နွားမ

A d v e r t i s e m e n t With Us

September 21, 2016

နာမည်ကြီးနေသည့် မျက်နှာနှစ်ခုပါ အမေရိကန်နွားမကလေး (ရုပ်သံ)

အမေရိကန်နိုင်ငံ၊ ကင်တပ်ကီပြည်နယ်၊ ယာတောတခုထဲမှာ နွားပေါက်ကလေး တကောင်ဟာ မျက်နှာ ၂ ခုနဲ့ တွဲလျက်သား မွေးဖွားလာခဲ့တဲ့အတွက် လာရောက်ကြည့်ရှုသူတွေကြား အထူးအဆန်းတခုအဖြစ် နာမည်ကြီးနေပါတယ်။ အဲဒီနွားမလေးကို ရုတ်တရက်မြင်လိုက်ရရင်တော့ ဒါဟာ အမြွှာများလားလို့ ထင်ရစေမှာပါ။ ခြံပိုင်ရှင်ဖြစ်တဲ့ စတန်မက်က်ကူဘင်ဟာ ပြီးခဲ့တဲ့ စက်တင်ဘာ ၁၆ ရက်နေ့က ယာတောထဲ လမ်းလျှောက်ထွက်ချိန်မှာ သတိထားမိခဲ့တာလို့ ဆိုပါတယ်။ “ကျနော် နှာခေါင်း ၂ ခုကို မြင်ခဲ့ရချိန်မှာ အမြွှာလို့ထင်ခဲ့တယ်။ ဒါပေမယ့် ခေါင်း ၂ လုံး ပါတာကို တွေ့လိုက်ရချိန်မှာ ကျနော် အံ့သြသွားတယ်” လို့ ပြောပါတယ်။ ဒီနာမည်ကို သူတို့ရဲ့သမီးဖြစ်တဲ့ ၅ နှစ်အရွယ် ကဲန်လေက “မယ်ကံကောင်း” လို့ နာမည်ပေးထားကြောင်း ဖောက်စ်သတင်းတပုဒ်မှာ ဖော်ပြပါတယ်။ “သူဟာ ခုလိုနေထိုင်ခွင့်ရတာပဲ ကံကောင်းပါတယ်။ ဒါကြောင့် မယ်ကံကောင်းလို့ နာမည်ပေးလိုက်တာ” လို့ သူက ပြောပါတယ်။ နွားမလေး မယ်ကံကောင်းဟာ သူ့ဟာသူ မတ်တပ်ရပ်နိုင်ပေမယ့် တ၀ဲလည်လည်နဲ့ လဲကျတော့မယောင်ယောင် ဖြစ်နေသေးပြီး အစာစားတဲ့အချိန်မှာတော့ သူ့ကို ကူညီပေးဖို့ လိုအပ်နေသေးတယ်လို့ ဆိုပါတယ်။ သူ့ရဲ့ ပါးစပ်တဘက်လှုပ်ရင် ကျန်တဲ့တဘက်ကပါ လိုက်လှုပ်နေပြီး မွေးဖွားချိန်မှာ ရှားပါး မျိုးဗီဇသန္ဓေပြောင်းလဲမှု ဖြစ်စဉ်တခုကြောင့် ခုလိုဖြစ်ခဲ့တာလို့ သတင်းမှာ ဖော်ပြပါတယ်။ “သူ့မှာ အသက်ရှင်သန်ခွင့်အချိန် ဘယ်လောက်ကျန်မလဲ။ ကျနော်တို့ စဉ်းစားနေပါတယ်။ ဆိုလိုတာက သူ့ကို ကျနော့်ရဲ့ ကလေးတွေနဲ့မခြား စောင့်ရှောက်သွားမှာပါ” လို့ မက်က်ကူဘင်က ဆိုပါတယ်။ လက်ရှိမှာတော့ ဒီသတင်းကို ကြားသိကြတဲ့သူတွေဟာ မျက်နှာ ၂ ခုပါတဲ့ ထူးဆန်းနွားပေါက်စကလေးအဖြစ် နီးနီးကပ်ကပ် ကြည့်ချင်စိတ်နဲ့ လာရောက်ကြသူတွေ များလာတယ်လို့ သတင်းမှာ ဖော်ပြပါတယ်။
4 years Ago
Up