CDM ဆရာ၊ ဆရာမ

November 28, 2021

CDM ဆရာ၊ ဆရာမများ၏ အခက်အခဲ လိုအပ်ချက်များ သိနိုင်ရန် သုတေသနပြုလုပ်မည်

CDM ဆရာ၊ ဆရာမတွေရဲ့  လိုအပ်ချက်တွေ၊ အခက်အခဲတွေ၊ ခံစားချက်တွေကို ပိုမိုသိရှိနိုင်ရန်အတွက် နွေဦးတက္ကသိုလ်ရဲ့ အဆင့်မြင့်ပညာကဏ္ဍက CDM ဆရာ၊ ဆရာမတွေနဲ့ မေးမြန်းဆွေးနွေးကာ သုတေသနပြုလုပ်သွားမှာဖြစ်ပါတယ်။

အဲဒီ သုတေသနမှတဆင့် တွေ့ရှိချက်တွေကို မြန်မာနိုင်ငံရဲ့ ကြားကာလပညာရေး လုပ်ငန်းဆောင်တာတွေကို ဆောင်ရွက်ရာမှာ အသုံးဝင်မယ်လို့ နွေဦးတက္ကသိုလ် တာဝန်ရှိသူတဦးက ပြောပါတယ်။

ဒါကြောင့် နွေဦးတက္ကသိုလ်ရဲ့ ဆွေးနွေးမေးမြန်းမှုမှာ ပါဝင်ပေးနိုင်ဖို့အတွက် CDM ဆရာ၊ ဆရာမတွေကို ဖိတ်ခေါ်သွားမှာဖြစ်ပြီး စိတ်ပါဝင်စားတဲ့ ဆရာ၊ ဆရာမတွေ အနေနဲ့ နွေဦးတက္ကသိုလ်ကို ဆက်သွယ်နိုင်တယ်လို့ ဆိုပါတယ်။

CDM ဆရာ ဆရာမတွေရဲ့ ကိုယ်ရေးကိုယ်တာ အချက်အလက် လုံခြုံးဆိုင်ရာများကိုလည်း နွေဦးတက္ကသိုလ်မှ ကာကွယ်ထိန်းသိမ်းပေးသွားမှာဖြစ်ပါတယ်။

နွေဦးတက္ကသိုလ်ကို ၂၀၂၁ မေလမှာ စတင်တည်ထောင်ခဲ့ပြီး ကြားကာလပညာရေး လိုအပ်ချက်တွေကို ဖြည့်ဆည်းပေးနိုင်ဖို့အတွက် သင်တန်းများဖွင့်လှစ်ကာ သင်ကြားပေးနေတာပါ။

ဒါ့အပြင် မြန်မာနိုင်ငံရဲ့ ကြားကာလပညာရေးကို ပိုမိုပံ့ပိုးပေးနိုင်ဖို့ နွေဦးတက္ကသိုလ်ကနေ စာပေသင်ကြားတာအပြင် CDM ကျောင်းသား၊ ကျောင်းသူများ၊ ဆရာ၊ ဆရာမတွေနဲ့ တခြားသောဝန်ထမ်းတွေအတွက် အကူအညီများ  ပံ့ပိုးပေးနိုင်ဖို့ စီစဉ်နေတယ်လို့ သိရပါတယ်။

6 days Ago

November 17, 2021

CDM ဆရာ၊ ဆရာမများက Grade - 4 အတန်းများ စတင်ဖွင့်လှစ်သင်ကြားပေးနေ

PiTi - Education စင်တာကနေ ပထမဆုံးဖွင့်လှစ်ထားတဲ့ စတုတ္ထတန်း Grade -4  အတန်းခွဲမှ ကျောင်းသား/သူတွေကို CDM ဆရာ/ဆရာမတွေကိုယ်တိုင် စတင်သင်ကြားပေးနေပြီ ဖြစ်ပါတယ်။

ကျောင်းသား ကျောင်းသူတွေကို သင်ကြားပေးတဲ့အခါမှာ သင်ရိုးတခုတည်း သင်ကြားပေးတာ မဟုတ်ဘဲ စိတ်၀င်တစားရှိအောင် Club Activity တွေနဲ့ ၃ လတာလုံး ကျောင်းသား ကျောင်းသူတွေ ပညာလည်း တတ်မြောက်ပြီး ပျော်ပျော်ရွှင်ရွှင်လည်းဖြစ်ရအောင် သင်ကြားပေးမှာ ဖြစ်တယ်လို့  PiTi - Education  စင်တာ တာဝန်ရှိသူတဦးက ပြောပါတယ်။

ကျန်ရှိနေတဲ့ အတန်းခွဲတွေနဲ့ ကျောင်းသားလူငယ်တွေအတွက်  ဒီခေတ်မှာ တက်ထားသင့်တဲ့ ပညာရပ်တွေကို ထပ်မံစီစဥ်ဖွင့်လှစ်ဖို့ ရှိတယ်လို့လည်း သိရပါတယ်။ 

စစ်ကျွန်ပညာ‌ရေးကို သပိတ်မှောက်ပြီး နေအိမ်ကနေ အဆက်မပြတ် လေ့လာသင်ယူလိုတဲ့ ကျောင်းသားကျောင်းသူတွေအတွက် မိဘတွေအနေနဲ့  PiTi - Education မှာ ကလေးတွေကို ကျောင်းအပ်ပြီး CDM ဆရာ၊ ဆရာမတွေကို ထောက်ပံ့နိုင်မှာဖြစ်တယ်လို့လည်း သိရပါတယ်။

2 weeks Ago
More News
Up