နိုင်ငံရေးတက်ကြွလှုပ်ရှားသူ ၄၅၀ ကျော် အမှုရင်ဆိုင်နေရ

December 10, 2015

နိုင်ငံရေးတက်ကြွလှုပ်ရှားသူ ကိုသိန်းအောင်မြင့် လွတ်မြောက်

အလွတ်သတင်းထောက် ကိုပါကြီး (ခေါ်) ကိုအောင်ကျော်နိုင် အသတ်ခံရမှုနဲ့ပတ်သက်ပြီး မန္တလေးမှာ ဆန္ဒဖော်ထုတ်မှုနဲ့ တရားစွဲဆို ထောင်ချခံရတဲ့ ဒီမိုကရေစီရေး စဉ်ဆက်မပြတ် လှုပ်ရှားသူများအဖွဲ့ (အမ်ဒီစီအက်ဖ်) က ကိုသိန်းအောင်မြင့် ဒီကနေ့ မန္တလေး အိုးဘိုထောင်ကနေ ပြန်လည်လွတ်မြောက်လာပါတယ်။ လွတ်ရက်စေ့လို့ ပြန်လည်လွတ်မြောက်လာတာဖြစ်ပြီး တိုင်းပြည်အတွက် လုပ်နိုင်သလောက် ဆက်လုပ်သွားမယ်လို့ ပြန်လွတ်လာပြီး မီဒီယာနဲ့ တွေ့ဆုံစဉ် ပြောကြားသွားပါတယ်။ ဒါ့အပြင် လက်ရှိ ပြည်သူတွေ ရွေးချယ်တဲ့ အစိုးရတရပ် လက်ဝယ် အာဏာမရသရွေ့ အပြောင်းအလဲတခုဖြစ်တယ်လို့ မယူဆကြောင်း ပြောပါတယ်။ “ကျနော်တို့ ပြည်သူကိုယ်တိုင် ရွေးချယ်ထားတဲ့ အစိုးရတရပ်လက်ဝယ် အာဏာမရမချင်း ကျနေ်ာတို့ အပြောင်းအလဲလုပ်တယ်လို့ ကျနော်တို့ ယူဆလို့မရသေးပါဘူး။ အန်အယ်လ်ဒီ နိုင်ထားတဲ့အတွက် ကျနော်တို့ပြည်သူတွေ လိုလားနေတဲ့ ငြိမ်းချမ်းရေး ဖြစ်စဉ်ပဲဖြစ်ဖြစ်၊ တိုင်းပြည်ဖွံ့ဖြိုးတိုးတက်ရေးပဲဖြစ်ဖြစ် လူထုမျှော်လင့်နေတဲ့ အရာတွေ ဖြည်းဖြည်းချင်း ရလာလိမ့်မယ်လို့ ကျနော်မြင်ပါတယ်။” ကိုသိန်းအောင်မြင့်ဟာ ပြီးခဲ့တဲ့ မတ်လ ၂၃ ရက်နေ့ကလည်း လျှပ်စစ်မီတာခ တိုးမြှင့်လို့ ဆန္ဒပြခဲ့တဲ့အတွက် ပုဒ်မ ၁၈ နဲ့ ထောင်ဒဏ် ၆ လ ချမှတ်ခံထားရပါတယ်။ ဒါ့အပြင် အလွတ်သတင်းထောက် ကိုပါကြီး (ခေါ်) ကိုအောင်ကျော်နိုင် အသတ်ခံရမှုနဲ့ ပတ်သက်ပြီး မန္တလေးမှာ ဆန္ဒဖော်ထုတ်မှုနဲ့ သူ့ကို ဧပြီလမှာ နောက်ထပ် ၆ လ ချမှတ်ခံခဲ့ရပါတယ်။ ထောင်တွင်း ၉ လနီးမှာ အကျဉ်းကျခံပြီးမှ ဒီကနေ့ ပြန်လည်လွတ်မြောက်လာတာ ဖြစ်ပါတယ်။
5 years Ago

