ရုရှားအဏုမြူဗုံးကြဲလေယာဉ်များအနီး အမေရိကန်တိုက်လေယာဉ် ၂ စင်း ကြားဖြတ်ပျံသန်း

April 19, 2017

ရုရှားအဏုမြူဗုံးကြဲလေယာဉ်များအနီး အမေရိကန်တိုက်လေယာဉ် ၂ စင်း ကြားဖြတ်ပျံသန်း (ရုပ်သံ)

အမေရိကန်နိုင်ငံဟာ သူတို့ရဲ့ ပိုင်နက်ဧရိယာအနီး ဖြတ်ပျံသန်းလာခဲ့တဲ့ ရုရှားဗုံးကြဲလေယာဉ်တွေအနီးကို တိုက်လေယာဉ် ၂ စင်းနဲ့ ကန့်လန့်ဖြတ်ပျံသန်းကာ အင်အားပြခဲ့တယ်လို့ မေရာသတင်းတပုဒ်မှာ ဒီကနေ့ဖော်ပြပါတယ်။ အဲဒီ ရုရှားအဏုမြူဗုံးကြဲလေယာဉ်တွေဟာ အမေရိကန်နိုင်ငံရဲ့ ပိုင်နက်ဧရိယာအနီး အလက်စကားပြည်နယ်နဲ့ မိုင် ၁၀၀ သာ ကွာဝေးတဲ့ နေရာအနီးကို ဧပြီ ၁၇ ရက် ညပိုင်းက ဖြတ်သန်းပျံလာခဲ့ချိန်မှာ အမေရိကန်နိုင်ငံက ခုလိုတုံ့ပြန်ခဲ့တာပါ။ အမေရိကန် အက်ဖ်-၂၂ ဂျက်တိုက်လေယာဉ်တွေဟာ ရုရှားပိုင် တူ-၉၅ ဗုံးကြဲလေယာဉ်တွေနဲ့ ကောင်းကင်မှာ တတန်းတည်း အချိန် ၁၂ မိနစ်လောက်ကြာအောင် ပျံသန်းနေခဲ့တာကို တွေ့ရပြီးနောက်မှာတော့ ရုရှားလေယာဉ်တွေဟာ ပြန်လှည့်ထွက်သွားခဲ့ကြတာပါ။ ရုရှားအနေနဲ့ အမေရိကန်နိုင်ငံရဲ့ လေကြောင်းကာကွယ်ရေး ကန့်သတ်ဇုန်အနီးကို ခုလိုပျံသန်းခဲ့တာဟာ ပထမအကြိမ်ဖြစ်ပြီး ဒါဟာ ၂ နိုင်ငံကြား စစ်ရေးအင်အားပြတာဖြစ်တယ်လို့ သုံးသပ်နေကြတာပါ။ အမေရိကန်စစ်တပ် ပြောရေးဆိုခွင့်ရှိသူတွေကတော့ ခုလို ဖြတ်သန်းပျံပြခဲ့ချိန်မှာ ဘေးအန္တရာယ်ကင်းကင်းနဲ့ ထိခိုက်မှုမရှိဘဲ သာမန်အခြေအနေအတိုင်း ပညာရှင်ဆန်တဲ့ အနေအထားနဲ့ ကြားဖြတ်ပျံသန်းခဲ့တာဖြစ်ပြီး ၂ နိုင်ငံ လေယာဉ်မှူးတွေချင်း ပတ်သက်မှုမရှိကြဘူးလို့ ဆိုပါတယ်။ ရီပတ်ဘလီကန်ပါတီကိုယ်စား ပြောရေးဆိုခွင့်ရှိသူ အဒမ် ကင်ဇင်ဂျာကတော့ ရုရှားတွေဟာ သူတို့အင်အားကို ပြသဖို့ ကြိုးစားခဲ့ကြတာဖြစ်ပြီး အမေရိကန်တွေက ဘယ်လိုတုံ့ပြန်မလဲဆိုတာကို သိချင်တာဖြစ်တယ်လို့ ပြောပါတယ်။ ရုရှားတွေဟာ ပြီးခဲ့တဲ့ ၂၀၁၅ ခုနှစ်၊ ဇူလိုင် ၄ ရက်နေ့ကလည်း ကယ်လီဖိုးနီးယားပြည်နယ်မှ မိုင် ၄၀ အတွင်း မြို့တမြို့ဆီ ဦးတည်လာရောက်ကာ ပျံသန်းခဲ့ကြပါသေးတယ်။
4 years Ago
Up