ရုပ်ရှင်ရုံ

September 29, 2018

အာဖဂန်နစ္စတန်တွင် စစ်ပွဲများကြောင့် ရုပ်ရှင်ရုံများ တဖြည်းဖြည်း ပျောက်ကွယ်

အာဖဂန်နစ္စတန် နိုင်ငံအတွင်း စစ်ပွဲတွေကြောင့် ရုပ်ရှင်ရုံတွေ တစစ ပျောက်ကုန်ပြီး မြို့တော် ကဘူးလ်မှာ ရုပ်ရှင်ရုံ ၂ ရုံသာ ကျန်ရှိတော့တယ်လို့ သိရပါတယ်။ ရုပ်ရှင်ကြည့်သူလည်း နည်းလာပါတယ်။ ရုပ်ရှင်ရုံတရုံမှာ ပြခန်းတခန်းကို ထိုင်ခုံ ၆ဝဝ ရှိပေမယ့် ရုပ်ရှင်ကြည့်ပရိသတ် လူအယောက် ၂ဝ တောင် မပြည့်ပါဘူး။ နှစ်ချီပြီး စစ်ဖြစ်ခဲ့တာနဲ့ အကြမ်းဖက်တိုက်ခိုက်မှုတွေကြောင့် ရုပ်ရှင်တွေအပေါ် လူတွေရဲ့ စိတ်ဝင်စားမှု ကျဆင်းခဲ့တယ်လို့ ရုပ်ရှင်ရုံ မန်နေဂျာ ဆေးယဒ်ဖှာရွတ်ခ်က ပြောပါတယ်။ တရက်ကို ရုပ်ရှင် ၃ ကားသာ ပြပြီး ရုပ်ရှင်ရုံ ပြုပြင်ထိန်းသိမ်း ပြုပြင်ရေးအတွက်တောင် ငွေပြတ်နေတယ်လို့ သူက ပြောပါတယ်။ အာဖဂန်မှာ သွေးချောင်းစီး ပဋိပက္ခတွေ နေ့တိုင်းဖြစ်နေလို့ ပရိသတ်တွေအတွက် အချိန်တို ဝမ်းသာမှု ပေးနိုင်ရင်ကို အင်မတန် ဝမ်းသာနေရတယ်လို့ သူက ပြောခဲ့ပါတယ်။
3 years Ago

May 25, 2018

အာဂျင်တီးနားတွင် နှစ် ၉၀ ကျော်သက်တမ်းရှိ ရုပ်ရှင်ရုံ ပြိုကျ၊ ၃ ဦး သေဆုံး

အာဂျင်တီးနားနိုင်ငံ တူကူမန်မြို့မှာ မေ ၂၃ ရက်နေ့က နှစ် ၉၀ ကျော် သက်တမ်းရှိပြီဖြစ်တဲ့ ရုပ်ရှင်ရုံတရုံ ပြိုကျခဲ့ရာ အနည်းဆုံး လူ ၃ ဦး သေဆုံးသွားပါတယ်။ အဲဒီလို ပြိုကျအပြီးမှာ အရေးပေါ်ကယ်ဆယ်ရေးသမားတွေနဲ့ ဘေးမှာ ကြည့်ရှုနေသူတွေက အပျက်အစီးတွေ ဖယ်ရှား ရှင်းလင်းနေပုံတွေကို  လူမှုကွန်ရက်မီဒီယာတွေပေါ် လွှင့်တင်ခဲ့ကြပါတယ်။ ဒေသခံ သတင်းမီဒီယာက နောက်ထပ် အမျိုးသမီ ၂ ဦးလည်း ဒဏ်ရာရရှိသွားတယ်လို့ ဆိုပါတယ်။ အခုပြိုကျသွားတဲ့ အဆောက်အဦဟာ နှစ်ပေါင်း ၉၀ ကျော် သက်တမ်းရှိပြီး ဖြစ်ပါတယ်။ အရင်က ရုပ်ရှင်ရုံအဖြစ် အသုံးပြုခဲ့ပြီး နောက်ပိုင်းမှာ တရုတ်စားသောက်ဆိုင်နဲ့ ဘိုလိန်းပစ်တဲ့ အာကစားခန်းမ ဖွင့်ခဲ့တာလည်း ဖြစ်ပါတယ်။ ဒီအဆောက်အဦဟာ ပြုပြင်ထိန်းသိမ်းမှု လုပ်ထားတဲ့ အဆောက်အဦလည်း ဖြစ်တယ်လို့ ဒေသခံသတင်းမီဒီယာမှာ ဖော်ပြထားပါတယ်။
3 years Ago
More News
Up