CDM

November 13, 2022

ဖယ်ခုံတွင် စစ်ကောင်စီတပ်သား ၁ ဦး လက်နက်အပြည့်အစုံဖြင့် CDM ပြုလုပ်

ရှမ်းကယားနယ်စပ်  ဖယ်ခုံမြို့ အခြေစိုက် ခမရ ၃၃၆ တွင် တာဝန်ကျနေတဲ့ စစ်ကောင်စီတပ်သား တယောက်ဟာ မိုးဗြဲပြည်သူ့ကာကွယ်ရေးတပ်ဖွဲ့ MBPDF ဆီကို လက်နက်ခဲယမ်းအပြည့်အစုံနဲ့ CDM လုပ်လာတယ်လို့ မိုးဗြဲပြည်သူ့ ကာကွယ်ရေးတပ် (MBPDF) က နိုဝင်ဘာလ ၁၂ ရက် ညက  ထုတ်ပြန်ပါတယ်။ 

CDM လုပ်လာတဲ့ တပ်သားဟာ တပ်မ ၅၅ အခြေစိုက် ခမရ ၅၁၁ မှ ကိုယ်ပိုင်နံပါတ် တ-၅၆၅၅၉၀ တပ်သား တင်ဝင်းဖြစ်ပြီး  နိုဝင်ဘာ ၉ ရက်နေ့က မိုးဗြဲပြည်သူ့ကာကွယ်ရေးတပ် (MBPDF) ၁၀၀၁ တပ်ရင်း၊ တပ်ခွဲ ၂ သိန်းငှက်တပ်ခွဲဆီ ချိတ်ဆက်ပြီး လက်နက်ခဲယမ်းအပြည့်အစုံနဲ့ ပြည်သူ့ရင်ခွင်ခိုလှုံခဲ့တာလို့ သိရပါတယ်။ 

ပြည်သူ့ရင်ခွင်ကို ခိုလှုံလာတဲ့ တပ်သား တင်၀င်းက  “ကျနော် စစ်တပ်ထဲ၀င်လာတာ ၂ နှစ်ခွဲလောက်ရှိပြီ။ ဖယ်ခုံအခြေစိုက် ခမရ ၃၃၆ ကို ရောက်လာတာ ၉ လကျော်ရှိပါပြီ။ အထက်ကဗိုလ်တွေရဲ့ လုပ်ဆောင်ချက်တွေ၊ စနစ်ဆိုးတွေကို မကြိုက်နှစ်သက်ခဲ့ပါဘူး။ တပ်ထဲမှာ ဖိနှိပ်ချုပ်ချယ်မှုများ၊ ပျက်စီးယိုယွင်းမှုများ မြောက်မြားစွာရှိနေတာကြောင့်  ပြည်သူ့ရင်ခွင်ကို ခိုလှုံရန်ဆုံးဖြတ်ခဲ့တာပါ” ဆိုတဲ့ ပြောဆိုချက်ကို ထုတ်ပြန်ချက်မှာ ဖော်ပြထားပါတယ်။ 

ပြည်သူ့ရင်ခွင်ခိုလှုံလာတဲ့ CDM တပ်သား တင်၀င်းကို မိုးဗြဲပြည်သူ့ကာကွယ်ရေးတပ် (MBPDF) ၁၀၀၁ တပ်ရင်းက ဆုငွေ ကျပ်သိန်း ၂၀ နဲ့ ပြည်သူ့သားကောင်းအဖွဲ့မှ ဆုငွေ သိန်း ၂၀ ကျပ်တိတိကို ပေးအပ်ချီးမြင့်ခဲ့တယ်လို့ သိရပါတယ်။

အောက်တိုဘာလကလည်း မိုးဗြဲမြို့မှာ တာဝန်ကျနေတဲ့ စစ်ကောင်စီတပ်သား ၃ ဦး မိုးဗြဲပြည်သူ့ကာကွယ်ရေးတပ်ဖွဲ့တပ်ရင်း ၂ ဆီကို CDM ပြုလုပ်ခဲ့ကြပါတယ်။

2 weeks Ago

October 19, 2022

ထားဝယ်ပညာရေးဒီဂရီကောလိပ် ကျောင်းသား ၁ ဦးကို စစ်ကောင်စီတပ် ဖမ်းဆီး

တနင်္သာရီတိုင်း၊ ထားဝယ်ပညာရေးဒီဂရီကောလိပ် ကျောင်းသား ကိုဟိန်းထက်စံကို အောက်တိုဘာ ၁၇ ရက် ညမှာ စစ်ကောင်စီတပ်က ဖမ်းဆီးခဲ့တယ်လို့ ထားဝယ်ပညာရေးဒီဂရီကောလိပ် ကျောင်းသားတယောက်က ပြောပါတယ်။

အသက် ၂၀ အရွယ် ကိုဟိန်းထက်စံကို တနင်္သာရီတိုင်း၊ ထားဝယ်မြို့၊ ဗျောတောဝရပ်ကွက်က နေအိမ်မှာပဲ စစ်ကောင်စီတပ်က ဖမ်းဆီးသွားတာလို့ ဆိုပါတယ်။

“၁၇ ရက် ညပိုင်း အိမ်မှာရှိနေတုန်း လာဖမ်းသွားတာပဲ။ ဘာအကြောင်းပြချက်နဲ့ ဖမ်းတယ်ဆိုတာတော့ မသိရသေးဘူး။”

ကိုဟိန်းထက်စံဟာ ထားဝယ်ပညာရေးဒီဂရီကောလိပ် ၂၃ /သိပ္ပံတန်းခွဲမှာ တက်ရောက်နေသူ ဖြစ်ပြီး အာဏာသိမ်းပြီးနောက် အကြမ်းမဖက် အာဏာဖီဆန်ရေး CDM လှုပ်ရှားမှုမှာ ပါဝင်ကာ ကျောင်းမတက်ဘဲ သပိတ်မှောက်ထားတဲ့ ကျောင်းသားတယောက် ဖြစ်ပါတယ်။

ထားဝယ်ခရိုင်မှာ စက်တင်ဘာလအတွင်း ထားဝယ်ခရိုင်လူငယ်များ တော်လှန်ရေးလှုပ်ရှားမှု သပိတ်ကော်မတီဝင် ၂ ယောက်နဲ့ ထားဝယ်နည်းပညာတက္ကသိုလ်ကျောင်းသား ၂ ယောက် အပါအဝင် လူငယ် ၁၀ ယောက်နီးပါး စစ်ကောင်စီဖမ်းဆီးတာ ခံခဲ့ရပါတယ်။

အဖမ်းခံရတဲ့ ဖြစ်စဉ်အများစုဟာ လမ်းက စစ်ဆေးရေးဂိတ်တွေမှာ ဖုန်းစစ်ဆေးခံရပြီး ဖမ်းဆီးခံရတာနဲ့ ဖမ်းဆီးခံထားရတဲ့သူရဲ့ ဖုန်းကနေ နောက်ယောင်ခံလိုက်ပြီး အမည်စာရင်းနဲ့ အတိအကျ လာဖမ်းခံရတဲ့ ဖြစ်စဉ်တွေ ဖြစ်တယ်လို့ ဖမ်းဆီးခံထားရသူတွေရဲ့ မိသားစုဝင်တွေက ပြောပါတယ်။

1 month Ago
More News
Up