ဒါကတော့ ပုံမှန်မဟုတ်တဲ့ ယာဉ်ပြိုင်ပွဲတခုဖြစ်ပြီး ကား၊ ဆိုင်ကယ်နဲ့ လေယာဉ်တို့ရဲ့ အမောင်းပြိုင်ပွဲဖြစ်ပါတယ်။ တူရကီနိုင်ငံက လေယာဉ်ကွင်းသစ်ကြီးမှာ ပြုလုပ်တဲ့ လေကြောင်းနဲ့ နည်းပညာပြပွဲမှာ အက်ဖ် ၁၆ ဂျက်တိုက်လေယာဉ်၊ ရိုးရိုးလူစီးလေယာဉ်နဲ့ နာမည်ကြီး ဇိမ်ခံ ကားအမျိုးအစားတွေ အပါအ၀င် ပြိုင်ပွဲဝင် ဖော်မြူလာဝမ်း ကား ရက်ဘူးနဲ့ ကာဝါဆာကီ မော်တော်ဆိုင်ကယ်တို့ကို ဘယ်သူ အမြန်ဆုံးလဲ ဆိုတာကို ပြိုင်ခိုင်းစေတဲ့ ပြိုင်ပွဲပါ။ မီတာ ၄၀၀ အရှည်ရှိတဲ့ လေယာဉ်ပြေးလမ်းပေါ်မှာ ဘယ်သူ အမြန်ဆုံး ပန်းဝင်နိုင်မလဲ ဆိုတာကို ယှဉ်ပြိုင်ခဲ့တာပါ။ ပုံမှန်အတွေးဆိုရင်တော့ အက်ဖ် ၁၆ ဖိုက်တာက နိုင်မယ်လို့ ထင်ခြင်စရာပါ။ တကယ့် လက်တွေ့မှာတော့ ကာဝါဆာကီ ဆိုင်ကယ်က သူ့ပြိုင်ဖက်တွေဖြစ်တဲ့ အက်ဖ် ၁၆ တိုက်လေယာဉ်နဲ့ ရက်ဘူးကားတို့ကို ၀.၀၄ စက္ကန့်အသာနဲ့ ဖြတ်ကျော်ပြီး အရင်ဆုံး ပန်းဝင်နိုင်ခဲ့ပါတယ်။ အရင်ဆုံး ပန်းဝင်နိုင်တဲ့ ကာဝါဆာကီ ဆိုင်ကယ်ကို ကမ္ဘာ့ချန်ပီယံဟောင်း ကီနန် ဆာဖိုလော့ဂလူက မောင်းနှင်ခဲ့တာပါ။

မြန်မာနိုင်ငံက အိမ်ရှင်အဖြစ်လက်ခံကျင်းပမယ့် ယူ ၂၃ ပြိုင်ပွဲ သတင်းစာရှင်းလင်းပွဲ အခမ်းအနားကို ဇွန် ၉ ရက် နေ့လယ် ၁ နာရီက နိုဗိုတယ်ဟိုတယ်မှာ ပြုလုပ်ခဲ့ပါတယ်။ ဒီပြိုင်ပွဲအတွက် ALPINE ကုမ္ပဏီက ကျပ်သိန်း ၂၀၀၀ နဲ့ အဓိကစပွန်ဆာအဖြစ်ကူညီပံ့ပိုးတာကြောင့် ALPINE Cup 2018 အမည်နဲ့ မန္တလေးမြို့မှာ ကျင်းပမှာဖြစ်ပါတယ်။ Alpine Cup ယူ ၂၃ ဖိတ်ခေါ်ပြိုင်ပွဲကို သြဂုတ် ၁ ရက်နေ့ကနေ ၅ ရက်နေ့အထိ မန္တလေးမြို့ မန္တလာသီရိ အားကစားကွင်းမှာ ယှဉ်ပြိုင်ကစားကြမှာပါ။ ဒီပွဲမှာ အိမ်ရှင် မြန်မာ ယူ-၂၃ အသင်း၊ ဘာရိန်း ယူ-၂၃ အသင်း၊ ထိုင်း ယူ-၂၃ အသင်းနှင့် တောင်ကိုရီးယား ယူ-၁၉ အသင်းတို့ ပါဝင်ယှဉ်ပြိုင်မှာဖြစ်ပါတယ်။ ယူ ၂၃ ဖိတ်ခေါ်ပွဲမှာ ချန်ပီယံဆုဖလားရတဲ့အသင်းကို အမေရိကန်ဒေါ်လာ ၁ သောင်းနဲ့ ဒုတိယရတဲ့အသင်းကို ကန်ဒေါ်လာ ၅ ထောင်ချီးမြှင့်မှာ ဖြစ်ပြီး တပွဲချင်းစီအလိုက် အကောင်းဆုံးကစားသမားဆုကိုလည်း ချီးမြှင့်မယ်လို့သိရပါတယ်။ ဒီပြိုင်ပွဲဟာ လာမယ့် ဇူလိုင်လအတွင်းမှာ အာရှအားကစားပြိုင်ပွဲ ယှဉ်ပြိုင်ရမယ့် မြန်မာယူ ၂၃ အသင်းအတွက် ပွဲအတွေ့အကြုံရှိစေဖို့ ယှဉ်ပြိုင်ကစားတာလို့ သိရပါတယ်။