CDF

January 22, 2023

မတူပီတိုက်ပွဲတွင် စစ်ကောင်စီတပ်က ၉ ဦးသေဆုံး

ချင်းပြည်နယ် မတူပီမြို့နယ်မှာ ဇန်နဝါရီ ၂၁ ရက်နေ့ မနက်ကနေ ညနေအထိ နေရာ ၅ ခုမှာ စစ်ကောင်စီတပ်နဲ့ CDF ပူးပေါင်းတပ်ဖွဲ့တွေနဲ့ တိုက်ပွဲဖြစ်ပွားပြီး စစ်ကောင်စီဘက်က ၉ ယောက်သေဆုံးကာ ၅ ယောက်ထက်မနည်း ဒဏ်ရာရရှိခဲ့တယ်လို့ သိရပါတယ်။

မတူပီ-မင်းတပ်ကားလမ်းပေါ်က စစ်ကောင်စီရဲ့ ကာကင်းစခန်းကို ဇန်နဝါရီ ၂၁ ရက်နေ့မနက် ၈ နာရီခွဲလောက်မှာ ဝင်ရောက်စီးနင်းခဲ့ပြီး စစ်ကူလာတဲ့ စစ်ကြောင်းကိုလည်း ကြားဖြတ်တိုက်ခိုက်ခဲ့တယ်လို့ CDF မတူပီရဲ့ ပြန်ကြားရေးတာဝန်ခံ ဆလိုင်းချင်းက ဒီဗွီဘီကို ပြောပါတယ်။

မတူပီ-ဟားခါးလမ်းပေါ်က CDF မတူပီ တပ်ရင်း ၂ ထိန်းချုပ်နယ်မြေမှာလည်း စစ်ကောင်စီတပ်သားတွေကို ဇန်နဝါရီ ၂၁ ရက်နေ့ မွန်းလွဲ ၂ နာရီကနေ ၄ နာရီလောက်အထိ CDF ပူးပေါင်းတပ်ဖွဲ့တွေက ငလိုင်နဲ့ ခရိုင်ထွေအုပ်ရုံးကြားမှာ တကြိမ်၊ ခရိုင်ထွေအုပ်ရုံးနဲ့ အိုးအိမ်ကုန်းထိပ်မှာ တကြိမ်၊ ဖနိုင်ရွာ ဘုန်းကြီးကျောင်းမှာတကြိမ် တိုက်ခိုက်ခဲ့ကြတာလို့ ဆိုပါတယ်။

အဲဒီတိုက်ပွဲကို CDF-မတူပီ၊ CDF-မရာနဲ့ CDF-Zotung တို့ ပူးပေါင်းတိုက်ခိုက်ခဲ့တာဖြစ်ပြီး စစ်ကောင်စီဘက်က ၉ ယောက်သေဆုံးကာ ၅ ယောက်ထက်မနည်း ဒဏ်ရာရရှိသွားပြီး MA1 သေနတ်တလက် သိမ်းဆည်းနိုင်ခဲ့တယ်လို့ ဆိုပါတယ်။

 CDF ပူးပေါင်းတပ်ဖွဲ့ ရဲဘော်တွေကတော့ ထိခိုက်မှုမရှိဘဲ ဆုတ်ခွာနိုင်ခဲ့တယ်လို့ ဆိုပါတယ်။

မတူပီမြို့နယ်မှာ ဇန်နဝါရီ ၁၅ ရက်နေ့မနက်ကလည်း စစ်ကောင်စီစစ်ကြောင်းက CDF-မတူပီ

ရဲ့  စခန်းတခုကို ဝင်ရောက်စီးနင်းခဲ့လို့ စစ်ကောင်စီတပ်နဲ့ CDF-မတူပီတို့ တိုက်ပွဲဖြစ်ပွားပြီး စစ်ကောင်စီဘက်က တယောက်နဲ့ CDF ရဲဘော်တယောက် ကျဆုံးကာ လက်နက်ခဲယမ်းတွေနဲ့ ငွေကြေးတွေ ဆုံးရှုံးခဲ့ရတယ်လို့ သိရပါတယ်။

တိုက်ပွဲဖြစ်စဉ်တွေမှာ စစ်ကောင်စီဘက်က ထိခိုက်သေဆုံးတဲ့အခြေနေကို‌ ဒီဗွီဘီက သီးခြားအတည်မပြုနိုင်သေးသလို စစ်ကောင်စီဘက်ကလည်း သတင်းထုတ်ပြန်ထားတာ မတွေ့ရသေးပါဘူး။

