CDF-မင်းတပ်

August 24, 2021

CDF-မင်းတပ်နှင့် CDF-ကန်ပက်လက် အပါအဝင် မဟာမိတ် ၄ ဖွဲ့ ပူးပေါင်း

အကြမ်းဖက် အာဏာသိမ်းစစ်ကောင်စီကို အမြစ်ဖြတ်တွန်းလှန်ဖို့ ချင်းပြည်ကာကွယ်‌ရေးတပ်တွေ ဖြစ်ကြတဲ့ CDF-မင်းတပ်နဲ့ CDF-ကန်ပက်လက်အဖွဲ့တွေအပါအဝင် ညီနောင်မဟာမိတ် ၄ ဖွဲ့ ပူးပေါင်းလိုက်တယ်လို့ ဩဂုတ် ၂၄ ရက်မှာ ကြေညာပါတယ်။

ဒါကြောင့်မို့ နွေဦးတော်လှန်ရေးမှာ ရှေ့ဆက်လုပ်ငန်းစဉ်တွေ ပူးပေါင်းဆောင်ရွက် သွားကြမယ့် ညီနောင်မဟာမိတ် ၄ ဖွဲ့မှာတော့ CDF-မင်းတပ်၊ CDF-ကန် ပက်လက်အဖွဲ့ တွေနဲ့အတူ CNO(ဖလမ်းနဲ့ကလေး-ကဘော်)၊ ဇိုမီးဖက်ဒရယ်ယူနီယံ(ZFU)တို့ ပါဝင်လာ ခဲ့တာပါ။

         ညီနောင်မဟာမိတ် ၄ ဖွဲ့ဟာ ဘယ်လက်နက်ကိုင်အဖွဲ့အစည်းရဲ့ လက်အောက်ခံမှ မဟုတ်ဘဲ လွတ်လပ်ပြီး ဖက်ဒရယ်ဒီမိုကရေစီပြည်ထောင်စုတည်ဆောက်ရေးအတွက် ခိုင်မာတိကျတဲ့ နိုင်ငံရေးရည်မှန်းချက်တွေ ရှိကြတဲ့ အဖွဲ့အစည်းတွေ ဖြစ်တယ်လို့ ဆိုပါတယ်။

မြန်မာနိုင်ငံမှာ ပြီးခဲ့တဲ့ ဖေဖော်ဝါရီ ၁ ရက်နေ့က စတင်ကာ အကြမ်းဖက်စစ်အုပ်စုက မတရားအာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၇ လနီးပါး ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီးထောင်ချခံရသူတွေနဲ့အတူ နိုင်ငံအဝန်း တောရောမြို့ပါမကျန် ဒေသခံပြည်သူ့ကာ ကွယ်ရေးတပ်တွေနဲ့ စစ်ကောင်စီတပ်တွေကြားတိုက်ပွဲတွေလည်း ပြင်းထန်နေတာပါ။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) ရဲ့ ထုတ် ပြန်ချက်အရ လတ်တလောအချိန်ထိ အာဏာသိမ်းစစ်ကောင်စီတပ်ရဲ့ ပစ်ခတ်သတ်ဖြတ် မှုကြောင့် အပြစ်မဲ့ကျဆုံးပြည်သူ ၁,၀၀၀ ကျော်၊ ဖမ်းဆီးထိန်းသိမ်းခံခဲ့ရသူပေါင်း ၇,၄၀၀ ကျော်ထိ ရှိခဲ့တယ်လို့ ဆိုပါတယ်။

3 months Ago

August 19, 2021

CDF-မင်းတပ်နှင့် တိုက်ပွဲဖြစ်ပြီး စစ်ကောင်စီတပ်သား ၂၀ ကျော်သေဆုံး

ချင်းပြည်နယ်တောင်ပိုင်း၊ မင်းတပ်မြို့နယ်မှာ စစ်ကောင်စီတပ်တွေနဲ့  ၄ ရက်ကြာ တိုက်ပွဲဖြစ်ပွားပြီး  စစ်ကောင်စီတပ်သား ၂၀ ကျော်သေဆုံးကာ မင်းတပ်အနီးရှိ   ၁၆ မိုင်စခန်းကို ပြန်လည် သိမ်းပိုက်နိုင်ခဲ့တယ်လို့ CDF မင်းတပ်တပ်ဖွဲ့က  သြဂုတ် ၁၈ ရက် ညပိုင်းက ကြေညာပါတယ်။

စစ်ကောင်စီတပ်တွေဟာ လူသူလက်နက်အင်အား အလုံးအရင်းနဲ့ စစ်မျက်နှာခွဲကာ ထိုးစစ်ဆင်လာတာဖြစ်ပြီးတော့ အခက်ခဲအကျပ်တည်းတွေကြားထဲက CDF မင်းတပ်ရဲ့ အစဥ်လာအတိုင်း အောင်ပွဲရရှိခဲ့တာလို့ ဆိုပါတယ်။

ပြီးခဲ့တဲ့ ၄ ရက်တာတိုင်ပွဲအတွင်းမှာ စစ်ကောင်စီဘက်က အနည်းဆုံး ၂၀ ကျော်ကျဆုံးပြီး အများအပြား ဒဏ်ရာရရှိကာ ဆုတ်ခွာသွားပြီးတော့ CDF ဘက်က ကျဆုံးတာမရှိဘူးလို့ ထုတ်ပြန်ထားပါတယ်။

