COVID-19 လူနာသစ် ၂ ဦး

A d v e r t i s e m e n t With Us

April 21, 2020

ပြည်မြို့တွင်  COVID-19 လူနာသစ် ၂ ဦးထပ်တွေ့၊ နိုင်ငံတဝန်း အတည်ပြုလူနာ စုစုပေါင်း ၁၁၉ ဦးအထိရှိလာ

ပဲခူးတိုင်းဒေသကြီး ပြည်မြို့မှာ COVID-19 ဓာတ်ခွဲအတည်ပြုလူနာသစ် ၂ ဦးထပ်မံတွေ့ရှိရပြီး  ဧပြီ ၂၀ ရက်ည ၁၁ နာရီအထိ မြန်မာနိုင်ငံမှာ အတည်ပြုလူနာ စုစုပေါင်း  ၁၁၉ ဦးရှိသွားပြီလို့ ကျန်းမာရေးနဲ့ အားကစားဝန်ကြီးဌာနက ကြေညာပါတယ်။  ပြည်မြို့မှာ  COVID-19 အတည်ပြုလူနာနဲ့ထိတွေ့မှုရှိခဲ့တဲ့ အသွားအလာကန့်သတ် စောင့်ကြပ်ကြည့်ရှု quarantine ထားရှိတဲ့ အသက် ၃၁ နှစ်အရွယ် အမျိုးသမီး  ၂ ဦးမှာ ဓာတ်ခွဲစမ်းသပ် ရောဂါတွေ့ရှိခဲ့တာပါ။  အဆိုပါ လူနာသစ် ၂  ဦးကို သက်ဆိုင်ရာဆေးရုံတွေကို လွှဲပြောင်းပြီး သီးခြားထားရှိကုသမှု ပေးသွားမယ်လို့လည်း သိရပါတယ်။ ဧပြီ ၂၀ ရက်က COVID-19 ရောဂါအတွက် လူပေါင်း ၄၀၀ ကျော်ကို  ဓာတ်ခွဲစစ်ဆေးခဲ့ရာမှာ ပထမအသုတ် လူနာသစ် ၆ ဦးနဲ့ ဒုတိယအသုတ်မှာ လူနာသစ် ၂ ဦး  စုစုပေါင်း ၈ ဦးတွေ့ရှိခဲ့ပါတယ်။ ပထမအသုတ်မှာတွေ့ရှိတဲ့ လူနာသစ် ၆  ဦးကတော့ စစ်ကိုင်းတိုင်း ကလေးမြို့နယ်က အမျိုးသား ၃ ဦးနဲ့ ၁၀ နှစ်အရွယ် မိန်းကလေးငယ်တဦး၊ ချင်းပြည်နယ် တီးတိန်မြို့နယ်က အသက် ၆၅ နှစ်အရွယ် အမျိုးသမီး ၁ ဦးနဲ့  ရှမ်းပြည်နယ် တာချီလိတ်မြို့နယ်က အသက် ၂၉ နှစ်အရွယ်အမျိုးသမီးတဦးတို့ ဖြစ်ကြပါတယ်။  ဧပြီ ၂၀ ရက် ည ၁၁ နာရီအထိ မြန်မာနိုင်ငံမှာ  COVID-19 ဓာတ်ခွဲအတည်ပြုလူနာ စုစုပေါင်း ၁၁၉ ဦးရှိသွားပြီဖြစ်ပြီး သေဆုံးသူ ၅ ဦးရှိပါတယ်။  ဓာတ်ခွဲအတည်ပြုလူနာတွေထဲက  ရောဂါပိုးကင်းစင်သူ ၉ ဦးရှိပြီး ဆေးရုံကဆင်းသူ စုစုပေါင်း  ၆ ဦးရှိတယ်လို့လည်း ကျန်းမာရေးဌာန ထုတ်ပြန်ချက်အရ သိရပါတယ်။ ဓာတ်ပုံ- MOHS
11 months Ago
Up