ဗြိတိန်တော်ဝင်မင်းသား

June 27, 2019

“ကျနော့်ကလေးတွေ ဂေးဖြစ်နေရင်တောင် ကျနော် ပံ့ပိုးပေးသွားမှာပါ” - ဗြိတိန်တော်ဝင်မင်းသား ဝီလျံ (ရုပ်သံ)

ဗြိတိန်တော်ဝင်မင်းသား ဝီလျံက သူ့ရဲ့ကလေးတွေဟာ ဂေးဖြစ်နေခဲ့ရင်တောင် သူ့အနေနဲ့ အပြည့်အဝ ပံ့ပိုးပေးသွားမှာဖြစ်တယ်လို့ လန်ဒန်မှာကျင်းပတဲ့ လိင်တူချစ်သူတွေရဲ့ ပရိုက်ဒ် (Pride) ပွဲတော်မှာ ပြောလိုက်ပါတယ်။ ဒါပေမယ့် သူ့အနေနဲ့ ကလေးတွေ ရင်ဆိုင်ဖြတ်ကျော်ကြရမယ့် အတားအဆီး အခက်အခဲတွေ အတွက်တော့ စိုးရိမ်စိတ်ပူမှုတွေ ရှိတယ်လို့ ဆိုပါတယ်။ “ကျနော့်မိသားစုက အထူးသဖြင့် အပြုသဘောဆောင်တဲ့အမြင် ရှိကြပေမယ့် ဒီကိစ္စနဲ့ပတ်သက်ပြီး နည်းနည်းတော့ စိတ်ပူမိတယ်။ သူတို့ ဘယ်လိုပဲ ဆုံးဖြတ်သည်ဖြစ်စေ ကျနော်က အပြည့်အဝ ပံ့ပိုးပေးသွားမှာပါ။ ဒါပေမယ့် မိဘတယောက်ဘက်က အမြင်နဲ့ ဆိုရင်တော့ အခက်အခဲတွေ၊ အမုန်းစကားတွေ၊ ညှဉ်းပန်းနှိပ်စက်တာတွေ၊ ကုန်ကုန်ပြောရရင် ခွဲခြားဆက်ဆံခံရတာမျိုးတွေ အထိ အကျိုးဆက်ဖြစ်လာမယ့် အရာတွေအတွက် ကျနော့်ကို ပူပန်မှု ဖြစ်စေပါတယ်။” အသက် ၃၇ နှစ်အရွယ်ရှိပြီဖြစ်တဲ့ ကင်းဘရစ်ခ်ျမြို့စား မင်းသား ဝီလျံမှာ ကြင်ယာတော် ကိတ်မစ်ဒယ်လ်တန်နဲ့ ရရှိထားတဲ့ ရင်သွေး ၃ ဦး ရှိနေတာပါ။ သူဟာ ဗြိတိန်တော်ဝင်နန်းဆက်ရဲ့ ထီးနန်းအရိုက်အရာခံမယ့် မင်းသားတပါးဖြစ်ပြီး အယ်လိဇဘက်သ် ဘုရင်မကြီးရဲ့ မြေးတော်၊ ချားလ်စ်မင်းသားနဲ့ မင်းသမီး ဒိုင်ယာနာတို့ရဲ့ သားအကြီး ဖြစ်ပါတယ်။
2 years Ago

May 7, 2019

ဗြိတိန်တော်ဝင်မင်းသား ဟယ်ရီတို့ ဇနီးမောင်နှံ သားဦး ယောက်ျားလေး မွေးဖွား

ဗြိတိန်တော်ဝင်မင်းသား ဟယ်ရီနဲ့ ဇနီးသည် မက်ဂန်တို့ဟာ မေလ ၆ ရက်နေ့က သားဦးယောက်ျားလေး မွေးဖွားတယ်လို့ ဖခင်ဖြစ်သူ ဟယ်ရီက ပြောပါတယ်။ အလွန်တရာမှ ပျော်ရွှင်နေပြီး ဇနီးဖြစ်သူအတွက် ဂုဏ်ယူနေတဲ့ တော်ဝင်မင်းသား ဟယ်ရီက သူတို့နှစ်ဦးဟာ ကလေးနာမည်ပေးဖို့ စဉ်းစားနေဆဲဖြစ်တယ်လို့ ဆိုပါတယ်။ ဟယ်ရီက ကလေးနာမည်ပေးဖို့ အချိန်နည်းနည်းယူ စဉ်းစားမှာဖြစ်ပြီး သူတို့မိသားစုသစ်လေးဟာ နောက်နှစ်ရက်လောက် အများပြည်သူမြင်ကွင်းရှေ့ ထွက်လာမှာ မဟုတ်ဘူးလို့ သတင်းထောက်တွေကို ပြောပါတယ်။ တော်ဝင်မင်းသား ဟယ်ရီနဲ့ မက်ဂန်တို့ရဲ့ ကလေးငယ်ဟာ ကိုယ်အလေးချိန် ၇ ပေါင် ရှိတယ်လို့ ဘက်ကင်ဟမ်နန်းတော်က သတင်းထုတ်ပြန်ပါတယ်။ ကလေးငယ်ဟာ ဗြိတိန်ရဲ့ သတ္တမမြောက် နန်းလျာဖြစ်ပြီး ဘုရင်မကြီး အဲလိဇဘက်ရဲ့ ၈ ယောက်မြောက် မြစ်တော်ဖြစ်တယ်လို့ ဘီဘီစီသတင်းမှာ ဖော်ပြထားပါတယ်။
2 years Ago
More News
Up