Drive-in ရှိုးပွဲ

September 1, 2020

ကိုဗစ်ကပ်ဘေးကာလ အင်ဒိုနီးရှားတွင် Drive-in ဖျော်ဖြေပွဲကျင်းပ 

ကိုဗစ်-၁၉ ကပ်ဘေးကာလအတွင်း မော်တော်ကားနဲ့ လာကြည့်တဲ့ ပရိသတ်တွေကို သီဆိုဖျော်ဖြေတဲ့ Drive-in ရှိုးပွဲကို  အင်ဒိုနီးရှားနိုင်ငံ မြို့တော် ဂျာကာတာမှာ  သြဂုတ် ၂၉ ရက်က  ပထမဆုံး ကျင်းပခဲ့ပါတယ်။  အဲဒီရှိုးပွဲကို  နှစ်ရက်ကြာ တင်ဆက်ပြီး ပထမဆုံး ဖျော်ဖြေတဲ့အဖွဲ့ကတော့ ကတ်ဟီနာဆိုတဲ့  ဒေသပေါ့ပ်အဖွဲ့တစ်ခု ဖြစ်ပါတယ်။  "New Live! Experience Concert", လို့ခေါ်တဲ့   drive-in ရှိုးပွဲကို  မော်တော်ကားစီးရေ ၃၀၀ လောက်နဲ့ ရွှေပွဲလာ ပရိသတ် ၉၀၀ လောက်လာရောက် အားပေးခဲ့ပါတယ်။  မော်တော်ကားနဲ့ လာရောက် ရှုစားရတယ်ဆိုပေမယ့်  ရှိုးပွဲလာသူတွေကို အပူချိန်တိုင်းပြီး  ၃၇ ဒသမ  ၂ ဒီဂရီ စင်တီဂရိတ် ကျော်တာနဲ့  ယာယီဆေးခန်းကို စေလွှတ်ပါတယ်။ ရှိုးပွဲမှာ ကားဟွန်းတီးသံနဲ့ ကားမီးထိုးတာတွေက လက်ခုပ်သံတွေ နေရာမှာ အစားထိုးလာပါတယ်။ ပရိသတ်တစ်ဦးဖြစ်သူ အမ်မလီယာကလည်း ကပ်ရောဂါက ဘယ်တော့ပြီးမှန်း မသိတာမို့  ဒီအစီအစဉ်ဟာ ကောင်းမွန်တယ်လို့ ဆိုပါတယ်။ ဒီရှိုးပွဲဟာ ဖျော်ဖြေရေးလုပ်ငန်းတွေ ပြန်စဖို့ တွန်အားပေးမယ်လို့ ပွဲစီစဉ်သူတွေက မျှော်လင့်နေပါတယ်။ အာဆီယံနိုင်ငံတွေထဲမှာ အင်ဒိုနီးရှားဟာ ကိုဗစ်-၁၉ ကူးစက်သူ အရေအတွက် ၁၇၀၀၀၀  နီးပါးနဲ့ ဒုတိယအများဆုံး ဖြစ်ပြီး သေဆုံးသူ ၇၀၀၀ ကျော်နဲ့ အများဆုံး ဖြစ်ပါတယ်။
1 year Ago
Up