နိုင်ငံရေးဆွေးနွေးပွဲ

December 21, 2017

ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲအကြို လူထုတွေ့ဆုံပွဲ တားဆီးခံရ

ပင်လုံနဲ့ တာချီလိတ်မှာ ဒီကနေ့မနက်ကပြုလုပ်တဲ့ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲအကြို လူထုတွေ့ဆုံပွဲကို တပ်မတော်က လာရောက် တားဆီးပိတ်ပင်ခဲ့ပါတယ်။ ပြီးခဲ့တဲ့ရက်ပိုင်းက ရှမ်းပြည်တောင်ပိုင်း ပင်လုံမြို့မှာ ကျင်းပခဲ့တဲ့ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲအကြို လူထုတွေ့ဆုံပွဲ ဟန့်တားပိတ်ပင်ခံခဲ့ရပြီးနောက် ဒီနေ့ ထပ်မံ တားဆီးခံခဲ့ရတာပါ။ ရှမ်းပြည်တောင်ပိုင်း ပင်လုံမြို့နဲ့ ရှမ်းပြည်အရှေ့ပိုင်း တာချီလိတ်မြို့မှာ ကျင်းပနေတဲ့ လူထုဆွေးနွေးပွဲတွေကို နယ်မြေခံစစ်တပ်က လာရောက်တားဆီးပိတ်ပင်ခဲ့တယ်လို့ ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပရေးကော်မတီဝင်နဲ့ RCSS ရှမ်းပြည်တပ်မတော် ဆက်ဆံရေးရုံး တာဝန်ခံ ဗိုလ်မှူးစိုင်းဦးက ဒီဗွီဘီကို ပြောပါတယ်။ “ကျနော်ကတော့ လားရှိုး လူထုတွေ့ဆုံပွဲမှာ ရောက်နေတာပေါ့နော်၊ ဒီမနက်ပဲ ပင်လုံနဲ့ တာချီလိတ်က လူထုတွေ့ဆုံပွဲတွေ ဟန့်တားပိတ်ပင်ခံရတယ်လို့ ဖုန်းနဲ့ အကြောင်းကြားလာပါတယ်ခင်ဗျ။ နယ်မြေခံစစ်တပ်က အထက်က ညွှန်ကြားချက်နဲ့ လာဟန့်တားတယ်လို့ ပြောတယ်။ အမှန်က ကျနော်တို့ လုပ်ဆောင်နေတာဟာ ငြိမ်းချမ်းရေး ဖော်ဆောင်ရေး လမ်းစဉ်အတိုင်း သွားနေတာလေ။ ရှမ်းပြည်နယ်အစိုးရကလည်း ခွင့်ပြုထားပြီး သက်ဆိုင်ရာ ခရိုင်အုပ်ချုပ်ရေးဌာန၊ မြို့နယ်အုပ်ချုပ်ရေးဌာနတွေအနေနဲ့ ဒီလူထုတွေ့ဆုံဆွေးနွေးပွဲတွေ အဆင်ပြေအောင် လိုအပ်သလို အကူအညီပေးဖို့လည်း ညွှန်ကြားထားတယ်။ ဒါပေမယ့် တဖက်မှာ စစ်တပ်က ဒီလို လာပြီး ဟန့်တားတာကတော့ ကျနော်တို့လည်း နားမလည်ဘူး။” ဒီလို ဟန့်တားခံရတဲ့အပေါ် ဘယ်လိုဆက်လုပ်မလဲဆိုတာတော့ တိုင်ပင်ဆွေးနွေးနေဆဲ ဖြစ်ကြောင်း၊ တဖက်ကလည်း လုပ်လက်စ လူထုတွေ့ဆုံပွဲတွေ ဆက်လုပ်သွားမယ်လို့ ဗိုလ်မှူးစိုင်းဦးက ပြောသွားပါတယ်။ ဒီကနေ့ တာချီလိတ် ဟောင်လိုက်ဘုန်းကြီးကျောင်းဝင်းထဲမှာ လုပ်တဲ့ လူထုတွေ့ဆုံပွဲကို  တာချီလိတ်အခြေစိုက် ခလရ ၅၂၆ မှ ဗိုလ်မှူးအေးကိုကို ဦးဆောင်တဲ့ တပ်ဖွဲ့ဝင် ၂၀ လောက်က လာဟန့်တားပြီး ပင်လုံမြို့ တုမ်မိုရပ်ကွက် စာကြည့်တိုက်မှာလုပ်တဲ့ လူထုတွေ့ဆုံပွဲကိုတော့ လွိုင်လင်တပ်နယ်မှူး ဗိုလ်မှူးကြီးဌေးအောင် ဦးဆောင်တဲ့ ၁၀ ဦးပါ အဖွဲ့က လာရောက်ဟန့်တားခဲ့ကြတာ ဖြစ်ပါတယ်။ လာမယ့် တတိယအကြိမ်မြောက် ပြည်ထောင်စုငြိမ်းချမ်းရေးညီလာခံ (၂၁ ရာစု ပင်လုံညီလာခံ) မှာ ရှမ်းပြည်သူတွေရဲ့ ဆန္ဒသဘောထားတွေ တင်ပြနိုင်ဖို့ အမျိုးသားအဆင့် နိုင်ငံရေးဆွေးနွေးပွဲအကြို လူထုတွေ့ဆုံပွဲတွေကို ရှမ်းပြည်ညီညွတ်ရေးကော်မတီက ဦးဆောင်ပြီး ရှမ်းတိုင်းရင်းသားတို့ နေထိုင်ရာ ပြည်နယ်နဲ့တိုင်းက မြို့နယ်ပေါင်း ၁၆ မြို့နယ်မှာ လတ်တလော ကျင်းပနေတာဖြစ်ပြီး တချို့နေရာတွေမှာ တားဆီးပိတ်ပင်ခံနေရတာ ဖြစ်ပါတယ်။ ရှမ်းလူမျိုးအလိုက် အမျိုးသားအဆင့် ​နိုင်​ငံ​ရေး​ဆွေး​နွေးပွဲကို လာမယ့်​ ဇန်​နဝါရီလ လင်း​ခေးမှာ ပြုလုပ်​ခွင့်ရထားတာ ဖြစ်ပါတယ်။
4 years Ago

