နျူကလီးယား

July 29, 2019

ဗြိတိန်၊ ပြင်သစ်၊ ဂျာမနီ၊ ရုရှား၊ တရုတ်နိုင်ငံ ခေါင်းဆောင်များနှင့် အီရန်အရာရှိများ တွေ့ဆုံ

ဗြိတိန်၊ ပြင်သစ်၊ ဂျာမနီ၊ ရုရှားနဲ့ တရုတ်နိုင်ငံ ခေါင်းဆောင်တွေဟာ အီရန်အစိုးရ အရာရှိတွေနဲ့ သြစတြီးယားနိုင်ငံရဲ့ မြို့တော် ဗီယင်နာမှာ ဇူလိုင် ၂၈ ရက်က တွေ့ဆုံပါတယ်။ အီရန်နဲ့ ကမ္ဘာ့အင်အားကြီး နိုင်ငံတွေကြား ၂၀၁၅ ခုနှစ်မှာ ချုပ်ဆိုထားတဲ့ နျူကလီးယားရေး သဘောတူညီချက် မပျက်အောင် ဆွေးနွေးဖို့ ကြိုးစားနေကြတာပါ။ အားလုံးပါဝင်တဲ့ ပူးတွဲအရေးယူဆောင်ရွက်ရေး စီမံကိန်းအတွက် ပူးတွဲကော်မရှင်ကို ဥရောပသမဂ္ဂ နိုင်ငံခြားရေးမူဝါဒဌာန အတွင်းရေးမှူးချုပ် ဗိုလ်ချုပ်ကြီး ဟယ်လ်ဂါရှမစ်က သဘာပတိအဖြစ် ဆောင်ရွက်ပါတယ်။ အီရန် နျူကလီးယား အစီအစဉ်ဆိုင်ရာ နိုင်ငံတကာ သဘောတူညီချက်ကနေ အမေရိကန် သမ္မတ ဒေါ်နယ်ထရမ့်ဟာ မနှစ်က နုတ်ထွက်ခဲ့တာပါ။ အဲဒီနောက် အီရန်အပေါ် စီးပွားရေးဒဏ်ခတ်မှု ပြန်စခဲ့ပါတယ်။ သဘောတူညီချက်ဟာ အပြစ်အနာအဆာတွေ ရှိနေတယ်၊ အီရန်က ပဲ့ထိန်းဒုံးကျည် တီထွင်တာတွေ အီရတ်၊ လက်ဘနွန်၊ ယီမင်နဲ့ ဆီးရီးယားနိုင်ငံတွေမှာ ကြားခံတပ်တွေကို ပံ့ပိုးနေတာတွေကို ထိန်းချုပ် ကန့်သတ်ချက်တွေ မပါဘူးလို့ ထရမ့်က ပြောပါတယ်။ အီရန်က ဒုံးကျည်အစီအစဉ်ဟာ ကာကွယ်ရေးသက်သက်လို့ပြောပြီး သူ့စစ်ရေးစွမ်းရည်နဲ့ ပတ်သက်လို့ အမေရိကန်အစိုးရနဲ့ မဆွေးနွေးဘူးလို့ ငြင်းပါတယ်။ သူ့ဒုံးကျည်တွေဟာ နျူကလီးယားထိပ်ဖူး တပ်ဆင်နိုင်စွမ်းရှိတယ်ဆိုတဲ့ စွဲချက်ကိုလည်း ငြင်းပြီး နျူကလီးယား အစီအစဉ်ကလည်း အကြမ်းဖက်ဖို့ မဟုတ်ဘူးလို့ အီရန်အစိုးရက ပြောခဲ့ပါတယ်။
2 years Ago

July 10, 2019

နျူကလီးယား အစီအစဉ် အရှိန်မြှင့်မည့် ဆုံးဖြတ်ချက် နောက်ဆုတ်ရန် အီရန်ကို အီးယူ တိုက်တွန်း

အီရန်နိုင်ငံအနေနဲ့ ၂၀၁၅ နျူကလီးယား သဘောတူညီချက်ကို ချိုးဖောက်ပြီး သူ့ရဲ့ နျူကလီးယား အစီအစဉ်ကို အရှိန်မြှင့်တင်မယ့် ဆုံးဖြတ်ချက်ကို နောက်ဆုတ်ဖို့ ဥရောပသမဂ္ဂ (အီးယူ) က ဇူလိုင် ၉ ရက်နေ့မှာ သတိပေး တိုက်တွန်းလိုက်ပါတယ်။ ၂၀၁၅ ခုနှစ်မှာ အီရန်က နျူကလီးယား အစီအစဉ်တွေကို ရပ်ဆိုင်းလိုက်တာကြောင့် အပြန်အလှန်အားဖြင့် အနောက်နိုင်ငံတွေက အီရန်အပေါ် ချမှတ်ထားတဲ့ ပိတ်ဆို့ဒဏ်ခတ်မှုတွေကို ဖြေလျော့ပေးဖို့ အမေရိကန်၊ ဗြိတိန်၊ ပြင်သစ်၊ ဂျာမနီနဲ့ ရုရှားတို့ သဘောတူညီခဲ့ကြတာပါ။ ဒါပေမယ့် ၂၀၁၈ ခုနှစ်မှာတော့ အမေရိကန်က အဲဒီသဘောတူညီချက်နေ နုတ်ထွက်ပြီး အီရန်အပေါ် ပိတ်ဆို့ဒဏ်ခတ်မှုတွေ ပြန်လည်ချမှတ်ခဲ့တာကြောင့် တင်းမာမှုတွေ မြင့်တက်လာခဲ့ပါတယ်။ ၂၀၁၅ သဘောတူညီချက်ကို ချိုးဖောက်ပြီး နျူကလီးယား အစီအစဉ်ကို မြှင့်တင်သွားမယ့် အီရန်အစိုးရရဲ့ ခြေလှမ်းသစ်ဟာ စီးပွားရေး ပိတ်ဆို့ဒဏ်ခတ်မှုတွေအားလုံး သူ့အပေါ် ပြန်သက်ရောက်လာနိုင်တယ်လို့ ရိုက်တာသတင်းဌာနက ဖော်ပြပါတယ်။
2 years Ago
More News
Up