နိုင်ငံခြားရင်းနှီးမြှုပ်နှံမှု ကန်ဒေါ်လာ ၈ ဘီလီယံကျော် မြန်မာရရှိ

December 28, 2017

နိုင်ငံခြားရင်းနှီးမြှုပ်နှံမှု ယမန်နှစ်ကထက် ဒေါ်လာသန်းတစ်ထောင်ခန့် ပိုများလာ

  ၂၀၁၇ ခုနှစ် တစ်နှစ်လုံးမှာ နိုင်ငံခြားတိုက်ရိုက်ရင်းနှီးမြှုပ်နှံမှု(FDI)အဖြစ် ကုန်ထုတ်လုပ်မှုနဲ့ ပို့ဆောင်ဆက်သွယ်ရေးလုပ်ငန်းတွေ ပြည်တွင်းကို အများဆုံး ဝင်ရောက်လာတယ်လို့  မြန်မာနိုင်ငံရင်းနီးမြှုပ်နှံမှုကော်မရှင်က  သိရပါတယ်။ ရင်းနှီးမြှုပ်နှံမှုပမာဏကတော့ အမေရိကန်ဒေါ်လာသန်း ၅၀၀၀ ကျော်ရှိနေပြီးတော့ ပြီးခဲ့တဲ့ ၂၀၁၆ ခုနှစ်ကထက် သန်း ၁၀၀၀ လောက်ပိုများတယ်လို့ဆိုပါတယ်။ ရန်ကုန်တိုင်းဒေသကြီး၊  မန္တလေးတိုင်းဒေသကြီးနဲ့ ကချင်ပြည်နယ်တွေက ရင်းနှီးမြှုပ်နှံမှု အများဆုံးဒေသတွေအဖြစ် ဦးဆောင်နေပြီးတော့ ရခိုင်၊ ချင်းနဲ့ကယားပြည်နယ်တွေမှာ နိုင်ငံခြား ရင်းနှီးမြှုပ်နှံမှု လုံးဝမဝင်ရောက်ခဲ့ဘူးလို့ ဆိုပါတယ်။ ၂၀၁၇  အောက်တိုဘာနဲ့ နိုဝင်ဘာ နှစ်လအတွင်းမှာဘဲ လုပ်ငန်းပေါင်း ၃၀ကျော်ကနေ  နိုင်ငံခြားရင်းနှီးမြှုပ်နှံမှု ပမာဏ  ဒေါ်လာသန်း ၃၄၀ ကျော်ဝင်ရောက်ခဲ့ကာ ပြည်တွင်း လုပ်သားတွေ ဦးရေ ၁သောင်းခွဲလောက်အတွက် အလုပ်အကိုင်တွေ ဖန်တီးပေးနိုင်ခဲ့တယ်လို့ အစိုးရတရားဝင်ထုတ်ပြန်တဲ့ စာရင်းအရ သိရပါတယ်။ အခုနှစ်ကုန်ပိုင်း နောက်ဆုံး ၃ လအတွင်း မြန်မာနိုင်ငံကို ဝင်ရောက်လာတဲ့ ရင်းနှီးမြှုပ်နှံမှုလုပ်ငန်းတွေထဲမှာ လျှစ်ဓာတ်အားထုတ်လုပ်တဲ့ လုပ်ငန်း၊ ပို့ဆောင်ဆက်သွယ်ရေးနဲ့ စက်မှုလုပ်ငန်းတွေ  ပါဝင်ပါတယ်။
4 years Ago

October 4, 2017

နိုင်ငံခြားရင်းနှီးမြှုပ်နှံသူများနှင့် ယှဉ်ပြိုင်ပြီး သစ်လေလံ ဝယ်ယူရသည့်စနစ် တိုင်းရင်းသား လုပ်ငန်းရှင်များအတွက် မမျှမတဖြစ်နေ

