မြို့နယ်ဘောလုံးအဖွဲ့ချုပ်များ ဖွဲ့စည်းရေး စီမံချက် ရေးဆွဲအကောင်အထည်ဖော်မည်

January 5, 2018

မြို့နယ်ဘောလုံးအဖွဲ့ချုပ်များ ဖွဲ့စည်းရေး စီမံချက် ရေးဆွဲအကောင်အထည်ဖော်မည်

ကမ္ဘာ့ဘောလုံးအဖွဲ့ချုပ်မှာ အဖွဲ့ဝင်နိုင်ငံပေါင်း ၂၁၁ နိုင်ငံရှိသလို မြန်မာနိုင်ငံဘောလုံးအဖွဲ့ချုပ်မှာလည်း အဖွဲ့ဝင်တွေ အဆင့်ဆင့် ဖွဲ့စည်းသွားမှာဖြစ်တယ်လုို့ သိရပါတယ်။ ကမ္ဘာ့ဘောလုံးအဖွဲ့ချုပ်ရဲ့ ဖွဲ့စည်းပုံနဲ့အညီ ဆောင်ရွက်နိုင်ရေးအတွက် အဖွဲ့ဝင် မြို့နယ်ဘောလုံးအဖွဲ့ချုပ်တွေ ဖွဲ့စည်းရေး စီမံချက်ကို မြန်မာနိုင်ငံဘောလုံးအဖွဲ့ချုပ်က ရေးဆွဲ အကောင်အထည်ဖော်မှာ ဖြစ်ပါတယ်။ ပြည်ထောင်စုအစိုးရရဲ့ ခွင့်ပြုချက်နဲ့ ကျန်းမာရေးနှင့် အားကစားဝန်ကြီးဌာန၊ ပညာရေးဝန်ကြီးဌာန၊ ပြည်ထဲရေးဝန်ကြီးဌာနတို့နဲ့ ပူးပေါင်းပြီး သက်ဆိုင်ရာ တိုင်းဒေသကြီးနဲ့ ပြည်နယ်အစိုးရအဖွဲ့တွေနဲ့ ပူးတွဲဆောင်ရွက်သွားမှာပါ။ မြို့နယ်ဘောလုံးအဖွဲ့ချုပ်တွေ ဖွဲ့စည်းရေးအတွက် မြန်မာနိုင်ငံဘောလုံးအဖွဲ့ချုပ် ကိုယ်စားလှယ်အဖွဲ့တွေ အနေနဲ့ ဇန်နဝါရီ ၅ ရက်နေ့မှာ ရန်ကုန်တိုင်းဒေသကြီးက တာဝန်ရှိသူတွေနဲ့ တွေ့ဆုံခဲ့ပါတယ်။ ဇန်နဝါရီ ၈ ရက်နေ့မှာ ချင်းပြည်နယ်နဲ့ ကရင်ပြည်နယ်၊ ဇန်နဝါရီ ၁၀ ရက်နေ့မှာ  မွန်ပြည်နယ်၊ ဇန်နဝါရီ ၁၁ ရက်နေ့မှာ တနင်္သာရီတိုင်းဒေသကြီးတို့ကို  သွားရောက်ကြမှာ ဖြစ်ပါတယ်။ သက်ဆိုင်ရာ တိုင်းဒေသကြီးနဲ့ ပြည်နယ်အစိုးရအဖွဲ့က တာဝန်ရှိသူတွေနဲ့ ဘောလုံးအားကစား ကျွမ်းကျင်သူတွေ၊ မြို့မိမြို့ဖတွေနဲ့ တွေ့ဆုံပြီး မြို့နယ်ဘောလုံးအဖွဲ့ချုပ်တွေ ဖွဲ့စည်းပုံကို ရှင်းလင်းတင်ပြကြမှာ ဖြစ်ပါတယ်။
3 years Ago
Up