ကြိုးတံတား

A d v e r t i s e m e n t With Us

June 7, 2018

ဧရာဝတီတိုင်းရှိ ကြိုးတံတားများ ယာဉ်ဖြတ်သန်းနိုင်သည့် တန်ချိန်လျှော့ချ သတ်မှတ်

ဧရာဝတီတိုင်းဒေသကြီးအတွင်းက ကြိုးတံတားတွေအားလုံးကို ယာဉ်ဖြတ်သန်းနိုင်တဲ့ တန်ချိန်တွေ လျှော့ချသတ်မှတ်လိုက်ပါတယ်။ မြောင်းမြကြိုးတံတား ပျက်ကျပြီးနောက် ပုသိမ်ကြိုးတံတား အပါအဝင် မြို့နယ်ချင်း ဆက်သွယ်ထားတဲ့ ကြိုးတံတား ၆ စင်းကို ပညာရှင်တွေနဲ့ စစ်ဆေးခဲ့တာတွေ လုပ်ဆောင်ခဲ့အပြီးမှာ ယာဉ်ဖြတ်သန်းနိုင်တဲ့ တန်ချိန်တွေကို လျှော့ချသတ်မှတ်လိုက်တာလို့ တိုင်းဒေသကြီး လျှပ်စစ်စွမ်းအင်စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဦးဝင်းဌေးက ပြောပါတယ်။ တန်ချိန်တွေ လျှော့ချ သတ်မှတ်လိုက်ပြီးနောက်မှာလည်း တန်ပိုယာဉ်တွေ ဖြတ်သန်းတာ မရှိအောင် စောင့်ကြည့်မှုတွေ ပြုလုပ်နေတယ်လို့လည်း ပြောပါတယ်။ အခုလို တန်ချိန်တွေ ကန့်သတ်လိုက်တဲ့ ကြိုးတံတားတွေထဲမှာ ဝါးခယ်မမြို့နယ်က ရွှေလောင်းကြိုးတံတားကတော့ ကြံ့ခိုင်မှုအနည်းဆုံးအခြေအနေဖြစ်တဲ့ Grade 5 အဆင့်မှာ ရှိနေပါတယ်။ တံတားရဲ့ ထိန်းကြိုးတချို့ ပြတ်တောက်နေလို့ ခရီးသည်တင်ယာဉ်တွေနဲ့ လိုက်ပါလာတဲ့ ခရီးသည်တွေ လမ်းဆင်းလျှောက်ကြဖို့ အသိပေး ထုတ်ပြန်ထားပြီး ကျွန်းကုန်းတံတားကလည်း တံတားကြံ့ခိုင်မှုကို စိုးရိမ်ရတဲ့အတွက်  ခရီးသည်တွေ လမ်းဆင်းလျှောက်နေကြရပါတယ်။
3 years Ago

April 17, 2018

တနိုင်ငံလုံးရှိ ကြိုးတံတား ၂၉ စင်းကို နိုင်ငံခြားပညာရှင်များဖြင့် စစ်ဆေးမည်

ပြည်သူတွေ လမ်းပန်းဆက်သွယ်မှု ချောမွေ့ရေးနဲ့ အန္တရာယ်ကင်းရှင်းရေးအတွက် တနိုင်ငံလုံးရှိ ကြိုးတံတားတွေကို စစ်ဆေးပေးသွားမယ်လို့ သမ္မတ ဦးဝင်းမြင့် ပြောကြားလိုက်ပါတယ်။ တနိုင်ငံလုံးရှိ ကြိုးတံတား ၂၉ စင်းကို ၃ လအတွင်း နိုင်ငံခြားပညာရှင်တွေနဲ့အတူ အသေးစိတ်စစ်ဆေးပေးမှာဖြစ်ပြီး အန္တရာယ်ရှိနိုင်တဲ့ ကြိုးတံတားတွေကိုလည်း ၆ လအတွင်း ဦးစားပေး ပြင်ဆင်ပေးသွားမယ်လို့ ဆိုပါတယ်။ သမ္မတ ဦးဝင်းမြင့်က နှစ်သစ်ကူး မိန့်ခွန်းမှာ အခုလို ပြောကြားခဲ့တာပါ။ ဒါ့အပြင် လျှပ်စစ်ဝန်ကြီးဌာနအနေနဲ့ လျှပ်စစ်မီးတိုးမြှင့်ရရှိရေးအတွက် အခုလက်ရှိထုတ်လုပ်မှု မဂ္ဂါဝပ် ၃၀၀၀ မှ လာမယ့် ၃ နှစ်အတွင်း မဂ္ဂါဝပ် ၃၀၀၀ ထပ်မံတိုးမြှင့်၍ စုစုပေါင်းမဂ္ဂါဝပ် ၆၀၀၀ ထုတ်လုပ်သွားမယ်လို့ နှစ်သစ်ကူး မိန့်ခွန်းမှာ သမ္မတ ဦးဝင်းမြင့်က ပြောတယ်။ လျှပ်စစ်ဓာတ်အားဖြန့်ဖြူးရေးမှာ လက်ရှိသုံးစွဲနေတဲ့ (230) KV လိုင်းအပြင် နောက်ထပ် (500) KV လိုင်းကိုလည်း ၃ နှစ်အတွင်း တိုးချဲ့ပြီး ဖြန့်ဖြူးပေးမယ်လို့ ဆိုပါတယ်။ ဆောက်လုပ်ရေးဝန်ကြီးဌာနအနေနဲ့လည်း လာမယ့် ၁ နှစ်အတွင်း လမ်းမကြီးအတွက် မိုင်ပေါင်း ၁၀၀ အသစ်ဖောက်လုပ်မှာဖြစ်ပြီး လက်ရှိအသုံးပြုနေတဲ့ ကျောက်လမ်းတွေထဲက မိုင် ၂၀၀ ကို ကတ္တရာခင်းခြင်း သို့မဟုတ် ကွန်ကရစ်ခင်းခြင်း ပြုလုပ်ပေးမယ်၊ ကျေးလက်လမ်းတွေ အနေနဲ့လည်း မိုင်ပေါင်း ၆၀၀ လောက် ကျေးလက်လမ်းအသစ် ဖောက်လုပ်ပေးမယ်၊ လက်ရှိ အသုံးပြုနေတဲ့ ကျေးလက်လမ်းတွေထဲ မိုင် ၁၀၀၀ လောက်ကို ကွန်ကရစ် သို့မဟုတ် ကတ္တရာလမ်းအဖြစ် အဆင့်မြှင့် ခင်းပေးမယ်လို့ သမ္မတက ပြောပါတယ်။ ပြီးခဲ့တဲ့ ဧပြီ ၁ ရက်နေ့ မနက်ပိုင်းက မြောင်းမြ မြစ်ကူးကြိုးတံတားကြီး ရွေးမြစ်ထဲကို ပြတ်ကျသွားလို့ ခြောက်ဘီးကုန်တင်ယာဉ်နဲ့အတူ လူ ၂ ဦး သေဆုံးမှုဖြစ်ပေါ်ခဲ့ပြီးနောက် ကြိုးတံတားတွေကို စစ်ဆေးသွားမယ်လို့ သမ္မတက ပြောကြားခဲ့တာလည်းဖြစ်ပါတယ်။
3 years Ago
Up