ဗြိတိန်မြေပေါ်မှာ အဆိပ်နဲ့တိုက်ခိုက်မှုကို တုံ့ပြန်တဲ့အနေနဲ့ နေတိုး (NATO) အဖွဲ့ကြီးက ရုရှားသံတမန် ၇ ဦးကို အဖွဲ့ထဲကနေ ထုတ်ပယ်လိုက်ပါတယ်။ နေတိုး မဟာမိတ်နိုင်ငံတွေရဲ့ ရုရှားမစ်ရှင်ကနေ သံတမန် ၇ ဦးကို ထုတ်ပယ်လိုက်ပြီး နောက်ထပ် ၃ ဦး ခန့်အပ်မှုကိုလည်း ပိတ်ပင်လိုက်တယ်လို့ နေတိုးအတွင်းရေးမှူးချုပ် ယန်းစတော့တင်ဘတ်က မတ်လ ၂၇ ရက်နေ့မှာ ပြောကြားလိုက်ပါတယ်။ “နေတိုးဆိုင်ရာ ရုရှားမစ်ရှင်အဖွဲ့ဝင် ၇ ဦး ခန့်အပ်ထားတာကို ကျနော်တို့ ဒီနေ့ ရုပ်သိမ်းလိုက်ပါတယ်။ နောက်ထပ်ခန့်အပ်ဖို့ ဆိုင်းငံ့ထားတဲ့ ၃ ဦးကိုလည်း ကျနော်တို့ လက်မခံတော့ပါဘူး။ ကျနော့်ရဲ့ ဆုံးဖြတ်ချက်အရ မြောက်အတ္တလန္တိတ်ကောင်စီကလည်း ရုရှားရဲ့ နေတိုးမစ်ရှင်ကနေ အဖွဲ့ဝင် ၁၀ ဦးကို လျှော့ချလိုက်ပါပြီ။ ဒါကြောင့် ရုရှားအဖွဲ့ဝင် ၂၀ သာ ရှိတော့မှာပါ” လို့ စတော့တင်ဘတ်က ပြောကြားခဲ့ပါတယ်။ ဒါဟာ လက်ခံနိုင်စရာမရှိဘဲ အန္တရာယ်များတဲ့ လုပ်ရပ်အတွက် အကျိုးဆက်တခုဆိုတာကို ရုရှားက ကောင်းစွာ နားလည်စေဖို့နဲ့ ဖြစ်ပျက်ခဲ့တာတွေအပေါ် ရုရှားရဲ့ အပြုသဘောမဆောင်တဲ့ တုံ့ပြန်မှုရဲ့ နောက်ဆက်တွဲရလဒ်တခုလည်း ဖြစ်တယ်လို့ စတော့တင်ဘတ်က ဆက်လက် ပြောကြားခဲ့ပါတယ်။ ဒီကနေ့ဆုံးဖြတ်ချက်ဟာ ရုရှားအပေါ်ထားရှိတဲ့ နေတိုးရဲ့ မူဝါဒတွေကိုတော့ ပြောင်းလဲသွားမှာ မဟုတ်ဘူးလို့လည်း သူက ဆိုပါတယ်။ လာမယ့် နေတိုး-ရုရှား ကောင်စီအစည်းအဝေး ဖြစ်မြောက်ရေး ကြိုးပမ်းမှုအပါအဝင် ကာကွယ်ရေးနဲ့ ဆွေးနွေးညှိနှိုင်းမှုတွေအတွက် နှစ်ဖက် ပူးပေါင်းဆောင်ရွက်မှုတွေမှာ နေတိုးရဲ့ ရပ်တည်ချက် မပြောင်းလဲတဲ့အကြောင်း နေတိုးအတွင်းရေးမှူးချုပ် ယန်းစတော့တင်ဘတ်က ဖြည့်စွက်ပြောကြားခဲ့ပါတယ်။

