CDM ကျောင်းဆရာ

November 26, 2021

မြိုင်မြို့နယ်တွင် CDM ကျောင်းဆရာတစ်ဦးအပါအဝင် ဒေသခံ ၄ ဦး ဖမ်းဆီးခံရ

မကွေးတိုင်း မြိုင်မြို့နယ်မှာ နိုဝင်ဘာ ၂၅ ရက် မနက်ပိုင်းက CDM ပညာရေးဝန်ထမ်း တစ်ယောက်အပါဝင် ဒေသခံ ၄ ယောက်ကို စစ်တပ်က ဖမ်းဆီးသွားတယ်လို့ သိရပါတယ်။

မြိုင်မြို့နယ် ကန်နီကျေးရွာမှာ နိုဝင်ဘာ ၂၅ ရက် မနက် ၁၀ နာရီလောက်က CDM ပညာရေးဝန်ထမ်း ဦးကျော်ခိုင်ဝင်းနဲ့ ဒေသခံ ၃ ယောက်ကို စစ်တပ်က အရပ်ဝတ်တွေနဲ့ လာရောက် ဖမ်းဆီးသွားတာလို့ ဒေသခံတစ်ယောက်က ပြောပါတယ်။

ဖမ်းဆီးသွားသူတွေထဲက CDM ကျောင်းဆရာ ကိုကျော်ခိုင်ဝင်းနဲ့ ဒေသခံ ကိုသန်းဇော်တို ၂ ယောက်ရဲ့ ဖုန်းစစ်ဆေးရာမှာ တော်လှန်ရေးနဲ့ ပတ်သက်တဲ့ အချက်လက်တွေ တွေ့တာကြောင့် မြိုင်ရဲစခန်းကိုခေါ်သွားပြီး ကိုလှိုင်ဝင်းနဲ့ ကိုကျော်စိုးအောင်တို့ နှစ်ယောက်ကိုတော့ ကျေးရွာစာသင်ကျောင်းမှာ ဖမ်းဆီးထားတယ်လို့ ပြောပါတယ်။

အဲဒီကျေးရွာမှာ ပျူစောထီးအင်အားတွေ များပြားပြီး ကျေးရွာစာသင်ကျောင်းမှာလည်း စစ်ကောင်စီက တပ်စွဲထားကာ သတင်ပေးဒလန်တွေကြောင့် အဖမ်းခံရတာလို့ ဆိုပါတယ်။

မြိုင်မြို့နယ်ဟာ စစ်တပ်အာဏာစသိမ်းပြီးကတည်းက ဒီနေ့အချိန်ထိ တော်လှန်ရေးသပိတ် အင်အားကောင်းသလို PDF တပ်ဖွဲ့တွေကလည်း စစ်ကောင်စီတပ်တွေကို လက်နက်ကိုင်ပြီး တော်လှန်တိုက်ခိုက်နေကြတယ်လို့ သိရပါတယ်။

20 hours Ago

November 3, 2021

မတ္တရာက CDM ကျောင်းဆရာတစ်ဦး ဖမ်းဆီးခံရ

မန္တလေးတိုင်း၊ မတ္တရာမြို့နယ်၊ အမှတ် (၄) ရပ်ကွက်မှာ နေထိုင်တဲ့ ကျောင်းဆရာတစ်ဦးကို နိုဝင်ဘာ ၂ ရက် ည ၁၁ နာရီလောက် စစ်ကောင်စီက အင်အားအလုံးအရင်းနဲ့ ဝင်ရောက် ဖမ်းဆီးသွားတယ်လို့ မြို့ခံတွေဆီက သိရပါတယ်။

မြို့ခံတစ်ဦးက “ဆရာက CDM လုပ်ပြီး သပိတ်ကာလမှာတော့ ပါဝင်လှုပ်ရှားခဲ့ဖူးပါတယ်။ သပိတ်ကာလ အလွန်မှာတော့ အိမ်မှာပဲ မိသားစုနဲ့ အေးအေးဆေးဆေး နေထိုင်နေသူ ဖြစ်ပါတယ်။ ဘဝတူ CDM ဆရာ၊ ဆရာမတွေရဲ့ ဘဝရပ်တည်ရေး အဆင်ပြေစေဖို့ CDM တွေရဲ့ ကိုယ်ပိုင်လုပ်ငန်းလေးတွေနဲ့ ချိတ်ဆက်ပြီး ကူညီပေးခဲ့ဖူးတာတော့ ရှိတယ်” လို့  ပြောပါတယ်။

ဖမ်းဆီးခံရသူမှာ ဦးကျော်ဆန်းအောင်ဟာ မတ္တရာမြို့က ဖြစ်ပြီး ချောင်းတော်ဝ(အ.လ.က) မှာ မူလတန်းပြ တာဝန်ထမ်းဆောင်ရင်း CDM ပြုလုပ်ခဲ့တာ ဖြစ်ပါတယ်။

