CDM ပညာရေး၀န်ထမ်း

May 30, 2021

CDM ပညာရေး၀န်ထမ်းများကို ဝိုင်းမော်ရောင်စုံလူငယ်များအဖွဲ့က ထောက်ပံ့

ကချင်ပြည်နယ်၊ ဝိုင်းမော်မြို့နယ်မှာ စစ်အုပ်ချုပ်ရေးကိုဆန့်ကျင် အာဏာဖီဆန် CDM ဝင်နေတဲ့ ပညာရေး၀န်ထမ်းတွေကို မေလ ၂၉ ရက်နေ့က ဝိုင်းမော်ရောင်စုံလူငယ်များအဖွဲ့က ထောက်ပံ့‌ကူညီထောက်ပံ့ခဲ့ပါတယ်။

အခုတစ်ခေါက်မှာတော့ CDM ဆရာဆရာမ ပညာရေး၀န်ထမ်း ၁၄ ယောက်အတွက် အခြေခံစားသောက်ကုန်တွေနဲ့ ငွေကြေး ထောက်ပံ့ကူညီခဲ့တာ ဖြစ်ပါတယ်။

ရောင်စုံလူငယ်များအဖွဲ့ CYG ကို မသန်စွမ်းတွေ အပါအဝင်  လူမျိုးဘာသာပေါင်းစုံမှ လူငယ်တွေနဲ့ပါဝင် ဖွဲ့စည်းထားတာ ဖြစ်ပါတယ်။

ဓာတ်ပုံ - CYG page

6 months Ago

May 17, 2021

ဒိုက်ဦးမြို့တွင် CDM ပညာရေး၀န်ထမ်းအချို့ဖမ်းခံရ

ပဲခူးတိုင်း၊ ဒိုက်ဦးမြို့နယ်ပညာရေးမှူးရုံးမှာ မတ် ၁၆ ရက်ညက ပေါက်ကွဲမှုဖြစ်အပြီး စစ်ကောင်စီရဲ့ အကြမ်းဖက် လက်နက်ကိုင်တွေဟာ CDM ဝင်နေတဲ့ ပညာရေးဝန်ထမ်းအချို့ ဖမ်းဆီးခဲ့ပါတယ်။

အကြမ်းဖက်လက်နက်ကိုင်တွေဟာ ရပ်ကွက်တွေထဲ သေနတ်တွေပစ်ဖောက်ပြီး အိမ်ထဲအထိ ၀င်ရောက် ဖမ်းဆီးခဲ့ရာမှာ CDM ၀င်ထားတဲ့ ပညာရေး၀န်ထမ်း ၂ ယောက်ပါဖမ်းဆီးခံရပြီး နောက်ထပ် CDM ၀န်ထမ်းတွေကို ဖမ်းဆီးဖို့သွားတာ မတွေ့လို့ ဓားစာခံအဖြစ် သူ့ရဲ့ယောက်ဖနဲ့ တခြားမိသားစုဝင်တစ်ယောက်ကို ဖမ်းသွားတယ်လို့ ဒေသခံတွေက ပြောပါတယ်။

ဖမ်းဆီးခံ CDM ပညာရေး၀န်ထမ်းတွေကိုတော့ တာ၀န်ပြန်ထမ်းဆောင်ဖို့ ခံ၀န်လက်မှတ် ရေးထိုးမှ ပြန်လွှတ်ပေးမယ်လို့ ပြောတဲ့အကြောင်း မြို့ခံတွေက ပြောဆိုပေမဲ့ မိသားစု၀င်‌တွေဆီက သီးခြားအတည်ပြုချက် မရသေးပါဘူး။

7 months Ago
Up