နှုတ်ခမ်းကွဲ

August 16, 2015

မွေးကင်းစ နှုတ်ခမ်းကွဲ ကလေးငယ်ကို စူပါမားကက်တွင် စွန့်ပစ်

မွေးရာပါ နှုတ်ခမ်းကွဲကလေးငယ်တဦးကို တရုတ်နိုင်ငံ၊ ဖန်တိုင်းခရိုင်က စူပါမား ကက်တခုမှာ စွန့်ပစ်ခဲ့ပါတယ်။ ၁၀ ရက်သားအရွယ်သာရှိသေးတဲ့ အဲဒီကလေးငယ်ကို မနက် ၅ နာရီမှာ စူပါမား ကက်ရှေ့တံခါးနားမှာ စွန့်ပစ်ခဲ့တာကို အနီးနား နေထိုင်တဲ့ အမျိုးသမီးတဦးက တွေ့ရှိခဲ့တာလို့ စီစီတီဗွီသတင်းမှာ ဖော်ပြပါတယ်။ မနက်ခင်းလမ်းလျှောက်ထွက်ချိန်မှာ သူက ကလေးကိုမတွေ့ခဲ့ပဲ အိမ်ကိုရောက်ချိန် ကလေးငိုသံကြားလို့ ထွက်ကြည့်ချိန်မှာ တွေ့ခဲ့တာဖြစ်ပါတယ်။ ကလေးအနီးမှာ မွေးကင်းစကလေး အသုံးအဆောင်ပစ္စည်းတွေ ပါဝင်တဲ့ အနီရောင်အိတ်တအိတ်ကိုလည်း တွေ့ရှိခဲ့တယ်လို့ သတင်းမှာဖော်ပြပါတယ်။ ဆူညံသံတွေကြားရတဲ့အတွက် စူပါမားကက်ဆိုင်ပိုင်ရှင်ပါထွက်လာပြီး သူတို့က ကလေးကို စောင်နဲ့ပတ်ပြီး နွေးနွေးထွေးထွေးထားခဲ့ပါတယ်။ ဖန်တိုင်းခရိုင်ရဲတွေက ကလေးငယ်ကို ချက်ချင်း ဆေးရုံပို့ဆောင်ခဲ့ပြီး လက်ရှိအခြေအနေမှာ ကလေးငယ်ဟာ ကျန်းမာတယ်လို့ သတင်းကဆိုပါတယ်။ အဲဒီကလေးငယ်ကို လောလောဆယ် ဖန်တိုင်းခရိုင် ကလေးပြုစုစောင့်ရှောက်ရေး ဂေဟာက လက်ခံထားပြီး ရဲတွေက သူ့မိဘတွေကို တွေ့နိုင်ဖို့ အပူတပြင်းလိုက်ရှာဖွေ နေကြတယ်လို့ ဆိုပါတယ်။
6 years Ago