မတ္တရာမြို့နယ်အတွင်းမှာ အောက်တိုဘာ ၉ ရက်နေ့ကလည်း ကျူရှင်ဆရာ ဦးသိန်းဇော်ကို စစ်ကောင်စီက မတရားဖမ်းဆီး သတ်ဖြတ်တာတွေ ပြုလုပ်ခဲ့တဲ့အတွက် CDM ပညာရေးဝန်ထမ်းတွေအနေနဲ့ စိုးရိမ်နေကြပါတယ်။

3 weeks Ago

စဉ့်ကိုင်က CDM အထက်တန်းပြဆရာ ၁ ဦး စစ်ကြောရေးတွင် သေဆုံး

မန္တလေးတိုင်း၊ စဉ့်ကိုင်မြို့နယ်၊ ရွာဘိုကျေးရွာမှာ နေထိုင်ပြီး အာဏာဖီဆန် CDM မှာပါဝင်တဲ့ အထက်တန်းပြ ကျောင်းဆရာ ၁ ဦးဟာ အကြမ်းဖက်စစ်ကောင်စီ ဖမ်းဆီးသွားပြီးနောက် စစ်ကြောရေးစခန်းမှာ နိုဝင်ဘာ ၂ နေ့က သေဆုံးသွားတယ်လို့ သိရပါတယ်။

ဆွေမျိုးနီးစပ်သူတဦးက “နိုဝင်ဘာလ ၁ ရက်နေ့က ဖမ်းသွားပြီး ၂ ရက်နေ့မှာ ဆုံးသွားတယ်တဲ့။ အလောင်းပြန်မပေးဘူး။ ရက်ရက်စက်စက် နှိပ်စက်လို့ ဆုံးသွားတယ်လို့ သိရတယ်။ အလောင်းကို သင်္ဂြိုဟ်ပြီးမှ မိသားစုကို အကြောင်းကြားတယ်” လို့ ပြောပါတယ်။

သေဆုံးသွားသူဟာ စဉ့်ကိုင်မြို့နယ် အခြေခံပညာအထက်တန်းကျောင်းမှာ အထက်တန်းပြကျောင်းဆရာအဖြစ် တာဝန်ထမ်းဆောင်ရင်း အာဏာဖီဆန် CDM လှုပ်ရှားမှုမှာ ပါဝင်လာသူ ဦးဝင်းလွင် ဖြစ်တယ်လို့ သိရပါတယ်။

စစ်ကိုင်းမြို့နယ်လုံးဆိုင်ရာ အခြေခံပညာကျောင်းသားများသမဂ္ဂကလည်း ဆရာဦးဝင်းလွင်ရဲ့ မှန်ကန်ပြင်းပြသော ရပ်တည်ချက်နဲ့ ခံယူချက်၊ တိုင်းပြည်အပေါ် အသက်ပေးဆောင်ရွက်ခဲ့မှုများကို ထပ်လောင်းဂုဏ်ယူအလေးပြုကြောင်း၊ မိသားစုနဲ့ထပ်တူ ဝမ်းနည်းရကြောင်း ထုတ်ပြန်ထားပါတယ်။

3 weeks Ago

ဖမ်းဆီးနှိပ်စက်ခံရပြီး ကျဆုံးခဲ့သည့် စဉ့်ကိုင် CDM ကျောင်းဆရာအပါအဝင် ကျဆုံးပြည်သူ ၁၂၃၃ ဦးရှိလာ

မြန်မာနိုင်ငံမှာ မတရားအာဏာသိမ်းကာလ ၉ လအကြာ အကြမ်းဖက်စစ်တပ် ပစ်ခတ် သတ်ဖြတ်မှုကြောင့် အပြစ်မဲ့ကျဆုံးပြည်သူပေါင်း ၁,၂၃၃ ယောက်ထိ ရှိလာခဲ့တယ်လို့ နိုင် ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)က ထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ နိုဝင်ဘာ ၂ ရက်အထိ အေအေပီပီက ကောက် ယူမှတ်တမ်းပြုစုထားတာဖြစ်ပြီး အမှန်တကယ် ကျဆုံးသူတွေဟာ ဒီထက်ပိုနိုင်တယ်လို့ ဖော်ပြထားပါတယ်။

နွေဦးတော်လှန်ရေးကာလအတွင်း ပြည်သူ ၉၆၂၆ ယောက် ဖမ်းဆီးခံခဲ့ရကာ ၇၀၁၂ ယောက်ကတော့ လက်ရှိချုပ်နှောင်ခံထားရဆဲဖြစ်ပြီး အဲဒီထဲကအယောက် ၃၀၀ ကတော့ ထောင်ဒဏ် ချမှတ်ခံထားရပါတယ်။

ပြစ်ဒဏ်ကျခံရသူတွေထဲက အသက် ၁၈ နှစ်အောက် ကလေး ၂ ယောက်အပါအဝင် ၂၆ ယောက်ကတော့ သေဒဏ်ချမှတ်ခံထားရတယ်လို့ ဆိုပါတယ်။