ဗြိတိန်မြေမှာ ရုရှားထောက်လှမ်းရေးဟောင်းတဦး အဆိပ်နဲ့ လုပ်ကြံခံရမှုကို တုံ့ပြန်တဲ့အနေနဲ့ သြစတြေးလျက ရုရှားသံတမန်နှစ်ဦးကို နိုင်ငံက မောင်းထုတ်လိုက်ပါတယ်။ မတ်လ ၂၇ ရက်နေ့မှာ သြစတြေးလျဝန်ကြီးချုပ် မဲလ်ကွမ် တန်ဘူးလ်က အဲဒီလို ပြောကြားခဲ့တာ ဖြစ်ပါတယ်။ “မင်္ဂလာနေ့လယ်ခင်းပါ။ ဒီနေ့ သြစတြေးလျက ရုရှားသံတမန်နှစ်ဦးကို နိုင်ငံကနေ မောင်းထုတ်သွားမှာ ဖြစ်ပါတယ်။ မေလ ၄ ရက်နေ့က ဗြိတိန်မြေပေါ်မှာ ဓာတုလက်နက်နဲ့ တုန်လှုပ်စရာ တိုက်ခိုက်မှုကို တုံ့ပြန်တဲ့အနေနဲ့ ကမ္ဘာတဝန်းက ၂၃ နိုင်ငံနဲ့ ပူးပေါင်းပြီး ကျနော်တို့ အရေးယူဆောင်ရွက်နေပါတယ်” လို့ မဲလ်ကွမ် တန်ဘူးလ်က ပြောကြားခဲ့တာပါ။ ဆက်လက်ပြီး သူက “ဒုတိယကမ္ဘာစစ်နောက်ပိုင်း ဥရောပမှာ ဓာတုစစ်ဆင်ရေးက ဒါ ပထမဦးဆုံးအကြိမ်ပါ။ ဒါက လုပ်ကြံသတ်ဖြတ်မှုတခုလို့ ယူဆရပါတယ်။ ဗြိတိန်ရဲ့ အချုပ်အခြာအာဏာနဲ့ တရားဥပဒေ စိုးမိုးထားတဲ့ မြေပေါ်မှာ ဒါက ရှက်စရာကောင်းတဲ့ တိုက်ခိုက်မှုတခုပါ။ ကျနော်တို့ ဒီဖြစ်ရပ်ကို လုံးဝ ရှုတ်ချပါတယ်” လို့လည်း ဆိုပါတယ်။ အခုလုပ်ရပ်အတွက် ရုရှားမှာကျင်းပမယ့် ၂၀၁၈ ကမ္ဘာ့ဖလား ဘောလုံးပြိုင်ပွဲကို သြစတြေးလျက သပိတ်မှောက်နိုင်ချေရှိတယ်လို့လည်း သြစတြေးလျ နိုင်ငံခြားရေးဝန်ကြီး ဂျူလီ ဘစ်ရှော့က ပြောကြားခဲ့ပါတယ်။

ဗြိတိန်မှာ ရုရှားထောက်လှမ်းရေးဟောင်းတဦး အဆိပ်နဲ့ လုပ်ကြံခံရတာကို တုံ့ပြန်တဲ့အနေနဲ့ ကနေဒါက ရုရှားသံတမန်တွေကို နိုင်ငံက မောင်းထုတ်လိုက်ပါတယ်။ ရုရှားကို အမေရိကန်နဲ့ ဥရောပနိုင်ငံတွေရဲ့ အရေးယူမှုမှာ ပူးပေါင်းပါဝင်တဲ့အနေနဲ့ ရုရှားသံတမန် လေးဦးကို နိုင်ငံက မောင်းထုတ်မယ်လို့ ကနေဒါက မတ်လ ၂၆ ရက်နေ့မှာ ပြောကြားခဲ့တာပါ။ သံရုံးဝန်ထမ်းထပ်တိုးဖို့ ရုရှားရဲ့ လျှောက်လွှာသုံးခုကိုလည်း ကနေဒါက ပယ်ချလိုက်ပါတယ်။ “ကောင်းပါတယ်။ ကျနော်တို့ရဲ့ မဟာမိတ်နိုင်ငံတွေနဲ့ အခုလို ပူးပေါင်းဆောင်ရွက်တာကို ကျနော်တို့ အားပေးပါတယ်။ ဗြိတိန်က သူတို့ရဲ့မြေပေါ်မှာ အခုလို တိုက်ခိုက်မှုအတွက် ရုရှားကို သံတမန်နည်းအရ တုံ့ပြန်ခဲ့ပါတယ်။ ကနေဒါ၊ ဥရောပနဲ့ အမေရိကန်လို တခြား မဟာမိတ်နိုင်ငံတွေကလည်း အလားတူ တုံ့ပြန်ခဲ့ကြပါတယ်။ ကျနော်ကတော့ အခုလိုလုပ်ဖို့ လိုအပ်တယ်လို့ ထင်ပါတယ်။ ဒါက ရုရှားရဲ့ ရန်လိုတဲ့ အပြုအမူတွေထဲက အစိတ်အပိုင်းတခုပါ။ ဒါကြောင့် ဒီလိုလုပ်တာကို ကျနော်တို့ ထောက်ခံပါတယ်” လို့ ကနေဒါလွှတ်တော် ကွန်ဆာဗေးတစ် အမတ်တဦးက ပြောကြားခဲ့တာပါ။ ကနေဒါလွှတ်တော် လစ်ဘရယ်အမတ်တဦးကလည်း “နိုင်ငံတကာစံနှုန်းနဲ့ ဥပဒေကို အလွဲသုံးစားလုပ်တာ ကျနော်တို့အနေနဲ့ သည်းမခံနိုင်ပါဘူး။ ဒါကို ရုရှားက နားလည်ဖို့ အခုလိုအရေးယူမှုက သိပ်ကို အရေးပါပါတယ်” လို့ ပြောကြားခဲ့ပါတယ်။ ကနေဒါနိုင်ငံက မောင်းထုတ်မယ့် ရုရှားသံတမန်လေးဦးဟာ အော်တဝါမြို့ ရုရှားသံရုံး ဒါမှမဟုတ် မွန်ထရီရယ်မြို့ ရုရှားကောင်စစ်ဝန်ရုံးက ဖြစ်လိမ့်မယ်လို့ ကနေဒါနိုင်ငံခြားရေးဝန်ကြီး ခရစ္စတီယာ ဖရီးလန်းက ပြောကြားခဲ့ပါတယ်။

ရုရှားသံတမန် အယောက် ၆၀ ကို နိုင်ငံထဲကနေ နှင်ထုတ်ဖို့နဲ့ ဆီယက်တယ်မြို့မှာရှိတဲ့ ရုရှားကောင်စစ်ဝန်ရုံးကို ပိတ်ဖို့ အမေရိကန်သမ္မတ ဒေါ်နယ်ထရမ့်က မတ်လ ၂၆ ရက်နေ့မှာ အမိန့်ပေးလိုက်ပါတယ်။ ဗြိတိန်မှာနေထိုင်တဲ့ ရုရှားသူလျှိုဟောင်းနဲ့ သူ့သမီးတို့ အခုလ အစောပိုင်းမှာ   ဓာတုအဆိပ်နဲ့ လုပ်ကြံခံခဲ့ရတာကို တုံ့ပြန်ဖို့ သမ္မတထရမ့်က အခုလို အမိန့်ထုတ်လိုက်တာလို့ အမေရိကန် အကြီးတန်းအရာရှိတွေက ပြောပါတယ်။ ဝါရှင်တန်ပြည်နယ်၊ ဆီယက်တယ်မြို့က ရုရှားကောင်စစ်ဝန်ရုံးဟာ အမေရိကန် ရေငုပ်သင်္ဘော အခြေစိုက်စခန်း၊ လေယာဉ်ထုတ်တဲ့ ဘိုးအင်းကုမ္ပဏီနဲ့ နီးနေတာကြောင့် သမ္မတက ပိတ်ခိုင်းလိုက်တာလို့လည်း ပြောပါတယ်။ ရုရှားထောက်လှမ်းရေးဟောင်းနဲ့ သူ့ရဲ့သမီးဖြစ်သူတို့ ဓာတုအဆိပ်နဲ့ လုပ်ကြံခံရမှုဟာ ရုရှားလက်ချက်ဖြစ်တယ်လို့ ဗြိတိန်က ပြောထားပေမယ့် ရုရှားဘက်ကတော့ ငြင်းဆိုနေဆဲပါ။ ဒီဖြစ်ရပ်ကို တုံ့ပြန်တဲ့အနေနဲ့ ရုရှားအိမ်နီးချင်း ယူကရိန်း၊ ကနေဒါနဲ့ ဥရောပသမဂ္ဂအဖွဲ့ဝင် နိုင်ငံတွေအပြင် နိုင်ငံပေါင်း ၂၀ ကျော်ကနေ နှင်ထုတ်ခံရတဲ့ ရုရှားသံတမန် စုစုပေါင်း ၁၀၀ ကျော်အထိ ရှိလာပါတယ်။