July 12, 2015

နှုတ်ခမ်းကွဲ အာခေါင်ကွဲ လူနာများကို အခမဲ့ခွဲစိတ်ပေး

မြန်မာနိုင်ငံအနှံ့က နှုတ်ခမ်းကွဲ၊ အာခေါင်ကွဲ လူနာတွေကို Smile Asia အဖွဲ့က ရန်ကုန်ဆေးရုံကြီး မျက်နှာနှင့် မေးရိုးဌာနမှာ အခမဲ့ ခွဲစိတ်ကုသပေးနေပါတယ်။ ဒီအခမဲ့ ခွဲစိတ်တဲ့အစီအစဉ်ကို ဇူလိုင်လ ၅ ရက်နေ့က ကြိုတင်ကျန်းမာရေးစစ်ဆေးမှု ပြုလုပ်ပြီး ဇူလိုင်လ ၆ ရက်နေ့ကနေ ဇူလိုင်လ ၁၂ ရက်နေ့အထိ ခွဲစိတ်ပေးနေတာပါ။ ခွဲစိတ်တဲ့အစီအစဉ် စတင်တဲ့နေ့ကနေ ၄ ရက်မြောက်တဲ့နေ့အထိ လူဦးရေ ၉၉ ယောက်ကို ခွဲစိတ်ပေးခဲ့ပြီး ဖြစ်ပါတယ်။ ခွဲစိတ်ပေးခဲ့တဲ့သူတွေကတော့  အသက် ၆ လနဲ့အထက်ရှိပြီး ကျန်းမာရေးကောင်းမွန်တဲ့ နှုတ်ခမ်းကွဲ၊ အာခေါင်ကွဲ လူနာတွေကို ခွဲစိတ်ပေးတာလို့ Smile Asia အဖွဲ့ရဲ့ Cooperate Communication Manager ကိုအောင်ကျော်ဦးက ပြောပါတယ်။ “ခွဲလို့ရသမျှခွဲမှာပါ။ တချို့ကလေးတွေကျတော့ ဘာဖြစ်နေသလဲဆိုတော့ ခွဲခါနီးမှ ကိုယ်လေးတွေ ပူလာတာလေးတွေ ရှိတယ်။ နောက်ပြီးတော့ Blood Test လုပ်တဲ့အခါကျမှ ဟင်မိုကလိုဘင် နည်းနေတာတို့ ဘာတို့။ အဲ့တာမျိုးကျတော့ နောက်ဆုံးခွဲမယ့်အချိန်ကြမှ reject ပြန်လုပ်လိုက်ရတာတွေရှိတယ်” လို့ ကိုအောင်ကျော်ဦးက ပြောပြပါတယ်။ ဒီ နှုတ်ခမ်းကွဲ၊ အာခေါင်ကွဲ လူနာတွေကို အခမဲ့ခွဲစိတ်ပေးတဲ့ Smile Asia အစီအစဉ်မှာ ကျန်းမာရေးဝန်ကြီးဌာနက မျက်နှာနဲ့ မေးရိုး ခွဲစိတ်ဆရာဝန်ကြီးတွေနဲ့ စင်ကာပူနိင်ငံက ဆရာဝန်တွေ အဓိကပါဝင်ပြီး ဖိလစ်ပိုင်၊ အိန္ဒိယ၊ ဂျပန်၊ အမေရိကန်၊ အင်္ဂလန် နဲ့ မွန်ဂိုလီးယားစတဲ့ နိုင်ငံတွေက စေတနာရှင် ခွဲစိတ်ဆရာဝန်၊ မေ့ဆေးဆရာဝန် နဲ့ သူနာပြုဆရာမတွေ ပါဝင်ပါတယ်။ ဒီအခမဲ့ ခွဲစိတ်ပေးတဲ့ အစီအစဉ်ကို ကျန်းမာရေးဝန်ကြီးဌာနက ကြီးမှူးပြီး Smile Asia နဲ့ မြန်မာဘရူဝါရီ လီမိတက်တို့က ပံ့ပိုးဆောင်ရွက်တာဖြစ်ပါတယ်။ အခု အခမဲ့ခွဲစိတ်တဲ့အစီအစဉ်ဟာ ၅ ကြိမ်မြောက် ဖြစ်ပြီး ၂၀၁၀ ပြည့်နှစ်က စတင်ခဲ့တာဖြစ်ပါတယ်။ အခမဲ့ခွဲစိတ်တဲ့အစီအစဉ် စတင်တဲ့ နှစ်ကနေ ၂၀၁၄ ခုနှစ်အထိ အနယ်နယ်အရပ်ရပ်က နှုတ်ခမ်းကွဲ၊ အာခေါင်ကွဲ လူနာ ၄၃၉ ဦးအထိ ခွဲစိတ်ပေးပြီးသွားပြီ ဖြစ်ပါတယ်။ မိမိပတ်ဝန်းကျင်မှာ နှုတ်ခမ်းကွဲ၊ အာခေါင်ကွဲ ကလေးငယ်တွေကို တွေ့ရှိခဲ့ရင် အခမဲ့ခွဲစိတ်ပေးနိုင်ဖို့အတွက် Smile Asia အဖွဲ့ရဲ့ ဖုန်းနံပါတ်ဖြစ်တဲ့ ၀၁-၆၃၈၁၄၉၊ ၀၁-၆၃၈၁၅၆၊ ၀၁-၆၃၈၁၈၆၊ ၀၁-၆၃၈၁၈၇၊ ၀၁-၆၃၈၂၁၄၊ ၀၁-၆၃၈၂၆၃ တို့အပြင် လက်ကိုင်ဖုန်းနံပါတ် ၀၉ ၂၆ ၃၃၃ ၇၄၃၆၊ ၀၉ ၄၃၀ ၄၉၄ ၀၂၊ ၀၉ ၄၂၁၁ ၈၂၉၉ ၆ တို့ကို ဆက်သွယ်အကြောင်းကြားနိုင်ပါတယ်။
6 years Ago
Up