BPDF

November 29, 2022

ဘောလခဲတွင် စနိုက်ပါဖြင့် ပစ်ခတ်ခံရပြီး စစ်ကောင်စီတပ်သား ၁ ဦးသေ၊ ၂ ဦး ဒဏ်ရာရ

ကယား (ကရင်နီ) ပြည်နယ်၊ ဘောလခဲခရိုင်ရှိ ထူးချောင်းစစ်ကောင်စီတပ်စခန်းမှ တပ်သားတယောက် စနိုက်ပါနဲ့ ပစ်ခတ်ခံရပြီး သေဆုံးကာ နှစ်ယောက် အပြင်းအထန် ဒဏ်ရာရရှိတယ်လို့ ကရင်နီတော်လှန်ရေးတပ်စု (KRU) က ထုတ်ပြန်ပါတယ်။

နိုဝင်ဘာ ၂၇ ရက်က ကရင်နီတော်လှန်ရေးတပ်ပေါင်းစု (KRU) နဲ့ ဘောလခဲ ပြည်သူ့ကာကွယ်ရေးတပ် (BPDF) တပ်ရင်း-၁၁၀၅ တို့က စနိုက်ပါမစ်ရှင် ဖော်ဆောင်ပြီး ထူးချောင်းစစ်ကောင်စီစခန်းကို စနိုက်ပါနဲ့ သွားရောက်ပစ်ခတ်ခဲ့တာလို့ဆိုပါတယ်။

ဒါ့အပြင် နိုဝင်ဘာ ၁၈ ရက်ကလည်း ဒီးမော့ဆိုမြို့ ကုန်းသာကျေးရွာအတွင်း ဖြတ်သန်းသွားတဲ့ လက်နက်ခဲယမ်းတွေနဲ့ စားနပ်ရိက္ခာတွေ တင်ဆောင်လာတဲ့ စစ်ကောင်စီ ယာဉ် ၃ စီးကို ကရင်နီတော်လှန်ရေးတပ်ပေါင်းစု (KRU) က မိုင်းဆွဲတိုက်ခိုက်ခဲ့လို့ စစ်ကောင်စီတပ်သား ၃ ဦး သေဆုံးပြီး ကားတစီး ပျက်စီးသွားတယ်လို့ KRU တာဝန်ရှိသူဆီက သိရပါတယ်။

ကရင်နီတော်လှန်ရေးတပ်ပေါင်းစု (KRU) ဟာ ကရင်နီပြည်နယ်အတွင်းရှိ ကွဲပြားနေတဲ့ K.D.F၊ JPDF၊ GZ 21၊ KOIKAW MEDIC UNIT DMO  စတဲ့ တော်လှန်ရေးအင်အားစုတွေကို စုစည်းထားတာဖြစ်ပြီး ရှမ်းပြည် (တောင်ပိုင်း) ဒေသခံ တော်လှန်ရေးတပ်ပေါင်းစု (S.S.L.R.U) နဲ့လည်း ပြီးခဲ့တဲ့ရက်ပိုင်းက ပူးပေါင်း မဟာမိတ် ဖွဲ့စည်းခဲ့ပါတယ်။

2 months Ago

November 10, 2021

ဘုတလင်မြို့အတွင်း မိုင်တဲလ်တာဝါတိုင် ၃ တိုင် ဖျက်ဆီးခံရ

ဘုတလင်မြို့နယ်အတွင်း မိုင်တဲလ်တာဝါတိုင် ၃ တိုင်ကို နိုဝင်ဘာ ၉ ရက်နေ့ ည ၁၀ နာရီကျော်အချိန်က ‌မိုင်းထောင် ဖျက်ဆီးတာတွေ ရှိခဲ့တယ်လို့ ဒေသခံတွေက ပြောပါတယ်။

“ကျနော်တို့ လွဲတဲကျေးရွာအနီးမှာ တစ်တိုင်၊ ဘုတလင်မြို့ဘေးက တစ်တိုင်နဲ့ တောင်ကလပ် ကျောင်းအနီးက တစ်တိုင်စ စုစုပေါင်း ၃ တိုင်ပေါ့။ ကျနော်တို့ ဘုတလင်ပြည်သူကာကွယ်ရေး တပ်တွေက ဖျက်ဆီးခဲ့တယ်။ ဘာကြောင့် အခုလို ဖျက်ဆီးရတာလဲဆိုတော့ ဒီမိုင်တဲလ်က စီးပွားရေး အမြတ်ထုတ်လို့ဗျ။ ဘယ်လိုအမြတ်ထုတ်တာလဲဆိုတော့ အခြားဆက်သွယ်ရေးတွေကြတော့ အက်တာနက်လိုင်းတွေ ဖြတ်တယ်။ သူတို့မိုင်တဲလ်ကြတော့ အင်တာနက်လိုင်းတွေဖွင့်ထားပြီး စီးပွားရေးအမြတ်ထုတ်လို့ အခုလိုဖျက်ဆီးရတာ” လို့ ဘုတလင်ပြည်သူ့ကာကွယ်ရေးတပ် BPDF ရဲ့ ပြောခွင့်ရတာဝန်ရှိသူက ပြောပါတယ်။

ဘုတလင်မြို့နယ်အတွင်း စစ်ကောင်စီတပ်တွေကို ဘုတလင်ပြည်သူ့ကာကွယ်ရေး အင်အားစုတွေနဲ့ မဟာမိတ်တပ်တွေက မိုင်းဆွဲတိုက်ခိုက်တာတွေ လုပ်ဆောင်နေတာတွေရှိသလို စစ်ကောင်စီဘက်မှာလည်း အထိအခိုက်အကျအဆုံးများစွာ ရှိနေတယ်လို့ ဒေသခံတွေက ပြောပါတယ်။

1 year Ago
Up