July 1, 2015

နော်အုန်းလှကို ခြွင်းချက်မရှိ လွှတ်ပေးရန် ကရင်အမျိုးသမီးအဖွဲ့ တောင်းဆို

ထောင်တွင်းအကျဉ်းကျခံနေရတဲ့ နိုင်ငံရေးတက်ကြွလှုပ်ရှားသူ နော်အုန်းလှကို ခြွင်းချက်မရှိ အမြန်ဆုံးလွှတ်ပေးဖို့ ကရင်အမျိုးသမီး အဖွဲ့အစည်းတွေက တောင်းဆိုလိုက်ပါတယ်။ ပြည်တွင်းအခြေစိုက် ကရင်အမျိုးသမီးများ ဖွံ့ဖြိုးတိုးတက်ရေးအဖွဲ့နဲ့ နယ်စပ်အခြေစိုက် ကရင်အမျိုးသမီးအစည်းအရုံးတို့က ပူးပေါင်းပြီး နော်အုန်းလှကို လွှတ်ပေးဖို့ ကြေညာချက်ထုတ်ပြန် တောင်းဆိုလိုက်တာဖြစ်ပါတယ်။ “ဘာကြောင့် လွှတ်ပေးဖို့ တောင်းဆိုရတာလဲဆိုတော့ ငြိမ်းချမ်းစွာ၊ လွတ်လပ်စွာ ထုတ်ဖော်ပြောဆိုခြင်းအားဖြင့် ဘယ်သူ့မှ ထောင်တွင်း အကျဉ်းကျမခံသင့်ဘူးလို့ ကျမတို့ ယုံကြည်တယ်။ နောက်တခုကကျတော့ မြန်မာအစိုးရအနေနဲ့ ပြည်တွင်းမှာ တကယ်ပဲ ပြုပြင်ပြောင်းလဲမှုကို တကယ်လိုလားတယ်ဆိုရင် ပြည်သူလူထုတွေကို လွတ်လပ်စွာ ထုတ်ဖော်ပြောဆိုခွင့် ပေးရမယ်” လို့ ကရင်အမျိုးသမီးအစည်းအရုံးရဲ့ တွဲဘက်အတွင်းရေးမှူး ၁ ဖြစ်တဲ့ နော်တာမလာစောက ပြောပါတယ်။ ဒါ့အပြင် နော်အုန်းလှဟာ  မိမိအကျိုးအတွက်မပါဘဲ အများပြည်သူ အခွင့်အရေးပြန်ရရှိရေး အတွက် လှုပ်ရှားတိုက်ပွဲဝင်နေတဲ့ အမျိုးသမီးတဦး ဖြစ်တာကြောင့် ပြန်လွှတ်ပေးဖို့ တောင်းဆိုတယ်လို့လည်း ပြောပါတယ်။ နော်အုန်းလှဟာ ပြီးခဲ့တဲ့ ၂၀၀၇ ခုနှစ်က လူထုခေါင်းဆောင် ဒေါ်အောင်ဆန်းစုကြည် လွတ်မြောက်ရေး ရွှေတိဂုံဘုရားမှာ ၀တ်ပြုဆုတောင်းခဲ့တာကြောင့် ဇွန် ၂၉ ရက်နေ့က ထောင်ဒဏ် ၆ လ ချမှတ်ခံခဲ့ရပါတယ်။ ဒါ့အပြင် မနှစ် ဒီဇင်ဘာလအတွင်း ဖြစ်ပွားခဲ့တဲ့ လက်ပံတောင်းဒေသ အဓိကရုဏ်းမှာ မိုးကြိုးပြင် အလယ်ရွာသူ ဒေါ်ခင်ဝင်း သေနတ်ထိမှန် သေဆုံးရတဲ့ဖြစ်ရပ် အမှုမှန်ပေါ်ပေါက်ရေးနဲ့ ကြေးနီစီမံကိန်း ရပ်ဆုိုင်းပေးရေးအတွက် တရုတ်သံရုံးရှေ့မှာ ချီတက်ဆန္ဒပြမှုနဲ့ ပတ်သက်ပြီး ပြီးခဲ့တဲ့ မေလက တခြားလှုပ်ရှားသူတွေနဲ့ ထောင်ဒဏ် ၄ နှစ် ၄ လ  ချမှတ်ခံထားရသူဖြစ်ပါတယ်။ ဒါ့အပြင် တရုတ်သံရုံးရှေ့မှာ လမ်းလျှောက်ချီတက်မှုနဲ့ အလုံ၊ ကျောက်တံတား၊ စမ်းချောင်း အစရှိတဲ့ မြို့နယ်တွေကလည်း သူ့ကို ပုဒ်မ ၁၈ နဲ့ တရားစွဲဆိုထားပါတယ်။ မြန်မာနိုငံအစိုးရအနေနဲ့  အများပြည်သူမှ လွတ်လပ်စွာထုတ်ဖော်ပြောဆိုခြင်း၊ ဆန္ဒထုတ်ဖော်ခြင်းများအပြင် အစိုးရအပေါ် ဝေဖန်သုံးသပ်ခြင်းများကိုလည်း လေးစားသင့်ကြောင်းနဲ့  မိမိတို့ရဲ့အမြင် အယူအဆတွေ ထုတ်ဖော်ခြင်းအပေါ် ခြိမ်းခြောက်တာ၊ ဖမ်းဆီးတာတွေ မဖြစ်သင့်ကြောင်းလည်း ကရင်အမျိုးသမီးအဖွဲ့တွေက ဝေဖန်ထားပါတယ်။ ဒါ့အပြင် နော်အုန်းလှနှင့်အတူ အခြားသော ငြိမ်းချမ်းစွာ ဆန္ဒထုတ်ဖော်ခြင်းကြောင့် ဖမ်းဆီး ထောင်ချ စွဲချက်တင်ခံထားရသူအားလုံးကို အမှုအားလုံးကနေ ခြွင်းချက်မရှိ ချက်ချင်းလွှတ်ပေးဖို့လည်း တောင်းဆိုထားပါတယ်။
6 years Ago
More News
Up