Apple ကုမ္ပဏီ

January 30, 2022

Apple ကုမ္ပဏီ ၃ လအတွင်း စံချိန်တင်အမြတ်ငွေ ဒေါ်လာ ၁၂၄ ဘီလီယံ ရရှိ

တကမ္ဘာလုံးမှာ computer chip ပြတ်လပ်မှုကြုံနေရပေမဲ့၊ Apple မာလ်တီနည်းပညာ ကုမ္ပဏီကြီးဟာ နှစ်သစ်ကူးကာလ အပါအဝင် ပြီးခဲ့တဲ့သုံးလပတ်အတွင်း ရောင်းအား စံချိန်တင် မြင့်မားခဲ့ပြီး အသားတင်အမြတ်ငွေ ဒေါ်လာ ၁၂၄ ဘီလီယံနီးပါး ရရှိခဲ့တယ်လို့ ရိုက်တာသတင်းက ဖော်ပြပါတယ်။

တကမ္ဘာလုံး ကိုဗစ်ကပ်ဘေးကြောင့် iPhone ထုတ်လုပ်တဲ့စက်ရုံတွေ ပိတ်ရမယ့်ပြဿနာကို အကောင်းဆုံးကိုင်တွယ်နိုင်ခဲ့ပြီး၊ သယ်ယူပို့ဆောင်ရေး ကြန့်ကြာမှုကိုလည်း တခြားပြိုင်ဘက် ကုမ္ပဏီတွေထက် သာလွန်အောင်  စီမံနိုင်ခဲ့တယ်လို့ ဆိုပါတယ်။

ပြီးခဲ့တဲ့ ၆ နှစ်အတွင်း iPhone တွေဟာ တရုတ်မှာ ရောင်းအားအမြင့်ဆုံး ဖြစ်ခဲ့တာပါ။ Apple ကုမ္ပဏီဟာ ကွန်ပျူတာ၊  မိုလ်ဘိုင်း၊ တီဗီ၊ ဂီတ အပါအဝင် နည်းပညာပစ္စည်းပေါင်းစုံ တကမ္ဘာလုံးကို ရောင်းချနေပြီး၊ ပုံမှန် မှာယူအားပေးသူ subscriber သန်း ၈၀၀ နီးပါး ရှိနေတာပါ။

Apple ဟာ ဈေးကွက်တန်ဖိုး ဒေါ်လာ ၃ ထရီလီယံ တန်ကြေးရှိ  ကမ္ဘာ့ပထမဆုံးကုမ္ပဏီ ဖြစ်လာပြီး ပြီးခဲ့တဲ့ ၁၆ လအတွင်း တန်ဖိုး ဒေါ်လာ ၁  ဘီလီယံ ခုန်တက်ခဲ့တာပါ။

6 months Ago

March 26, 2020

ကိုရိုနာဗိုင်းရပ်စ် ကာကွယ်ရန် မျက်နှာဖုံး ၁၀ သန်း အမေရိကန်ကို Apple ကုမ္ပဏီ လှူဒါန်း

Apple ကုမ္ပဏီဟာ အမေရိကန် ကျန်းမာရေးဝန်ထမ်းတွေအတွက် ကိုရိုနာဗိုင်းရပ်စ် ကာကွယ်ဖို့ မျက်နှာဖုံး ၁၀ သန်း ဝယ်ယူလှူဒါန်းထားတယ်လို့ ကုမ္ပဏီရဲ့ စီအီးအို တင်မ်ကွတ်ခ်က မတ်လ ၂၅ ရက်မှာ ထုတ်ပြောလိုက်ပါတယ်။  ဒီသတင်းကို စီအီးအိုတင်မ်ကွတ်က သူ့ရဲ့ တွစ်တာစာမျက်နှာကနေ တိုက်ရိုက်ဗွီဒီယို ထုတ်လွှင့်ကြေညာခဲ့တာပါ။  အမေရိကန်ပြည်ထောင်စုမှာ အခုအခါ ကိုရိုနာဗိုင်းရပ်စ် ကူးစက်ခံရမှုနှုန်း များလာတာမို့ ဆေးရုံလုပ်သားတွေနဲ့ အခြားကျန်းမာရေးစောင့်ရှောက်မှု ဝန်ထမ်းတွေကြား မျက်နှာဖုံးတွေ မလုံလောက်ဘဲ ပြတ်လပ်နေပါတယ်။  ကိုရိုနာဗိုင်းရပ်စ် ထိန်းချုပ်ရေးနဲ့ ကုသရေးမှာ ပါဝင်တဲ့ လုပ်သားတွေဟာ မျက်နှာဖုံးတွေ၊ လက်အိတ်တွေ၊ ဝတ်ရုံ၊ မျက်နှာကာတွေနဲ့ အခြား အသုံးအဆောင်တွေ လိုအပ်နေပါတယ်။  အမေရိကန် ပြည်ထောင်စုမှာ မတ် ၂၆ မွန်းလွဲပိုင်းအထိ ကိုရိုနာဗိုင်းရပ်စ် ကူးစက်ခံရသူပေါင်း အနည်းဆုံး ၆၈၄၈၉ ရှိ၊ သေဆုံးသူ ၁၀၃၂ ဦး ရှိသွားပြီလို့ သိရပါတယ်။
2 years Ago
Up