January 24, 2017

အမျိုးသားအဆင့် နိုင်ငံရေးဆွေးနွေးပွဲ ထားဝယ်တွင် စတင်

တိုင်းဒေသကြီး သို့မဟုတ် ပြည်နယ်အစိုးရအဖွဲ့ကသာ ဦးဆောင်ကျင်းပခွင့်ရှိတဲ့ ဒေသအလိုက် အမျိုးသားအဆင့် နိုင်ငံရေးဆွေးနွေးပွဲကို တနင်္သာရီတိုင်းဒေသကြီး၊ ထားဝယ်မြို့၊ ထားဝယ်တက္ကသိုလ် ခန်းမမှာ ဇန်နဝါရီ ၂၃ ရက်နေ့က စတင်ဆွေးနွေးနေပါတယ်။ ဒေသအလိုက် ဆွေးနွေးမယ့် အဆိုပါ အမျိုးသားအဆင့် နိုင်ငံရေးဆွေးနွေးပွဲကို တနိုင်ငံလုံးအနေနဲ့ ပထမဆုံးအကြိမ် ကျင်းပတဲ့ ဆွေးနွေးပွဲလည်း ဖြစ်ပါတယ်။ ဇန်နဝါရီ ၂၃ ရက်မှ ၂၅ ရက်နေ့အထိ ၃ ရက်တာကျင်းပမယ့် အဆိုပါ အမျိုးသားအဆင့် နိုင်ငံရေးဆွေးနွေးပွဲမှာ နိုင်ငံရေးကဏ္ဍ၊ စီးပွားရေးကဏ္ဍ၊ မြေယာနဲ့ သဘာဝပတ်ဝန်းကျင်ကဏ္ဍ ဆိုင်ရာ မူဝါဒစာတမ်းတွေကို တင်ပြဆွေးနွေး အတည်ပြုသွားမှာ ဖြစ်ပါတယ်။ ဆွေးနွေးပွဲ စတင်ကျင်းပမယ့် ပထမနေ့ရက်မှာတော့ နိုင်ငံရေးနဲ့ စီးပွားရေးကဏ္ဍဆိုင်ရာ မူဝါဒ စာတမ်းတွေကို ဖတ်ကြားသွားမှာဖြစ်ပြီး ဒုတိယနေ့ အစည်းအဝေးရက်မှာတော့ မြေယာနှင့် သဘာဝပတ်ဝန်းကျင်ကဏ္ဍဆိုင်ရာ မူဝါဒစာတမ်းတွေကို ဆက်လက်ဖတ်ကြား တင်ပြသွားမှာပါ။ ပြီးရင်တော့ အဲဒီမူဝါဒစာတမ်းတွေကို တက်ရောက်လာတဲ့ ကိုယ်စားလှယ်တွေက ဆွေးနွေးကြမှာဖြစ်ပြီး နောက်ဆုံးမှာတော့ အပြီးသတ်မူဝါဒအနေနဲ့ အတည်ပြု သတ်မှတ်ကြမှာပါ။ ဆွေးနွေးပွဲကို အစိုးရအဖွဲ့ဝင်တွေ၊ လွှတ်တော်၊ တပ်မတော်၊ တိုင်းရင်းသားလက်နက်ကိုင် တပ်ဖွဲ့ဝင်တွေ၊ တရားဝင်နိုင်ငံရေးပါတီတွေ၊ အရပ်ဘက်အဖွဲ့အစည်းနဲ့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနမှ ကိုယ်စားလှယ်တွေ အပါအဝင် စုစုပေါင်း ကိုယ်စားလှယ် ၇၀၀ ကျော် ဆွေးနွေးနေကြတာပါ။ အခုကျင်းပနေတဲ့ ဒေသအလိုက် အမျိုးသားအဆင့် နိုင်ငံရေးဆွေးနွေးပွဲက အတည်ပြုလိုက်တဲ့ မူဝါဒတွေကိုတော့ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီမှတဆင့် ၂၁ ရာစု ပြည်ထောင်စုငြိမ်းချမ်းရေးညီလာခံမှာ တင်ပြသွားမှာဖြစ်ပြီး နောက်ဆုံးမှာတော့ ပြည်ထောင်စုလွှတ်တော်က မူဝါဒတရပ်အနေနဲ့ အတည်ပြုပြဋ္ဌာန်းပေးရမှာပါ။ ထားဝယ်မှာကျင်းပနေတဲ့ အခုလို ဒေသအလိုက် အမျိုးသားအဆင့် နိုင်ငံရေးဆွေးနွေးပွဲတွေကို တိုင်းဒေသကြီး၊ ပြည်နယ်အစိုးရနဲ့ နေပြည်တော်ကောင်စီတို့ကသာ ခေါ်ယူကျင်းပခွင့်ရှိပြီး ဖွဲ့စည်းပုံ အခြေခံဥပဒေဆိုင်ရာကိစ္စတွေ၊ လူမျိုးရေးဆိုင်ရာ ကိစ္စရပ်တွေ၊ ဒေသဖွံ့ဖြိုးရေး ကိစ္စရပ်တွေနဲ့ မြေယာနဲ့ သဘာဝသယံဇာတ စီမံခန့်ခွဲရေး ကိစ္စရပ်တွေကိုသာ ဆွေးနွေးခွင့်ရှိတာပါ။ တနိုင်ငံလုံး အပစ်ခတ်ရပ်စဲရေး သဘောတူစာချုပ် အန်စီအေအရ အမျိုးသားအဆင့် နိုင်ငံရေးဆွေးနွေးပွဲတွေကို လူမျိုး၊ ဒေသ၊ အကြောင်းအရာအလိုက် အခြေခံပြီး ကရင်ပြည်နယ်၊ တနင်္သာရီတိုင်းဒေသကြီးနဲ့ နေပြည်တော်ကောင်စီနယ်မြေတို့မှာ ဆွေးနွေးကျင်းပသွားကြမှာ ဖြစ်ပါတယ်။ သတင်း၊ ဓာတ်ပုံ - ကျော်စိုး
5 years Ago
Up