5 days Ago

January 4, 2023

စစ်ကောင်စီ ခြေမြန်တပ်ရင်းဂိတ်တခုကို CDF မတူပီက ဝင်ရောက်ပစ်ခတ်

ဇန်နဝါရီ ၄ ရက် လွတ်လပ်ရေးနေ့ညနေပိုင်းက မတူပီ-ပလက်ဝလမ်းမှာ အခြေစိုက်တဲ့ အကြမ်းဖက်စစ်ကောင်စီ ခြေမြန်တပ်ရင်း ခမရ ၃၀၄ ဂိတ်ကို CDF-မတူပီက ဝင်ရောက်ပစ်ခတ်ခဲ့တာကြောင့် စစ်ကောင်စီ ဘက်က ၁ ယောက်သေဆုံးပြီး ၁ ယောက် ထိခိုက်ဒဏ်ရာရရှိခဲ့တယ်လို့ ထုတ်ပြန်ပါတယ်။

အကြမ်းဖက်စစ်ကောင်စီတပ်တွေဟာ အခုည ၈ နာရီအချိန်ထိ လက်နက်ကြီး အများအပြားနဲ့ ရမ်းသမ်းပစ်ခတ်ခဲ့ကြပြီး CDF-မတူပီဘက်ကတော့ အထိအခိုက်မရှိ ဆုတ်ခွာနိုင်ခဲ့တယ်လို့ ဆိုပါတယ်။

လတ်တလောမှာတော့ အာဏာသိမ်းစစ်အုပ်စုရဲ့ ပြည်သူလူထုအပေါ် အကြမ်းဖက် ဖိနှိပ်ဖမ်းဆီး တိုက်ခိုက်သတ်ဖြတ်နေမှုတွေကို ပြည်သူတရပ်လုံးက အသက်ရှင်သန်ရေးအတွက် ခုခံကာကွယ်ပိုင်ခွင့်အရ ပြည်သူ့ ခုခံစစ်ကို ဆင်နွှဲနေကြတာဖြစ်ပြီး ချင်းပြည်နယ်ကတော့ မြန်မာ့နွေဦးတော်လှန်ရေးမှာ အကြမ်းဖက်စစ်အုပ်စုကို ရိုးရာတူးမီးသေနတ်နဲ့ စတင်တော်လှန်ခဲ့တဲ့ ဒေသတခု ဖြစ်ပါတယ်။

အမျိုးသားညီညွတ်ရေးအစိုးရ (NUG) က နောက်ဆုံးထုတ်ပြန်ချက်အရ လတ်တလောမှာတော့ စစ်ကောင်စီရဲ့ အဆိုးဆုံး အကြမ်းဖက်ခံခဲ့ရတဲ့ စစ်ကိုင်းတိုင်းနဲ့ မကွေးတိုင်းထဲက မြန်မာပြည် အထက်ပိုင်းလမ်းပိုင်း တွေရဲ့ ၉၀ ရာခိုင်နှုန်းကို PDF တွေက ထိန်းချုပ်ထားနိုင်ပြီလို့ NUG အစိုးရက ဇွန် ၂၁ ရက်နေ့ သတင်းစာရှင်းလင်းပွဲမှာ ပြောထားပြီး လက်ရှိ မြေပြင်မှာ အကြမ်းဖက်ခံနေရတဲ့ ကျေးရွာတွေဟာ စစ်ကောင်စီနဲ့ PDF တွေ နှစ်ဖက်စလုံး မထိန်းချုပ်နိုင်သေးတဲ့ ကြားနယ်မြေတွေ ဖြစ်တယ်လို့ ဆိုပါတယ်။

ဒါ့အပြင် ပြည်သူ့ခုခံတွန်းလှန်စစ် ၁ နှစ်တာ ကာလအတွင်း စစ်ကောင်စီတပ်သား ၁၅,၀၀၀ နီးပါး သေဆုံးခဲ့ပြီး ထိခိုက်ဒဏ်ရာရသူ အယောက် ၄,၈၀၀ ကျော်ထိ ရှိခဲ့တယ်လို့ NUG အစိုးရ ကာကွယ်ရေး ဝန်ကြီးဌာန က ထုတ်ပြန်ထားပါတယ်။

မြန်မာပြည်အနှံ့ တိုက်ပွဲတွေမှာ တပ်ဖွဲ့ဝင်တွေ သေဆုံးဒဏ်ရာရမှု အခြေအနေနဲ့ ပတ်သက်လို့ အကြမ်းဖက်စစ်ကောင်စီဘက်ကတော့ သတင်းထုတ်ပြန်တာ မရှိပါဘူး။

https://www.facebook.com/103858468657701/photos/a.108073971569484/220081720368708/
3 weeks Ago
More News
Up