နှစ် ၃၀ ပြည့် ရှစ်လေးလုံးအခမ်းအနား ပုသိမ်မြို့တော်ခန်းမတွင် ပထမဆုံးအကြိမ် ကျင်းပခွင့်ရ

August 7, 2018

နှစ် ၃၀ ပြည့် ရှစ်လေးလုံးအရေးတော်ပုံ အမှတ်တရပြောစကား

ရန်ကုန်တက္ကသိုလ်မှာ ကျင်းပတဲ့ နှစ် ၃၀ ပြည့် ရှစ်လေးလုံးအရေးတော်ပုံအခမ်းအနား တက်ရောက်လာသူတွေရဲ့ ရှစ်လေးလုံးအမှတ်တရစကားတွေကို စုစည်းတင်ဆက်ပေး ထားပါတယ်။ တင်ဆက်- ကိုအေးနိုင်၊ စကားဝါအောင် ရိုက်ကူး - ကျော်ဇေယျာဝင်း
3 years Ago

နှစ် ၃၀ ပြည့် ရှစ်လေးလုံးအရေးတော်ပုံ  ပြခန်းများသို့ လာရောက်ကြည့်ရှုသူ များပြား

နှစ် ၃၀ ပြည့် ရှစ်လေးလုံးအရေးတော်ပုံကြီး အထိမ်းအမှတ် အခမ်းအနားကို ရန်ကုန်တက္ကသိုလ်ထဲမှာ သြဂုတ် ၆ ရက်ကနေ ၈ ရက်အထိ ကျင်းပနေပြီး ဒီနေ့ ဒုတိယနေ့မှာ ပြခန်းတွေကို လာရောက်လေ့လာ ကြည့်ရှုသူတွေ များပြားနေပါတယ်။ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)၊ နိုင်ငံရေးအကျဉ်းသား ကူညီစောင့်ရှောက်ရေးကော်မတီ (AAPP)၊ ၁၉၉၆-၉၇ ကျောင်းသားလှုပ်ရှားမှု ပြခန်း၊ ကာတွန်းပြခန်း၊ ၈ လေးလုံးပြတိုက်ပြခန်း၊ 10 D လှုပ်ရှားမှု၊ အကသ ကျောင်းသားလှုပ်ရှားမှု ပြခန်းတွေ ပြသထားတာပါ။ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (မကဒတ) ပြခန်းမှာ မကဒတရဲ့ လက်နက်ကိုင်တော်လှန်ရေး အနှစ် ၃၀ ဖြတ်သန်းမှု၊ နှစ် ၃၀ အတွင်း ထိခိုက်ကျဆုံး ရဲဘော်တွေရဲ့ ဂုဏ်ပြုမှတ်တမ်းများ၊ မကဒတနဲ့ ငြိမ်းချမ်းရေးဖြစ်စဉ် စတာတွေကို ဓာတ်ပုံတွေနဲ့ တကွ ဝေဝေဆာဆာ ပြသထားပါတယ်။ နိုင်ငံရေးအကျဉ်းသား ကူညီစောင့်ရှောက်ရေးကော်မတီရဲ့ ပြခန်းမှာ စစ်အာဏာရှင် အဆက်ဆက်ကို တော်လှန်ခဲ့ကြတဲ့ ရဟန်းပြည်သူ ကျောင်းသားတွေ အကျဉ်းထောင်ထဲ ရောက်ရှိခဲ့ကြတဲ့ နိုင်ငံရေးအကျဉ်းသားတွေရဲ့ နေထိုင်မှုပုံစံတွေ၊ ထောင် စစ်ကြောရေးစခန်းတွေမှာ ကျဆုံးခဲ့ရတဲ့ နိုင်ငံရေးအကျဉ်းသားတွေရဲ့ မှတ်တမ်းပုံရိပ်တွေ၊ အကျဉ်းထောင်နဲ့ စစ်ကြောရေးစခန်းတွေမှာ ညှဉ်းပန်းနှိပ်စက်မှု ပုံစံတွေကို ပြသထားပါတယ်။ နိုင်ငံရေးအကျဥ်းသားတွေရဲ့ အကျဉ်းထောင်တွင်း ဖြတ်သန်းမှုပုံရိပ်တွေ၊ သူတို့ဖန်တီးထားတဲ့ အနုပညာ ပစ္စည်းတွေကိုလည်း ပြသထားသလို ရွှေဝါရောင်တော်လှန်ရေး၊ ၂၀၁၅ ကျောင်းသားသပိတ် မှတ်တမ်းဓာတ်ပုံတွေနဲ့အတူ အင်းစိန်အကျဉ်းထောင်ပုံစံငယ်ကိုလည်း ပြသထားပါတယ်။ ဒါ့အပြင် ၉၆-၉၈ ကာလ ကျောင်းသားလှုပ်ရှားမှု မှတ်တမ်းဓာတ်ပုံတွေနဲ့ ဗွီဒီယိုဖိုင်တွေ၊ လှုပ်ရှားမှုအတွင်း ရေးသားထုတ်ဝေခဲ့ကြတဲ့ စာစောင်စာတမ်းတွေထဲက ကဗျာနဲ့ ဆောင်းပါးတွေကို ခင်းကျင်းပြသထားပါတယ်။ အခြေခံပညာ ကျောင်းသားများသမဂ္ဂကလည်း ပြခန်းမှာ ရှစ်လေးလုံး အရေးတော်ပုံ ကာလအတွင်း အ.က.သ ကျောင်းသားတွေရဲ့ ပါဝင်လှုပ်ရှားခဲ့တဲ့ မှတ်တမ်းဓာတ်ပုံတွေနဲ့ ပြသထားတဲ့အပြင် “ဆန္ဒပြသူများ သောက်သုံးရန်” လို့ စာတမ်းရေးထားတဲ့ သောက်ရေအိုးလေးလုံးကို ထည့်သွင်းပြသထားတဲ့အတွက် ရှစ်လေးလုံးကာလ ဆန္ဒပြမှုများကို ပြန်ပြောင်း အမှတ်ရစေနိုင်ပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ငြိမ်းချမ်းရေးနိုဘယ်လ်ဆု ရရှိခဲ့တဲ့ အထိမ်းအမှတ် ၁၉၉၁ ဒီဇင်ဘာ ၁၀ မှာ နဝတ စစ်အစိုးရကို ဆန္ဒပြခဲ့ကြတဲ့ 10D ခေါ် နိုဘယ်လ်ငြိမ်းချမ်းရေး ကျောင်းသားလူငယ်များ လှုပ်ရှားမှု ပုံရိပ်တချို့ကို 10D ပြခန်းမှာ ပြသထားပါတယ်။ ရှစ်လေးလုံးအရေးတော်ပုံကာလက ထုတ်ဝေတဲ့ စာစောင်တွေ၊ မဂ္ဂဇင်း၊ သတင်းစာတွေမှာ မဆလ အစိုးရကို သရော်ရှုတ်ချတဲ့ ကာတွန်းတွေကို ရန်ကုန်တက္ကသိုလ်မှာ ဒီနေ့ကျင်းပတဲ့ ရှစ်လေးလုံးအရေးတော်ပုံ နှစ် ၃၀ ပြည့်အခမ်းအနားမှာ ပြသထားပါတယ်။ ဒါ့အပြင် ရှစ်လေးလုံးကာလ ဆန္ဒပြတဲ့ မှတ်တမ်းဗွီဒီယိုတွေကိုလည်း ထုတ်လွှင့်ပြသထားပါတယ်။
3 years Ago