မင်းတပ်မြို့နယ်ထဲမှာ သြဂုတ် ၁၃ ရက်ကစပြီး တစ်ကျော့ပြန်တိုက်ပွဲတွေပြန်ဖြစ်နေပြီး စစ်ကောင်စီတပ်တွေ ခြေကုပ်ယူထားတဲ့ မင်းတပ်-မတူပီကားလမ်းအနီး မင်းတပ်မြို့နဲ့ ၁၆ မိုင်အကွာမှာရှိတဲ့ စစ်ကောင်စီရဲ့ တပ်စခန်းကို သိမ်းပိုက်နိုင်ခဲ့တာလို့ မင်းတပ် မြို့ခံတစ်ယောက်က ပြောပါတယ်။

CDF မင်းတပ်နဲ့ စစ်ကောင်စီတပ်တွေ တိုက်ပွဲတွေဖြစ်ပွားတာကြောင့် ဒေသခံပြည်သူတွေဟာ ဘေးလွတ်ရာကို ထွက်ပြေးနေရပြီးတော့ မိုးရာသီကာလ ဖြစ်တာကြောင့် မိုးကာ ၊ အစားအသောက်ရိက္ခာနဲ့ ဆေးဝါး အကူညီတွေလိုအပ်နေတယ်လို့ ဆိုပါတယ်။

ချင်းပြည်နယ်၊ ဖလမ်းမြို့နယ်ထဲမှာလည်း ဩဂုတ် ၁၅ ရက်နေ့အထိ တိုက်ပွဲတွေအတွင်း စစ်ကောင်စီတပ်သား အယောက် ၄၀ နီးပါး သေဆုံးခဲ့တယ်လို့ ချင်းပြည် ကာကွယ်ရေးတပ်ဖွဲ့ (CDF) က ထုတ်ပြန်ပါတယ်။

စစ်ကောင်စီတပ်တွေဟာ ပြီးခဲ့တဲ့ ဇူလိုင် ၁ ရက်က စတင်ကာ ဖလမ်းမြို့နယ်အတွင်း လက်နက်ကြီးတွေနဲ့ ထိုးစစ်ဆင်တိုက်ခိုက်ခဲ့တာဖြစ်ပြီး CNDF နဲ့ မဟာမိတ်တပ်ဖွဲ့ ကလေး PDF တို့ ပူးပေါင်းကာ ခုခံတိုက်ခိုက်ခဲ့ကြရာမှာ စစ်ကောင်စီဘက်က ၄ ယောက် သေဆုံးခဲ့တယ်လို့ ဆိုပါတယ်။

အဲဒီနောက် ဇူလိုင် ၂၁ ရက်ကနေ ၂၉ ရက်နေ့အထိ ၈ ရက်အတွင်း ဖလမ်းမြို့နယ်က ဖလမ်း-ဟားခါးလမ်းမပေါ်မှာ စစ်တပ်က လက်နက်ကြီး၊ လက်နက်ငယ်တွေနဲ့ ထပ်မံထိုးစစ်ဆင်တိုက်ခိုက်ခဲ့ချိန်မှာ CNDF နဲ့ တခြားမြို့နယ် CDF တွေ ပူးပေါင်းကာ ပြန်လည်ခုခံတိုက်ခိုက်ခဲ့ကြပြီး စစ်ကောင်စီဘက်က ၁၅ ယောက်လောက် သေဆုံးပြီး ၂၀ ကျော် ဒဏ်ရာရခဲ့တယ်လို့ ဆိုပါတယ်။

ဒါ့အပြင် ဩဂုတ် ၁ ရက်မှ ၁၅ ရက်အတွင်း ဖလမ်း-ဟားခါးလမ်းမပေါ်မှာ  စစ်ကောင်စီတပ်တွေက လက်နက်ကြီး၊ လက်နက်ငယ်တွေနဲ့ ထပ်မံပစ်ခတ်တိုက်ခိုက်ခဲ့ကြပြီး CNDF နဲ့ တခြားမြို့နယ် CDF တွေပူးပေါင်းကာ ပြန်လည်ခုခံတိုက်ခိုက်ခဲ့ကြရာမှာ စစ်ကောင်စီဘက်က အယောက် ၂၀ နီးပါး သေဆုံးမယ်လို့ ခန့်မှန်းရပြီး ၁၀ ယောက်ကျော် ထိခိုက်ဒဏ်ရာတွေ ရရှိခဲ့ကြတယ်လို့ ဆိုပါတယ်။

အဆိုပါ တိုက်ပွဲတွေအတွင်းမှာတော့ CNDF နဲ့အတူ မဟာမိတ်တပ်ဖွဲ့တွေဖြစ်တဲ့ ကလေး PDF နဲ့ တခြားမြို့နယ် CDF တွေဘက်က ထိခိုက်ဒဏ်ရာရရှိမှု မရှိခဲ့ကြဘူးလို့ ထုတ်ပြန်ချက်မှာ ဖော်ပြထားပါတယ်။

အဆိုပါ တိုက်ပွဲတွေနဲ့ ထိခိုက်သေဆုံးမှု အခြေအနေတွေနဲ့ ပတ်သက်လို့ စစ်ကောင်စီဘက်က တော့ သတင်းထုတ်ပြန်ခြင်းမရှိသေးပါဘူး။

4 months Ago
Up