နိုင်ငံရေးဆွေးနွေးပွဲ

May 4, 2018

မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ၃ ရက်ကြာ ကျင်းပမည်

မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကို မေ ၅ ရက်ကနေ ၇ ရက်အထိ မွန်ပြည်နယ် ရေးမြို့မှာ နေရာသုံးနေရာခွဲပြီးကျင်းပမယ်လို့ ဆွေးနွေးပွဲ ကျင်းပရေးကော်မတီထံမှ သိရပါတယ်။ ပြည်သူ့အားကစားရုံမှာ ကျင်းပမယ့် ဖွင့်ပွဲအခမ်းအနားကို အစိုးရဘက်က ဒေါက်တာတင်မျိုးဝင်း ဦးဆောင်တဲ့ ငြိမ်းချမ်းရေးကော်မရှင်အဖွဲ့၊ ပြည်ထောင်ငြိမ်းချမ်းရေး ပူးတွဲကော်မတီ၊ အပစ်ခတ်ရပ်စပ်ရေးဆိုင်ရာ ပူးတွဲစောင့်ကြည့်ရေးကော်မတီနဲ့ မွန်ပြည်နယ်ဝန်ကြီးချုပ် အပါဝင် အစိုးရတာဝန်ရှိသူတွေ တက်ရောက်မှာပါ။ မွန်ပြည်သစ်ပါတီဘက်ကတော့ ဥက္ကဋ္ဌ နိုင်ထောမွန် ဦးဆောင်တဲ့ တာဝန်ရှိသူတွေ၊ နိုင်ငံရေးပါတီဝင်တွေ၊ မွန်အရပ်ဘက်အဖွဲ့အစည်း ကိုယ်စားလှယ်တွေနဲ့ ဖိတ်ကြားထားသူတွေက တက်ရောက်မယ်လို့ ကျင်းပရေးကော်မတီထံက သိရပါတယ်။ သုံးရက်ကြာဆွေးနွေးပွဲမှာ နိုင်ငံရေး၊ စီးပွားရေး၊ လူမှုရေးနဲ့ မြေယာနှင့် သယံဇာတ သဘာဝပတ်ဝန်းကျင်အရေး  အဓိကကဏ္ဍလေးခုကို ဆွေးနွေးကြမှာဖြစ်ပါတယ်။ ပြည်သူ့အားကစားရုံမှာ နိုင်ငံရေးကဏ္ဍ ဆွေးနွေးမှာဖြစ်ပြီး   အ.ထ.က (၁) စာသင်ကျောင်းမှာတော့ စီးပွားရေး၊ လူမှုရေးကဏ္ဍ ဆွေးနွေးကြမှာဖြစ်သလို တပလ္လင်နှစ်ဆူ ဓမ္မာရုံမှာတော့  မြေယာနှင့်သယံဇာတသဘာဝပတ်ဝန်းကျင်ဆိုင်ရာ ကဏ္ဍ ဆွေးနွေးမှာပါ။ ကဏ္ဍအလိုက် ဆွေးနွေးမှုတွေကို မွန်ပြည်သစ်ပါတီက တာဝန်ရှိသူတွေ၊ မွန်အမျိုးသားပါတီ၊ မွန်ဒေသလုံးဆိုင်ရာပါတီ၊ မွန်အရပ်ဖက်အဖွဲ့အစည်းတွေနဲ့ ပါဝင်သင့်ပါဝင်ထိုက်တဲ့ ဖိတ်ကြားထားသူ ကိုယ်စားလှယ် ၅၀၀ ဦးက ဆွေးနွေးသွားကြမှာဖြစ်ပါတယ်။
4 years Ago

April 3, 2018

အမျိုးသားအဆင့် နိုင်ငံရေးဆွေးနွေးပွဲတွင် မွန်တိုင်းရင်းသားတို့၏ လိုလားချက်များ ဖော်ပြခွင့်ရမည်