August 5, 2018

နှစ် ၃၀ ပြည့် ရှစ်လေးလုံးအခမ်းအနား ပုသိမ်မြို့တော်ခန်းမတွင် ပထမဆုံးအကြိမ် ကျင်းပခွင့်ရ

နှစ် ၃၀ ပြည့် ရှစ်လေးလုံး နှစ်ပတ်လည်နေ့ အခမ်းအနားကို ပုသိမ်မြို့ မြို့တော်ခန်းမမှာ ပထမဆုံးအကြိမ် ကျင်းပခွင့်ရခဲ့ပါတယ်။ အရင် အစိုးရလက်ထက်တွေမှာ အခုလို လူထုနဲ့ ထင်သာမြင်သာရှိစေမယ့် နေရာမျိုးမှာ ကျင်းပခွင့်မရခဲ့သလို ကျင်းပလေ့ရှိတဲ့နေရာတွေမှာလည်း အတားအဆီးတွေနဲ့ ကျင်းပခဲ့ရတာလို့ ပုသိမ်မြ်ို့ ရှစ်လေးလုံး လူထုဒီမိုကရေစီအရေးတော်ပုံ နှစ်ပတ်လည်နေ့အခမ်းအနား ပြန်ကြားရေးကော်မတီဝင် ဦးမြင့်စိုးက ဒီဗွီဘီကိုပြောပါတယ်။ ဒီနှစ်မှာဆိုရင် အရင်ကျင်းပနေကျ ရှစ်လေးလုံး သပိတ်စခန်းဖွင့်ခဲ့တဲ့ ခါတော်မှီကျောင်းမှာ မနက် ၈ နာရီကနေ ၁၀ နာရီအထိ ကျင်းပမှာဖြစ်ပြီး မြို့တော်ခန်းမမှာတော့ မနက် ၁၀ နာရီကနေ ၁၂ အထိ ကျင်းပသွားမှာပါ။ အခမ်းအနားမှာတော့ ရှစ်လေးလုံး အမှတ်တရအကြောင်းအရာတွေကို ပြန်ပြောကြမှာဖြစ်ပြီး နှစ် ၃၀ ပြည့် ကြေညာချက်တွေလည်း ထုတ်ပြန်သွားဖို့ ရှိနေပါတယ်။ ဒီအခမ်းအနားကို ဧရာဝတီတိုင်းဒေသအစိုးရအဖွဲ့ဝင်တွေလည်း တက်ရောက်ဖို့ ရှိနေပါတယ်။ ပုသိမ်မြို့တော်ခန်းမလိုနေရာမျိုးမှာ ကျင်းပခွင့်ရလာတဲ့အတွက်လည်း ဝမ်းမြောက်ဂုဏ်ယူမိတယ်လို့ ဦးမြင့်စိုးက ပြောပါတယ်။
3 years Ago
Up