Generation Z

February 21, 2021

ဟင်္သာတမြို့က G-Z လူငယ်များ အာဏာရှင်ဆန့်ကျင်ရေးစာသားများ နေရာအနှံ့ရေးသား

ဟင်္သာတမြို့ ဘုရားတွေနဲ့ တက္ကသိုလ်အပါအဝင် လူစည်ကားရာနေရာတွေမှာ ဒေသခံ G_Z လူငယ်တွေတွေဟာ အာဏာရှင်ဆန့်ကျင်ရေး စာရေးသားမှုတွေကို လုပ်ဆောင်ခဲ့ကြပြီး ဖေဖော်ဝါရီ ၂၁ ရက်မှာလည်း ဆက်လက်လုပ်ဆောင်ခဲ့ကြပါတယ်။ 

ပထမနေ့က ရေးသားထားတာတွေကို ညက ရဲတပ်ဖွဲ့နဲ့ စည်ပင်က လိုက်ဖျက်အပြီး ဒီနေ့ မှာတော့ နေရာအနှံ့အပြား လှုပ်ရှားရေးသားလာပါတယ်။

9 months Ago

ဖားကန့်ပြည်သူထောင်ချီ ဆန္ဒပြတောင်းဆိုမှုကြောင့် Generation Z လူငယ်အချို့ ပြန်လွတ်

DVB

ပြည်သူထောင်ချီ ဆန္ဒပြတောင်းဆိုမှုကြောင့် ဖမ်းဆီခံထိန်းသိမ်းခံခဲ့ရတဲ့ ဖားကန့်မြို့က Generation Z  လူငယ်တချို့ကို နာရီပိုင်းအတွင်း ပြန်လွှတ်ပေးခဲ့တယ်လို့ သိရပါတယ်။

ကချင်ပြည်နယ် မိုးညှင်းခရိုင်ဖားကန့်မြို့မှာ စစ်အာဏာရှင်ဆန့်ကျင်ရေး လူထုလှုပ်ရှားမှုတွေမှာ ပါဝင်တဲ့ Generation Z  လူငယ်တချို့ကို မနေ့ မွန်းလွဲ ၂ နာရီလောက်မှာ ရဲက ဖမ်းဆီးထိန်းသိမ်းခဲ့ပါတယ်။

Generation Z  လူငယ်တွေဟာ မြို့ကန့်မြို့ ရှရော်ခ ကျေးရွာ ညောင်ပင်ကုန်းအတက်က လမ်းမပေါ်မှာ အဖြူရောင်သုတ်ဆေးနဲ့ "WE WANT DEMOCRACY" ဆိုတဲ့ စာတန်းရေးနေစဉ် ဖမ်းဆီးခံခဲ့ရတာလို့ မျက်မြင်တွေ့ရှိသူတွေက ပြောပါတယ်။

ဖမ်းဆီးထားတဲ့ လူငယ်တွေကို ချက်ချင်းပြန်လွှတ်ပေးဘို့ ဖားကန့်မြို့မရဲစခန်းရှေ့မှာ ပြည်သူပေါင်း ထောင်နဲ့ချီ လာရောက်ဆန္ဒပြတောင်းဆိုခဲ့တာကြောင့် ရဲက ပြန်လွှတ်ပေးခဲ့ပါတယ်။

ဒီလိုဖမ်းဆီးတာတွေ လုပ်နေပေမယ့်လည်း စစ်အာဏာရှင်ပြုတ်ကျတဲ့အထိ လူထုလှုပ်ရှားမှုနဲ့အတူ ဆက်လက်တိုက်ပွဲဝင်သွားမယ်လို့  Generation Z လူငယ်တွေက DVB ကို ပြောပါတယ် ။

ဇော်မိုးထက်(ဖားကန့်)

9 months Ago

February 20, 2021

ညောင်​လေးပင်မြို့ Generation Z လူငယ်များ၏ လှုပ်ရှားမှု မြင်ကွင်းများ

ပဲခူးတိုင်း​ဒေသ​ကြီး၊ ​ညောင်​လေးပင်မြို့ ဗိုလ်ချုပ်လမ်း၊ မင်္ဂလာအဆင့်​မြင့်ရုပ်ရှင်ရုံ​ရှေ့မှာ​ ​ဖေဖော်ဝါရီ ၂၀ ရက်​နေ့က Generation Z လူငယ်တွေရဲ့ လှုပ်ရှားမှု​တွေကို တွေ့မြင်ရပါတယ်။

Generation Z လူငယ်တွေနဲ့ CDM လုပ်​နေတဲ့ ဝန်ထမ်းတွေ၊ အလွှာပေါင်းစုံက ပြည်သူ ၅၀၀ ကျော်ကက မမြသွဲ့သွဲ့ခိုင် ​ကျဆုံးခဲ့မှုအတွက် ဝမ်းနည်းခြင်းအထိမ်းအမှတ် ပန်းစည်းတွေချကာ ဆုတောင်းခဲ့ကြပြီ အာဏာရှင်ဆန့်ကျင်ရေး ထိုင်သပိတ်ပြုလုပ်ခဲ့ကြပါတယ်။

သတင်း၊ ဓာတ်ပုံ- နေလင်းထိုက်၊ ဒရုန်း - အောင်ဇေယျာထက်

9 months Ago
Up