မွန်တိုင်းရင်းသားတွေရဲ့ လိုလားချက်တွေနဲ့ သဘောထားဆန္ဒတွေကို မွန်ပြည်သစ်ပါတီ အနေနဲ့ အမျိုးသားအဆင့် နိုင်ငံရေးဆွေးနွေးပွဲတွေ ကျင်းပပြီး ဖော်ပြခွင့်ရရှိတော့မှာ ဖြစ်တယ်လို့ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန ဒုဥက္ကဋ္ဌ ပြည်ထောင်စုဝန်ကြီး ဦးကျော်တင့်ဆွေက ပြောပါတယ်။ ဧပြီလ ၂ ရက်က မွန်ပြည်နယ်အစိုးရအဖွဲ့ရုံး၊ အောင်ဆန်းခန်းမမှာ  ကျင်းပတဲ့ မွန်ပြည်နယ် အမျိုးသားအဆင့် နိုင်ငံရေးဆွေးနွေးပွဲဆိုင်ရာ ညှိနှိုင်းအစည်းအဝေးမှာ ပြောကြားခဲ့တာ ဖြစ်ပါတယ်။ ဝန်ကြီး ဦးကျော်တင့်ဆွေက “နိုင်ငံရေးဆွေးနွေးပွဲတွေက ရရှိလာတဲ့ မူဝါဒ အဆိုပြုချက်တွေကို ဆွေးနွေးဆုံးဖြတ် အတည်ပြုပေးမယ့် ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေးကို နေပြည်တော်မှာ ၂၀၁၈ ခုနှစ်၊ ဧပြီလကုန် မေလဆန်းမှာ ကျင်းပပြုလုပ်ဖို့ အတွက် ၇ ကြိမ်မြောက် JICM အစည်းအဝေးက သဘောတူထားတာပါ။ ဒါကြောင့် မွန်ပြည်သစ်ပါတီအနေနဲ့ အမျိုးသားအဆင့် နိုင်ငံရေးဆွေးနွေးပွဲကို ကျင်းပပြီး မွန်တိုင်းရင်းသားတွေရဲ့ လိုလားချက်တွေ သဘောထားဆန္ဒတွေကို ဖော်ပြခွင့်ရရှိတော့မှာ ဖြစ်ပါတယ်”လို့ ပြောပါတယ်။ မွန်ပြည်နယ် အမျိုးသားအဆင့်နိုင်ငံရေးဆွေးနွေးပွဲကို ရေးမြို့နယ်မှာ ကျင်းပမှာဖြစ်ပြီး အောင်အောင်မြင်မြင် ကျင်းပနိုင်ဖို့နဲ့ လိုအပ်တာတွေကို ကြီးကြပ်ဆောင်ရွက်ပေးနိုင်ဖို့အတွက် မွန်ပြည်နယ် အမျိုးသားအဆင့် နိုင်ငံရေးဆွေးနွေးပွဲကြီးကြပ်မှုကော်မတီကိုလည်း ဖွဲ့စည်းပေးထားတယ်လို့  အဆိုပါညှိနှိုင်းအစည်းဝေးက သိရပါတယ်။ “အစိုးရအပေါ် ယုံကြည်နားလည်မှုအပြည့်နဲ့ အန်စီအေမှာ လက်မှတ်ရေးထိုး ပါဝင်လာတဲ့ မွန်ပြည်သစ်ပါတီအတွက် အစစအရာရာ အဆင်ပြေချောမွေ့အောင် အစိုးရအနေနဲ့ ဆောင်ရွက် ပေးဖို့တာဝန်ရှိပါတယ်။ မွန်ပြည်သစ်ပါတီရဲ့ လူမျိုးအလိုက် အမျိုးသားအဆင့် နိုင်ငံရေး ဆွေးနွေးပွဲကိုလည်း အောင်အောင်မြင်မြင်နဲ့ ဖြစ်စေချင်တယ်။ ထပ်ပြီးလိုအပ်ချက်တွေရှိခဲ့ရင် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနအနေနဲ့ ညှိနှိုင်းဖြည်းဆည်း ဆောင်ရွက် ပေးသွားမှာပါ”လို့ ဦးကျော်တင့်ဆွေက အစည်းအဝေးမှာ ပြောပါတယ်။ ညှိနှိုင်းအစည်းအဝေးကို ငြိမ်းချမ်းရေးကော်မရှင် ဥက္ကဋ္ဌ ဒေါက်တာတင်မျိုးဝင်း၊ မွန်ပြည်နယ်ဝန်ကြီးချုပ် ဒေါက်တာအေးဇံ၊ ငြိမ်းချမ်းရေးကော်မရှင် အတွင်းရေးမှူး ဒုဗိုလ်ချုပ်ကြီး ခင်ဇော်ဦး (ငြိမ်း)၊ ငြိမ်းချမ်းရေး ကော်မရှင်အကြံပေး ဦးလှမောင်ရွှေ၊ နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေး၊ UPDJC နိုင်ငံရေးပါတီအစုအဖွဲ့မှ ဦးသုဝေ၊ ဦးမင်းဇေယျာဦး၊ မွန်ပြည်နယ်အစိုးရအဖွဲ့ဝင် ဝန်ကြီးတွေ ပြည်နယ် အမျိုးသားအဆင့်နိုင်ငံရေးဆွေးနွေးပွဲ ကြီးကြပ်ရေးအဖွဲ့ဝင်တွေ တက်ရောက်ခဲ့ပါတယ်။ သတင်း - ယူမင်းစိုး
4 years Ago
Up