မြန်မာနိုင်ငံမှာ သစ်ထုတ်လုပ်မှုကို အစိုးရက ထိန်းချုပ်ထားတာဖြစ်ပြီး၊ သစ်လုပ်ငန်းမှာ နိုင်ငံခြားရင်းနှီးမြှုပ်နှံသူတွေနဲ့ ယှဉ်ပြိုင်ပြီးလေလံဝယ်ယူရတဲ့စနစ်ဟာ တိုင်းရင်းသား လုပ်ငန်းရှင်တွေအတွက် မမျှတဘူးလို့ မြန်မာနိုင်ငံသစ်လုပ်ငန်းရှင်များအသင်းက ပြောပါတယ်။ မြန်မာနိုင်ငံမှာ နိုင်ငံခြားသားရင်းနှီးမြှုပ်နှံသူတွေ ပိုမိုဝင်ရောက်လာဖို့ မြန်မာနိုင်ငံ ရင်းနှီးမြှုပ်နှံမှု ဥပဒေအသစ်ကို ပြဋ္ဌာန်းထားပါတယ်။ အဲဒီဥပဒေအရ နိုင်ငံခြားသားတွေကို အရင်ထက်စာရင် လုပ်ကိုင်ခွင့်ပိုမိုရရှိအောင် ရေးဆွဲထားတာပါ။ မြန်မာနိုင်ငံမှာ သစ်ထုတ်လုပ်မှုကို အစိုးရက ထိန်းချုပ်ထားတာဖြစ်ပြီး၊ အခု မြန်မာနိုင်ငံ ရင်းနှီးမြှုပ်နှံမှုဥပဒေအသစ်အရ သစ်လုံးတွေကို လေလံတင်တဲ့အခါ နိုင်ငံခြားသားတွေကို ၀ယ်ယူခွင့်ပေးထားတာပါ။ အဲဒီလိုပေးထားတာဟာ မမျှတတဲ့သဘောဖြစ်နေတာကြောင့် နိုင်ငံခြားသားတွေကို သစ်အချော အဆင့်ထုတ်တဲ့လုပ်ငန်းတွေမှာပဲ လုပ်ကိုင်ခွင့်ပြုဖို့ သစ်လုပ်ငန်းရှင်တွေဘက်က တောင်းဆိုတာတွေရှိပါတယ်။ ဒါ့အပြင် သစ်လုံးတွေကို အစိုးရဆီကလေလံဆွဲတဲ့အခါ အထူးကုန်စည်ခွန်ပါတစ်ခါတည်း ပါဝင်နေတဲ့အပေါ် လုပ်ငန်းရှင်တော်တော်များများမသိတဲ့အတွက် အခွန်(၂)ခါဆောင်ရသလို ဖြစ်နေတယ်လို့ ပြောပါတယ်။ မြန်မာ့သစ်လုပ်ငန်းကနေ ၂၀၁၃-၂၀၁၄ခုနှစ်ဘဏ္ဍာနှစ်မှာ ၇၈ ဘီလျံ၊၂၀၁၄-၂၀၁၅မှာ ၁၀၅ ဘီလျံ၊ ၂၀၁၅-၂၀၁၆ မှာ ၁၂၆ ဘီလျံနဲ့ ၂၀၁၆-၂၀၁၇ မှာ ၁၂၄ ဘီလျံအထိရရှိခဲ့ပြီး နှစ်စဉ်သစ်ဖမ်းဆီးရ မိတာတွေတိုးလာတယ်လို့ မြန်မာ့သစ်လုပ်ငန်းရဲ့ စာရင်းတွေမှာ ဖော်ပြထားပါတယ်။ မြန်မာ့နိုင်ငံမှာ သစ်ခုတ်ခွင့်ကို မြန်မာ့သစ်လုပ်ငန်းကပဲ လုပ်ပိုင်ခွင့်ရှိတာဖြစ်ပြီး၊ မြန်မာ့သစ်လုပ်ငန်းအနေနဲ့ သစ်ရောင်းချဖြန့်ဖြူးတာကို ပြည်တွင်းသစ်ရောင်းဝယ်ရေး သစ်စက်ဋ္ဌာန၊ ပြည်ပသစ်ရောင်းဝယ်ရေး သစ်စက်ဋ္ဌာနနဲ့သစ်အခြေခံဋ္ဌာန ၃ ခုကနေ မြန်မာ့နိုင်ငံက သစ်တွေကို ရောင်းချနေတာပါ။ မြန်မာနိုင်ငံမှာ  အစိုးရသစ်စက် ၅၈ ရုံရှိပြီး၊ လက်ရှိစက် ၇ ရုံသာ လည်ပတ်နေပါတယ်။
4 years Ago
More News
Up