယ်။

ဒီနှစ်နဲ့ လာမယ့်နှစ်မှာ ပိုများတဲ့ အလုပ်ချိန်နာရီတွေ ဆုံးရှုံးလိမ့်ဦးမယ်လို့လည်း ILO ညွှန်ချုပ် ဂိုင်းရိုက်ဒါက သတင်းစာရှင်းလင်းပွဲမှာ ပြောပါတယ်။

“သတင်းကောင်းကတော့ ပြန်နာလန်ထူမယ့်လက္ခဏာတွေ မြင်ထားတယ်။ ဒါပေမဲ့ အဲဒီ လက္ခဏာတွေက ထိခိုက်ပျက်စီးလွယ်ပြီး မသေချာသေးဘူး။ အလားအလာတွေကလည်း ညီမျှမှာ မဟုတ်ဘူး”လို့ သူက ဆက်ပြောပါတယ်။

အလုပ်အကိုင် ဆုံးရှုံးရာမှာ အမျိုးသမီးတွေနဲ့ လူငယ်လုပ်သားတွေက အထိခိုက်ဆုံး ဖြစ်ပြီး အပြင်းထန်ဆုံး ထိခိုက်တဲ့ လုပ်ငန်းခွင်တွေက နေရာထိုင်ခင်း၊ စားသောက်ကုန် ဝန်ဆောင်မှု၊ လက်လီနဲ့ ကုန်ထုတ်လုပ်မှုကဏ္ဍတွေလို့ အစီရင်ခံစာက ပြောပါတယ်။

၂၀၂၀ ပြည့်နှစ်အတွင်း ဘဏ္ဍာရေးနဲ့ သတင်းအချက်အလက် နည်းပညာ နယ်ပယ်တွေမှာတော့ ဆက်ပြီး တိုးတက်နေတယ်လို့လည်း ရိုက်ဒါက ပြောပါတယ်။

၂၀၂၁ ဒုတိယနှစ်ဝက်မှာတော့ ကာကွယ်ဆေး အစီအစဉ်တွေ စတင်သက်ရောက်ပြီဖြစ်လို့ အလုပ်အကိုင် အခြေအနေတွေ ပိုအားကောင်းကောင်းနဲ့ နာလန်ထလာမယ်လို့ ခန့်မှန်းချက်တွေက ဖော်ပြထားကြောင်း ILO အစီရင်ခံစာက ဆိုထားပါတယ်။

9 months Ago

July 9, 2020

ကိုရိုနာကပ်ဘေး ဝန်ထမ်းလောကအား အကြပ်အတည်း ဖြစ်ခဲ့ဟု ILO ပြော

ကိုရိုနာဗိုင်းရပ်စ် ကူးစက်ကပ်ဘေးဟာ ဝန်ထမ်းလောကကို မကြုံစဖူး အကြပ်အတည်းထဲ ဖြစ်စေခဲ့တယ်လို့ နိုင်ငံတကာအလုပ်သမားအဖွဲ့ချုပ် (ILO) ရဲ့အကြီးအကဲ ဂိုင်းရိုက်ဒါက ဇူလိုင် ၈ ရက်မှာ ပြောပါတယ်။  “ဒါဟာ ကျန်းမာရေး၊ အလုပ်နဲ့စီးပွားရေးကြားက ရွေးချယ်မှု မဟုတ်ပါဘူး။ သူတို့ အချင်းချင်း အပြန်အလှန် ပတ်သက်နေတာပါ။ ကျနော်တို့က စစ်မျက်နှာအားလုံးမှာ နိုင်မလား၊ ရှုံးမလား ၂ ခုပဲ ရှိတယ်” လို့ ကုလသမဂ္ဂအတွင်းရေးမှူးချုပ် အန်တိုနီယိုဂုတားရဲ့စ်က ILO ထိပ်သီး ညီလာခံမှာ ပြောပါတယ်။  ဒီညီလာခံမှာ နိုင်ငံ့အကြီးအကဲတွေနဲ့ အစိုးရတွေ ဒါဇင်ချီပြီး ကြိုတင်မှတ်တမ်းတင် ထားတဲ့ သတင်းစကားတွေကို မိန့်ခွန်းပြောကြမှာပါ။  ကူးစက်နှုန်းနဲ့ကူးစက်ခံ သေဆုံးနှုန်း တိုးလာနေတဲ့ ဒီအကြပ်အတည်းကို ရှေ့တန်းကနေ ရင်ဆိုင်နေရတဲ့ ကျန်းမာရေးဝန်ထမ်း သန်းချီကို ကာကွယ်ဖို့ အထူးတာဝန်တရပ် ကမ္ဘာကြီးမှာ ရှိတယ်လို့ ကမ္ဘာ့ကျန်းမာရေးအဖွဲ့ WHO ရဲ့ အကြီးအကဲက ထိပ်သီးညီလာခံမှာ ပြောပါတယ်။ ၂၀၂၀ ပြည့်နှစ်ရဲ့ ဒုတိယနှစ်ဝက်မှ် ကမ္ဘာ့လုပ်သားဈေးကွက်ဟာ မသေချာမှုနှုန်း မြင့်နေတာပါ။ ဒီနှစ်ထဲမှာတော့ ကပ်ဘေးမစခင်က အခြေအနေကို ပြန်ရောက်သွားနိုင်လောက်အောင် လုံလောက်တဲ့ အလုပ်အကိုင်ရှိနိုင်တဲ့အထိ နာလန်ထမယ်ဆိုပြီး ဟောကိန်း မထုတ်နိုင်ဘူးလို့ ILO က ကျန်ခဲ့တဲ့ သီတင်းပတ်ထဲမှာ ပြောပါတယ်။ ကမ္ဘာ့အလုပ်ချိန် ကျဆင်းမှုဟာလည်း ဒီနှစ်ရဲ့ပထမ နှစ်ဝက်က ခန့်မှန်းတာထက် သိသိ  သာသာ ပိုဆိုးနေတယ်လို့ ကုလသမဂ္ဂက ပြောခဲ့ပါတယ်။  လတ်တလောမှာတော့ ကိုရိုနာဗိုင်းရပ်စ်ကူးစက်ကပ်ဘေးရဲ့သက်ရောက်မှုကို တုံ့ပြန်ဖို့ ပြည့်စုံ ကျယ်ပြန့်တဲ့ ချဉ်းကပ်နည်းကို ကမ္ဘာ့ခေါင်းဆောင်တွေက ဆော်သြနေပါတယ်။ 
1 year Ago
More News
Up