ရုပ်သံမီဒီယာ

March 9, 2018

အကယ်ဒမီပေးပွဲ ရိုက်ကူးမည့် ရုပ်သံမီဒီယာများ ကျပ်သိန်း ၁၅၀ ပေးဆောင်ရန် သဘောတူ

အခုလအတွင်း ကျင်းပဖို့ရှိနေတဲ့ မြန်မာ့ရုပ်ရှင်ထူးချွန်ဆု အကယ်ဒမီပေးပွဲမှာ သတင်းရိုက်ကူး တင်ဆက်မယ့် ရုပ်သံမီဒီယာတွေအနေနဲ့ အရင်နှစ်က နှုန်းထားအတိုင်း ကျပ်သိန်း ၁၅၀  ပေးဆောင်ဖို့ကို မြန်မာနိုင်ငံ ရုပ်ရှင်အစည်းအရုံးက သဘောတူညီလိုက်ပါတယ်။ အကယ်ဒမီပေးပွဲအတွက် သတင်းရယူမယ့် Watch TV တွေနဲ့ မြန်မာနိုင်ငံ ရုပ်ရှင်အစည်းအရုံးတို့ မတ်လ ၈ ရက် မနက်က ဗဟန်းမြို့နယ်မှာရှိတဲ့ မြန်မာနိုင်ငံ ရုပ်ရှင်အစည်းအရုံးမှာ ညှိနှိုင်းဆွေးနွေးခဲ့ကြတာပါ။ မြန်မာနိုင်ငံ ရုပ်ရှင်အစည်းအရုံးက ကျပ်သိန်း ၂၀၀ အဖြစ် သတ်မှတ်ထားပေမယ့် အရင်နှစ်က နှုန်းထား ကျပ်သိန်း ၁၅၀ ကိုပဲ သတ်မှတ်ပေးဖို့ ရုပ်သံမီဒီယာသမားတွေက တောင်းဆိုခဲ့ကြတာကို သဘောတူခဲ့တာ ဖြစ်ပါတယ်။ TV Channelတွေ Booth ဝယ်ယူသူ ၅ ဌာနအတွက် နေရာ သတ်မှတ်ပေးတာတွေကိုလည်း မဲနှိုက်ရွေးချယ်ပေးခဲ့ပါတယ်။ TV Channel  Booth ရရှိတဲ့ သတင်းဌာနတွေကနေ ပြန်လည်ထုတ်လွှင့်မယ့် ချန်နယ်တွေကတော့ MRTV ၊ MRTV4 ၊ Channel 7 ၊ MWD၊ Sky Net ၊ MNTV ၊ Channel 9 တို့ ဖြစ်ပါတယ်။ အွန်လိုင်းမီဒီယာတွေ များပြားလာတာကြောင့် အခုနှစ်မှာတော့ နေရာအခက်အခဲ လုံခြုံရေး အခက်အခဲတွေကြောင့် သီးသန့်ရိုက်ကူးရေး လုပ်ဆောင်ဖို့အတွက် ပေးဖို့ အစီအစဉ်မရှိဘူးလို့ လည်း မြန်မာနိုင်ငံ ရုပ်ရှင်အစည်းအရုံးဥက္ကဋ္ဌ ဦးဇင်ဝိုင်းက ပြောကြားခဲ့ပါတယ်။ ၂၀၁၇ ခုနှစ်အတွက် ရုပ်ရှင်အကယ်ဒမီထူးချွန်ဆုပေးပွဲကို ရန်ကုန်မြို့ Myanmar Event Park (MEP) မှာ မတ်လ ၂၃ ရက် ညနေမှာ ကျင်းပမှာ ဖြစ်ပါတယ်။
4 years Ago

