epc

November 21, 2021

တနိုင်ငံလုံးကို အလှည့်ကျ မီးဖြတ်တော့မည်ဟုဆို

တနိုင်ငံလုံးကို အလှည့်ကျ မီးဖြတ်တော့မှာဖြစ်ပြီး မီတာပုံမှန်ဆောင်တဲ့ နေရာဒေသတွေကိုတော့ ပုံမှန်မီးရအောင်ပေးဖို့ နိုဝင်ဘာ ၁၉ ရက်နေ့က အကြမ်းဖက်စစ်ကောင်စီ လက်အောက်ခံ လျှပ်စစ်ဓာတ်အားဖြန့်ဖြူးရေး ဌာနတွေကို ပေးပို့တဲ့စာ ဖော်ပြထားပါတယ်။

ဓာတ်အားဖြန့်ဖြူးတဲ့ မဟာဓာတ်အားလိုင်း တိုင် ၆ တိုင်ကို အရေးပေါ်ပြုပြင်ရမှာ ဖြစ်တာကြောင့် တလလောက် ကြာနိုင်ပြီး ဝန်အား ၁၅၀ မဂ္ဂါဝပ်လောက် လျှော့ချနိုင်ဖို့လိုတယ်လို့ ဆိုပါတယ်။

အင်ဂျင်နီယာချုပ်က ပေးပို့တဲ့စာမှာတော့ စစ်ကောင်စီနဲ့ တိုက်ပွဲတွေအများဆုံးဖြစ်နေတဲ့ စစ်ကိုင်းတိုင်းကို ၂၅ မဂ္ဂါဝပ်နဲ့ အများဆုံးလျှော့ချဖို့ စီစဉ်ထားပြီး မကွေးတိုင်းနဲ့ ဧရာဝတီတိုင်းကိုတော့ ၂၀ မဂ္ဂါဝပ်စီ လျှော့ချမှာ ဖြစ်ပါတယ်။

ညနေ ၆ နာရီက ည ၈ နာရီအထိ မီးဖြတ်ဝန်အားလျှော့ချမယ်လို့ အဲဒီစာမှာ ဖော်ပြထားပြီး ရန်ကုန်၊ မန္တလေးနဲ့ တနင်္သာရီတိုင်းတို့ကတော့ လျှော့ချမယ့် စာရင်းထဲ မပါဝင်ပါဘူး။

မီးဖြတ်တဲ့အခါ နေ့တိုင်းမဖြစ်အောင် အလှည့်ကျစနစ်လုပ်ဖို့နဲ့ လစဉ်မီတာခ ပုံမှန်ပေးတဲ့ မြို့၊ ရပ်ကွက်တွေကိုတော့ ပုံမှန်ဓာတ်အားရတဲ့အုပ်စုမှာထည့်ပြီး အတတ်နိုင်ဆုံး စဉ်ဆက်မပြတ်ရအောင် အထူးဂရုပြုရမယ်လို့လည်း ဆိုပါတယ်။

အကြမ်းဖက်စစ်ကောင်စီ တက်လာပြီးနောက်ပိုင်း အန်အယ်လ်ဒီအစိုးရလက်ထက်က လျှော့ပေးခဲ့တဲ့ မီတာခသက်သာခွင့်တွေကို ရပ်ဆိုင်းလိုက်သလို ပြည်သူတွေကလည်း မီတာခ မပေးဘဲ ဆန့်ကျင်ခဲ့တာကြောင့် နေရာတော်တော်များများမှာ မီတာခမဆောင်တဲ့ အိမ်တွေကို စစ်တပ်က မီးဖြတ်နေပါတယ်။

2 months Ago

November 16, 2021

လားရှိုးမြို့ ၌ ဓာတ်အားခကောက်ခံခြင်းနှင့်မီးဖြတ်တောက်ခြင်းများ မလုပ်ရန် LCDF သတိပေး

ရှမ်းပြည်နယ်မြောက်ပိုင်း၊ လားရှိုးမြို့နယ်အတွင်း မြသင်းကြူ လျှပ်စစ်ဓာတ်အားဖြန့်ဖြူးရေး ကုမ္ပဏီက မီတာခတွေ အတင်းအကျပ် ကောက်ခံနေတာနဲ့ မီတာခမဆောင်တဲ့ ပြည်သူတွေရဲ့ နေအိမ်တွေကို လျှပ်စစ်မီးဖြတ်တောက်တာတွေကို ရပ်တန်းကရပ်ဖို့ လားရှိုးပြည်သူ့ကာကွယ်ရေးတပ်ဖွဲ့ (Lashio Civil Defence Force) က သတိပေးလိုက်ပါတယ်။

LCDF ရဲ့ ထုတ်ပြန်ချက်ကို လျစ်လျူရှုကာ အထက်ပါလုပ်ရပ်တွေကို ဆက်လက်ဆောင်ရွက်နေ ပါက မိမိတို့ LCDF (CT-UG) မှ လုပ်သင့်လုပ်ထိုက်တာတွေကို လုပ်ဆောင်သွားမှာဖြစ်ကြောင်း EPC နဲ့ စစ်အာဏာရှင် လက်အောက်ခံဌာနတွေကို နိုဝင်ဘာ ၁၅ ရက်နေ့မှာ နောက်ဆုံးအကြိမ် သတိပေးအကြောင်းကြားထားပါတယ်။

ဒါ့အပြင် မိဘပြည်သူများအနေနဲ့ စစ်ကောင်စီလက် အောက်ခံရုံးတွေကို မသွားကြပါရန်နဲ့ CCTV တွေကို ဖြုတ်သိမ်းထားခြင်းဖြင့် ပူးပေါင်းပါဝင်ပေးဖို့လည်း LCDFက မေတ္တာရပ်ခံကြောင်း ထုတ်ပြန်ပါတယ်။

စစ်အာဏာသိမ်းပြီးနောက်ပိုင်း လားရှိုးမြို့နယ်ရဲ တပ်ဖွဲ့မှူးရုံး၊ အမှတ် (၅) ရပ်ကွက် အုပ်ချုပ်ရေးမှူးရုံး၊ မြို့နယ် လ.ဝ.က ရုံး၊ ယာဉ်ထိန်းရဲရုံးနဲ့ စစ်တပ်သတင်းပေး (ဒလန်)လို့ အများက သတ်မှတ်ခံထားရသူနေ အိမ်တစ်အိမ်ကို ဗုံးပစ်တိုက်ခိုက်တာတွေ ရှိခဲ့ပါတယ်။

2 months Ago
More News
Up