အမှုဖွင့်ခံထားရပြီး ဖမ်းဝရမ်းထုတ်ခံထားရတဲ့အတွက် တိမ်းရှောင်နေသူ အရေအတွက်က တော့ ၁၉၅၄ ယောက်ရှိနေပြီး သူတို့ထဲက မျက်ကွယ်သေဒဏ်ချမှတ်ခံထားရသူ ၃၉ ယောက်အပါအဝင် ၁၁၈ ယောက်ဟာ မျက်ကွယ်ပြစ်ဒဏ်ချမှတ်ခံထားရကာ  သေဒဏ်ချ မှတ်ခံထားရသူ စုစုပေါင်း ၆၅ ယောက် ရှိခဲ့ပြီဖြစ်ပါတယ်။

မန္တလေးတိုင်းဒေသကြီး၊ စဉ့်ကိုင်မြို့နယ်၊ ရွာဘိုကျေးရွာမှာ နေထိုင်တဲ့ အာဏာဖီဆန်ရေး လှုပ်ရှားမှု(CDM) ပြုလုပ်ထားတဲ့ အ.ထ.က စဉ့်ကိုင်မှ အထက်တန်းပြကျောင်းဆရာ ဦး ဝင်းလွင်ဟာ ဖမ်းဆီးနှိပ်စက်ခံရတာကြောင့် ကျဆုံးသွားခဲ့ကြောင်း သိရှိရပါတယ်။ နိုဝင် ဘာ ၁ ရက်နေ့မနက် ၃ နာရီလောက်က အကြမ်းဖက်စစ်အုပ်စုတပ်ဖွဲ့ဝင်တွေဟာ ဦးဝင်း လွင်အပါအဝင် ရွာသား ၅ ယောက်ကို စစ်ဆေးမေးမြန်းဖို့ရှိတယ်ဆိုကာ ဖမ်းဆီးသွားခဲ့ပြီး အဲဒီနေ့ညနေပိုင်းမှာ ၃ ယောက်ကို ပြန်လည်လွှတ်ပေးခဲ့ကာ ဦးဝင်းလွင်နဲ့ ကျူရှင်ဆရာ ဦးရန်အောင်ဝင်းတို့ကို ဆက်လက် ဖမ်းဆီးထားခဲ့တာပါ။ နောက်တနေ့ နိုဝင်ဘာ ၂ ရက်မ နက် ၇ နာရီလောက်မှာတော့ ဦးဝင်းလွင်ရဲ့ ရုပ်အလောင်းကို လာရောက်ယူဆောင်ဖို့ သူ့ ရဲ့ မိသားစုဆီ အကြောင်းကြားလာခဲ့တယ်လို့ ဆိုပါတယ်။

ဒါ့အပြင် နိုဝင်ဘာ ၁ ရက်နေ့ ညနေပိုင်းက စစ်ကိုင်းတိုင်းဒေသကြီး၊ ခင်ဦးမြို့နယ်၊ သရက် ကန်ကျေးရွာမှ ကိုဖြိုးဝေအောင်၊ ကိုချစ်ကိုနဲ့ ခင်ဦးမြို့၊ မြနန္ဒာရပ်ကွက်မှ ကိုရန်နိုင်တို့ဟာ လယ်အတွင်းရေတင်နေချိန်မှာ ပစ်သတ်ခံခဲ့ရကြောင်း သိရှိရပါတယ်။ အကြမ်းဖက်စစ် အုပ်စု တပ်ဖွဲ့ဝင်တွေနဲ့ ပျူစောထီးအဖွဲ့ဝင်တွေဟာ တာဘောင်ပေါ်က ကားနှစ်စီးနဲ့ ဖြတ်သွားချိန်မှာ အဆိုပါဒေသခံ ၃ ယောက်ကို ပစ်သတ်ခဲ့တာဖြစ်တယ်လို့ ဆိုပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ်ရှားသူ တွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေစတဲ့ နယ်ပယ်အသီးသီးမှ ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခြင်းခံထားရတာတွေနဲ့ ပတ်သက်လို့ နွေဦး တော်လှန်ရေးကာလအတွင်း ကျဆုံးသွားသူတွေရဲ့ အချက်အလက်တွေကို သိရှိပါက အေအေပီပီကို ဆက်သွယ်အသိပေး အကြောင်းကြားနိုင်ပါတယ်။

ဒါ့အပြင် ကျဆုံးအချက်အလက်တွေကို ဖော်ပြပါ [email protected] အီးမေးလ်နဲ့ အဖမ်းအဆီးအချက်အလက်တွေကို [email protected] အီးမေးလ်တွေဆီလည်း တိုက်ရိုက်ပေးပို့ ဆက်သွယ်အကြောင်းကြားနိုင်ကြောင်း အသိပေးထားပါတယ်။

3 weeks Ago
More News
Up