May 3, 2016

ရုပ်သံမီဒီယာလောကအတွက် တွေ့ဆုံဆွေးနွေးပွဲတရပ် ကျင်းပမည်ဟု ပြန်ကြားရေးဝန်ကြီး ပြော

ရုပ်သံမီဒီယာလောကမှာ အထူးအခွင့်အရေးရနေတဲ့ သူတွေရဲ့ ပြဿနာကို ဖြေရှင်းဖို့  တွေ့ဆုံ ဆွေးနွေးပွဲ တရပ်ကို မေလအတွင်း ပြုလုပ်သွားမယ်လို့ ပြန်ကြားရေးဝန်ကြီး ဒေါက်တာဖေမြင့်က ပြောဆိုလိုက်ပါတယ်။ အရင်အစိုးရလက်ထက်က အထူးအခွင့်အရေးတွေ ရရှိခဲ့တဲ့ ရုပ်သံမီဒီယာတွေကြောင့် သတင်းမီဒီယာလောက အတွင်းမှာ အငြင်းပွားစရာတွေ ဖြစ်ပေါ်နေတာပါ။ အဲဒီလို လုပ်ငန်းလုပ်ကိုင်ခွင့်၊ အခွန်သက်သာခွင့် စတဲ့ အထူးအခွင့်အရးတွေ ရရှိထားတဲ့ ရုပ်သံလုပ်ငန်းတွေအပေါ် အခြားသော ပုဂ္ဂလိက မီဒီယာအချို့က ဝေဖန်မှုတွေ ပြုလုပ်နေကြတဲ့အတွက် အခုမေလထဲမှာ တွေ့ဆုံဆွေးနွေးပွဲတရပ် ပြုလုပ် ဖြေရှင်းသွားမယ်လို့ ဒေါက်တာဖေမြင့်က ဆိုပါတယ်။ “အခွန်အခတို့ ဘာတို့ စသဖြင့် အစိတ်အပိုင်းတွေကတော့ တခြားသက်ဆိုင်တဲ့ ဌာနတွေနဲ့ ပိုပြီးသက်ဆိုင်မယ်လို့ ထင်ပါတယ်။ အဲတော့ ဘာရှိလဲဆိုတော့ စောစောက ပြောဆိုနေတဲ့အထဲမှာ ရုပ်သံမီဒီယာမှာ လုပ်ပိုင်ခွင့် တချို့အဖွဲ့အစည်းတွေ၊ ကုမ္ပဏီပေါ့ စသည်ဖြင့် သူတို့က အထူးအခွင့်ရေးသဘောမျိုး ရရှိနေတယ်၊ ရရှိခဲ့ကြတယ် ဆိုတဲ့အကြောင်း ပြောဆိုတာရှိတယ်။ ရုပ်သံလုပ်ငန်းနယ်ကို ၀င်လာချင်တဲ့ တခြားပုဂ္ဂိုလ်တွေ အဖွဲ့အစည်းတွေ၊ လုပ်ငန်းသမားတွေ အများကြီးရှိနေတယ်လို့ ပြောသံဆိုသံကြားတယ်။ "ကြားရတဲ့အခါကျတော့ ဟုတ်ပြီ ဒီမှာ မမျှမတ ဖြစ်နေခဲ့တယ်ဆိုရင် ဘယ်လိုမမျှတမှုရှိနေလဲ။ အားလုံးလည်း ပါဝင်ပြီးတော့ လုပ်ကိုင်ဆောင်ရွက်ချင်တယ်ဆိုရင် ဘယ်လိုနည်းလမ်းနဲ့ ပါဝင်ဆောင်ရွက်လို့ရမလဲ၊ ဒီဟာကို အဆင်ပြေအောင်ဆိုပြီးတော့ တိုင်ပင်ဆွေးနွေးနေတာ ရှိပါတယ်။" အဲဒီတွေ့ဆုံပွဲကနေ တဆင့် မီဒီယာလောကမှာ လုပ်သင့်လုပ်ထိုက်တဲ့ ပြုပြင်ပြောင်းလဲမှုတွေ လုပ်သွားမှာဖြစ်ပြီး ရုပ်သံမီဒီယာဥပဒေ ရေးဆွဲရေး လုပ်ငန်းတွေကိုလည်း ထည့်သွင်းဆွေးနွေးသွားမယ်လို့ ဝန်ကြီးက ဆက်ပြောပါတယ်။ “ပထမအဆင့် တိုက်ရိုက်သက်ဆိုင်တဲ့ ပုဂ္ဂိုလ်တွေ ပါဝင်တဲ့ ဆွေးနွေးပွဲတခု လုပ်မယ်။ ပြီးရင် နောက်ထပ်ပိုကျယ်ပြန့်တဲ့၊ ပွင့်လင်းတဲ့၊ အများနားထောင်နိုင်၊ ဆွေးနွေးနိုင်မယ့် ဆွေးနွေးပွဲမျိုးလည်း တခုလုပ်မယ်လို့ စဉ်းစားထားတယ်။ အဲဒီကနေပြီးတော့မှ ကျနော်တို့ ရုပ်သံမီဒီယာနဲ့ ပတ်သက်လို့ တိုင်းပြည်အနေအထားအရ လုပ်သင့်လုပ်ထိုက်တဲ့ ပြုပြင်ပြောင်းလဲမှုတွေ ဒါကို ဆက်ပြီးလုပ်မယ်လို့ စိတ်ကူးထားတယ်။” နိုင်ငံတကာစင်မြင့်မှာ မြန်မာနိုင်ငံဟာ သတင်းလွတ်လပ်ခွင့် မရှိသေးတဲ့ နိုင်ငံအဖြစ် သတ်မှတ်ခံထားရဆဲဖြစ်ပြီး အဲဒီအခြေအနေက ရုန်းထွက်နိုင်ဖို့ ကြိုးပမ်းသွားမယ်လို့လည်း ပြန်ကြားရေးဝန်ကြီးက ပြောဆိုထားပါတယ်။
6 years Ago
Up