eu

October 20, 2021

Pfizer ကိုဗစ်ကာကွယ်ဆေးကို ကလေးများ အသုံးပြုနိုင်ရန် EMA အကဲဖြတ်နေ

ဥရောပသမဂ္ဂရဲ့ ဆေးဝါးစည်းမျဉ်း ကြီးကြပ်ရေးဌာန (EMA) က Pfizer   ကိုဗစ်-၁၉ ကပ်ရောဂါ ကာကွယ်ဆေးကို အသက် ၅ နှစ်ကနေ ၁၁ နှစ်ကြား ကလေးတွေအတွက် အသုံးပြုနိုင်ဖို့ စအကဲဖြတ်နေပြီလို့ အောက်တိုဘာ ၁၈ ရက်မှာ ပြောလိုက်ပါတယ်။

Pfizer နဲ့ ဂျာမန်ဆေးဝါးလုပ်ငန်း ဘိုင်အိုအန်တက်ခ်တို့ဟာ သူတို့ရဲ့ mRNA နည်းပညာသုံး ကာကွယ်ဆေးကို ကလေးငယ်တွေအတွက် သုံးဖို့ အထောက်အကူဖြစ်မယ့် သတင်း အချက်အလက်တွေကို အရင်အပတ်က တင်သွင်းခဲ့ပါတယ်။

ပါဝင်စမ်းသပ်ခံသူ ၂,၂၆၈ ယောက်ကို လက်တွေ့စမ်းသပ်ချက်အရ ကာကွယ်ဆေးဟာ ငါးနှစ်ကနေ ၁၁ နှစ်ကြား ကလေးတွေဆီမှာ အားကောင်းတဲ့ ကိုယ်ခံအား တုံ့ပြန်မှုကို ဖြစ်ပေါ်စေတာ တွေ့ရတယ်လို့ ကုမ္ပဏီက အရင်လက ပြောပါတယ်။

စမ်းသပ်နေဆဲ လက်တွေ့စမ်းသပ်ချက်က ရလဒ်တွေ အပါအဝင် ကာကွယ်ဆေးနဲ့ ပတ်သက်တဲ့ သတင်းအချက်အလက်တွေကို သုံးသပ်မယ်လို့ EMA က ပြောပါတယ်။

လောလောဆယ် ကာကွယ်ဆေးကို အဆိုပြု အသက်အုပ်စုအတွက် ခွင့်မပြုသေးပါဘူး။ ဒါပေမဲ့ အမေရိကန်နဲ့ ဥရောပသမဂ္ဂတို့က အသက် ၁၂ နှစ်နဲ့အထက် ကလေးတွေအတွက် ဒီကာကွယ်ဆေးကို သုံးခွင့်ပြုထားပါတယ်။

EMA ရဲ့ လူ့အတွက် ဆေးဝါးကော်မတီက ထင်မြင်ချက်ကို ဥရောပကော်မတီဆီ လက်ဆင့်ကမ်း ပေးပို့မှာ ဖြစ်ပြီး ဥရောပကော်မရှင်က ဒီကိစ္စအတွက် နောက်ဆုံး ဆုံးဖြတ်ချက်ကို ထုတ်ပြန်မှာ ဖြစ်ပါတယ်။

7 days Ago

June 22, 2021

ဘဲလာရုစ်နိုင်ငံမှ အရာရှိများနှင့် ကုမ္ပဏီ ၈၆ ခုကို အီးယူက အမည်ပျက်စာရင်းသွင်း

ဥရောပသမဂ္ဂ (အီးယူ) ဟာ ဘဲလာရုစ်နိုင်ငံက အစိုးရအရာရှိတွေနဲ့ ကုမ္ပဏီတွေ စုစုပေါင်း ၈၆ ခုကို ဇွန် ၂၁ ရက်မှာ နာမည်ပျက် စာရင်းသွင်းလိုက်တယ်လို့ အီးယူရဲ့ နိုင်ငံရေခြားရေးမူဝါဒအကြီးအကဲ ဂျိုးဇက်ဘော်ရဲက ပြောပါတယ်။

“သူတို့ဆီက ပိုင်ဆိုင်မှုတွေကို ထိန်းချုပ်ပြီး ခရီးသွားလာခွင့် ပိတ်သိမ်းဖို့ ချမှတ်ဆောင်ရွက်မယ်။ ဒါပေမဲ့ ဘယ်တော့ ဒဏ်ခတ်မလဲဆိုတဲ့ ဆုံးဖြတ်ချက်ကိုတော့ ခေါင်းဆောင်တွေ ချမှတ်ဖို့ ချန်ထားမယ်” လို့ ဂျိုးဇက်ဘော်ရဲက ပြောပါတယ်။

မေ ၂၃ ရက်က မင့်ခ်စ်မြို့မှာ ရီယားနဲလ် ခရီးသည်တင်လေယာဉ်ကို အတင်းဆင်းခိုင်းခဲ့ပြီး သတင်းထောက်နဲ့ သူ့ရည်းစားကို ဖမ်းခဲ့တဲ့ကိစ္စနဲ့ပတ်သက်ပြီး သမ္မတ အလက်ဇန်းဒါးလူကာရှန်ကို ကို ဖိအားပေးဖို့ အီးယူက ကြိုးစားနေပါတယ်။

သယ်ယူပို့ဆောင်ရေးနဲ့ ကာကွယ်ရေးဝန်ကြီးတွေ အပါအဝင် အရာရှိ ၇၆ ယောက်နဲ့ အစိုးရပိုင် ကုမ္ပဏီ ၈ ခုကို ဒဏ်ခတ်မယ်လို့ သံတမန်တွေက ပြောပါတယ်။

အရေးယူဆောင်ရွက်ချက်တွေဟာ အမေရိကန်နဲ့ ဗြိတိန်လို တခြားအနောက်နိုင်ငံတွေရဲ့ အလားတူ ဒဏ်ခတ်မှုတွေနဲ့ ညှိုနှိုင်းဆောင်ရွက်တာ ဖြစ်နိုင်တယ်လို့ သံတမန်တွေက ပြောပေမဲ့ အသေးစိတ်တော့ မပြောခဲ့ပါဘူး။ 

ဘဲလာရုစ်နိုင်ငံက ရေနံ၊ ပိုတက်ရှ်နဲ့ ဘဏ်လုပ်ငန်းတွေကို စီးပွားရေးဒဏ်ခတ်ဖို့ အီးယူအဖွဲ့ဝင် နိုင်ငံတွေက ပြီးခဲ့တဲ့ သောကြာနေ့က သဘောတူခဲ့ကြတာပါ။

ဒဏ်ခတ်မှုတွေကို ဇွန် ၂၄ ရက်နေ့  ဘရပ်ဆဲလ်မြို့မှာ ကျင်းပမယ့် ဥရောပကောင်စီရဲ့ အစည်းအဝေးမှာ တင်ပြမှာဖြစ်ပြီး စီးပွားရေး ဒဏ်ခတ်မှုတွေကို နိုင်ငံခြားရေးဝန်ကြီးတွေက အတည်မပြုရသေးဘူးလို့ အီးယူ ထိပ်တန်းသံတမန် ဂျိုးဆက်ဘော်ရဲက ပြောပါတယ်။

4 months Ago
More News
Up