နုတ်ထွက်

April 20, 2019

မာလီဝန်ကြီးချုပ်နှင့် အစိုးရတဖွဲ့လုံး ရာထူးမှနုတ်ထွက်

ဖူလာနီမျိုးနွယ်စုအယောက်  ၁၆၀ အစုလိုက် သတ်ဖြတ်ခံရပြီး တလအကြာ ဧပြီလ ၁၈ ရက်က  မာလီဝန်ကြီးချုပ်နဲ့ အစိုးရတဖွဲ့လုံး ရာထူးကနေ နုတ်ထွက်သွားခဲ့ပါတယ်။ ၀န်ကြီးချုပ် ဆူမေလူဘူဘဲမေဂါနဲ့ အစိုးရတဖွဲ့လုံးရဲ့ နုတ်ထွက်စာကို သမ္မတက လက်ခံခဲ့တယ်လို့ မာလီသမ္မတရုံးက သတင်းထုတ်ပြန်ခဲ့တာပါ။ ၀န်ကြီးချုပ်နဲ့ အစိုးရအဖွဲ့ နုတ်ထွက်ရတဲ့ အကြောင်းရင်းကို မပြောကြားပေမယ့် အစုလိုက်သတ်ဖြတ်မှုနဲ့ ပြည်သူ့စစ်တွေကို လက်နက်မဖြုတ်သိမ်းနိုင်တာမို့ ဧပြီ ၁၇ ရက်က မာလီ ဥပဒေပြုအမတ်တွေက အစိုးရအပေါ် အယုံအကြည်မရှိ အဆိုတင်သွင်းဖို့ ဆွေးနွေးခဲ့ပါတယ်။ မတ်လ ၂၃ ရက်က  မာလီနိုင်ငံ အလယ်ပိုင်းမှာ  ဖူလာနီမျိုးနွယ်စု တိရစ္ဆာန် မွေးမြူရေး သမားတွေကို သေနတ်သမားတွေ သတ်ဖြတ်တာကြောင့် လူ ၁၆၀ သေဆုံးခဲ့ပါတယ်။ ဒီအကြမ်းဖက်မှုဟာ မာလီနိုင်ငံအတွင်း အကြမ်းဖက်အဖွဲ့တွေကို အစိုးရက နှိမ်နင်းပြီးနောက်မှာ ပေါ်ပေါက်ခဲ့ပြီး မာလီနိုင်ငံကို တုန်လှုပ်စေတယ်လို့ ရိုက်တာသတင်းမှာ ဖော်ပြထားပါတယ်။
3 years Ago

March 23, 2019

တောင်ကိုရီးယားနှင့် နှစ်နိုင်ငံဆက်ဆံရေးရုံးထားရှိမှု မြောက်ကိုရီးယား နုတ်ထွက်

ဟနွိုင်း ထိပ်သီးဆွေးနွေးပွဲ ပျက်ပြားပြီးနောက်ပိုင်း အမေရိကန် အစိုးရက မြောက်ကိုရီးယားအပေါ် ပထမဆုံး ဒဏ်ခတ်မှုပြုလုပ်တဲ့အတွက် မြောက်ကိုရီးယားဟာ မတ်လ ၂၂ ရက်က တောင်ကိုရီးယားနဲ့ နှစ်နိုင်ငံ ဆက်ဆံရေးရုံးထားရှိတာကနေ နုတ်ထွက်လိုက်ပါတယ်။ မြောက်ကိုရီးယား  တာဝန်ရှိသူတွေဟာ အထက်ညွှန်ကြားချက်အရ နှစ်နိုင်ငံ ဆက်ဆံရေး ရုံးကနေ ထွက်ခွာသွားတယ်လို့ တောင်ကိုရီးယား ပြန်လည်ပေါင်းစည်းရေး ဒုတိယ၀န်ကြီး ချွန်းဟယ်ဆောင်းက သတင်းစာရှင်းလင်းပွဲမှာ ပြောကြားပါတယ်။ အဲဒီဆက်ဆံရေးရုံးကို ပြီးခဲ့တဲ့ စက်တင်ဘာလက မြောက်ကိုရီးယားနယ်စပ် ခေးဆောင် စက်မှုဇုန်အတွင်း ဖွင့်ခဲ့တာပါ။ ဒုတိယ ၀န်ကြီး ချွန်းဟယ်ဆောင်းက မြောက်ကိုရီးယားဘက်က အဲဒီလို ဆုံးဖြတ်တဲ့အပေါ် စိတ်မကောင်း ဖြစ်ရတယ်လို့ပြောကြားပြီး ဆက်ဆံရေးရုံး အမြန်ဆုံး ပုံမှန်ပြန်ဖြစ်ဖို့ တိုက်တွန်းခဲ့ပါတယ်။
3 years Ago
More News
Up