ငြိမ်းချမ်းရေးရန်ပုံငွေ ဘောလုံးပွဲကိစ္စ ပုပ်ရဟန်းမင်းကြီးနှင့် ရော်နယ်ဒင်ဟို တိုင်ပင်

A d v e r t i s e m e n t With Us

December 21, 2016

ငြိမ်းချမ်းရေးရန်ပုံငွေကို အပစ်အခတ်ရပ်စဲရေးအတွက် ဦးစားပေးသုံးစွဲမည်

မြန်မာနိုင်ငံအတွက် နိုင်ငံတကာ ကူညီထောက်ပံ့ပေးနေတဲ့ ငြိမ်းချမ်းရေးရန်ပုံငွေတွေကို ခွဲဝေသုံးရာမှာ အပစ်အခတ်ရပ်စဲရေး ကဏ္ဍအတွက် နံပါတ် ၁ ဦးစားပေးသုံးစွဲမယ်လို့ အစိုးရက ထုတ်ပြန်ပါတယ်။ မနေ့က နေပြည်တော်မှာ ဒေါ်အောင်ဆန်းစုကြည်ကိုယ်တိုင် တက်ရောက်တဲ့ ငြိမ်းချမ်းရေးလုပ်ငန်းစဉ် ရန်ပုံငွေဆိုင်ရာ ပေါင်းစပ်ညှိနှိုင်းရေးအဖွဲ့ ဖွဲ့စည်းရေး အစည်းအဝေးမှာ ရန်ပုံငွေတွေကို သုံးစွဲတာနဲ့ပတ်သက်ပြီး ဦးစားပေးကဏ္ဍ ၄ ခု သတ်မှတ်ဆောင်ရွက်ဖို့ သဘောတူ ဆုံးဖြတ်ခဲ့တာပါ။ အဆိုပါ ဦးစားပေးကဏ္ဍ ၄ ခုကတော့ ပစ်ခတ်တိုက်ခိုက်မှု ရပ်စဲရေးကဏ္ဍ၊ စေ့စပ်ညှိနှိုင်း ဆွေးနွေးရေးကဏ္ဍ၊ ငြိမ်းချမ်းရေးအထောက်အကူပြု ဖွံ့ဖြိုးရေးကဏ္ဍနဲ့ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (အန်အာပီစီ) ရဲ့ ငြိမ်းချမ်းရေးလုပ်ငန်းစဉ်များကဏ္ဍတို့ ဖြစ်ပါတယ်။ အစည်းအဝေးမှာ အန်အာပီစီဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နိုင်ငံတကာအလှူရှင်တွေက ကူညီထောက်ပံ့တဲ့ ငြိမ်းချမ်းရေးရန်ပုံငွေတွေကို ကန့်သတ်ထိန်းချုပ်တာ မဟုတ်ကြောင်း၊ များပြားတဲ့ အဖွဲ့အစည်းတွေအကြား ထောက်ပံ့ကူညီမှု ရရှိနိုင်တဲ့ အခြေအနေ ကွာခြားချက်ကြောင့် မညီမျှမှုတွေ များစွာရှိနေကြောင်း၊ ရန်ပုံငွေရှာဖွေရာမှာ နိုင်ငံတကာကူညီထောက်ပံ့မှုသာမက ပြည်တွင်းက အလှူရှင်တွေ ပါဝင်လာနိုင်ရေးကိုပါ ထည့်သွင်းစဉ်းစားဖို့လိုကြောင်းနဲ့  နိုင်ငံတကာ အကူအညီတွေကို ပွင့်လင်းမြင်သာမှုရှိရှိ၊ အလေအလွင့် အနည်းဆုံးဖြစ်ဖို့နဲ့ မလိုအပ်တဲ့ အပိုသုံးစွဲမှုတွေ မရှိစေရေး တာဝန်ယူမှုအပြည့်နဲ့ ဆောင်ရွက်ဖို့ တိုက်တွန်းသွားပါတယ်။ ဒါ့အပြင် ငြိမ်းချမ်းရေးလုပ်ငန်းစဉ် ရန်ပုံငွေဆိုင်ရာ ပေါင်းစပ်ညှိနှိုင်းရေးအဖွဲ့ကိုလည်း ဒေါ်အောင်ဆန်းစုကြည်က ဥက္ကဋ္ဌအဖြစ် တာဝန်ယူဖွဲ့စည်းလိုက်ပါတယ်။ ဒီအဖွဲ့မှာ အစိုးရကိုယ်စားလှယ် ၈ ဦး၊ တိုင်းရင်းသားလက်နက်ကိုင် အဖွဲ့အစည်းတွေဘက်က ကိုယ်စားလှယ် ၈ ဦးနဲ့ ဖွဲ့စည်းဖို့ သဘောတူညီခဲ့ကြပြီး တနိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် အန်စီအေ လက်မှတ်ထိုးထားတဲ့ အဖွဲ့တွေသာမက အန်စီအေ လက်မှတ်မထိုးရသေးတဲ့ အဖွဲ့တွေပါ ပါဝင်တယ်လို့ သိရပါတယ်။ မြန်မာပြည်ငြိမ်းချမ်းရေးလုပ်ငန်းစဉ်တွေအတွက် နိုင်ငံတကာက ကူညီထောက်ပံ့ပေးတဲ့ ငြိမ်းချမ်းရေးရန်ပုံငွေ စုစုပေါင်း ဘယ်လောက်ရရှိထားတယ်၊ ဘယ်နေရာတွေမှာ ဘယ်လိုသုံးစွဲနေတယ် ဆိုတာကိုတော့ အစိုးရက ပြည်သူလူထုကို အသိပေး ထုတ်ပြန်ပြောဆိုထားတာ မရှိသေးပါဘူး။ အီးယူ ဥရောပသမဂ္ဂကတော့ မြန်မာပြည်ရဲ့ ငြိမ်းချမ်းရေးတည်ဆောက်မှုအတွက် ပံ့ပိုးပေးဖို့ ၂၀၁၄ ခုနှစ်ကနေ ၂၀၂၀ ခုနှစ်ထိ အကူအညီ ယူရိုငွေ ၁၀၃ သန်းပေးမယ်လို့ ထုတ်ပြန်ကြေညာထားပါတယ်။ အလားတူ ဂျပန်နိုင်ငံကလည်း မြန်မာနိုင်ငံရဲ့ အမျိုးသားရင်ကြားစေ့ရေးနဲ့ ငြိမ်းချမ်းရေး လုပ်ငန်းစဉ်ကို အထောက်အကူပြုစေဖို့နဲ့ တိုင်းရင်းသားဒေသတွေ ဖွံ့ဖြိုးတိုးတက်ရေးအတွက် ၅ နှစ်အတွင်း ဂျပန်ယန်းငွေ ၄၀ ဘီလီယံ အကူအညီပေးမယ်လို့ ကတိပေးထားပါတယ်။
4 years Ago

February 5, 2016

ငြိမ်းချမ်းရေးရန်ပုံငွေ ဘောလုံးပွဲကိစ္စ ပုပ်ရဟန်းမင်းကြီးနှင့် ရော်နယ်ဒင်ဟို တိုင်ပင်

ဘရာဇီး ဘောလုံးအကျော်အမော် ရော်နယ်ဒင်ဟိုနဲ့ ပုပ်ရဟန်းမင်းကြီး ဖရန်စစ်တို့ ဖေဖော်ဝါရီ ၄ ရက်နေ့က တွေ့ဆုံပြီး ငြိမ်းချမ်းရေး ရန်ပုံငွေ ဘောလုံးပွဲ ပြုလုပ်ဖို့ကိစ္စကို တိုင်ပင်ခဲ့ကြပါတယ်။ ၂၀၁၄ ခုနှစ် ပထမဆုံးအကြိမ် ကျင်းပတုန်းက နာမည်ကြီးတွေဖြစ်တဲ့ မာရာဒိုနာနဲ့ မက်ဆီတို့လည်း ပါဝင် ကစားပေးခဲ့ကြပါတယ်။ ရရှိတဲ့ငွေတွေကို တကမ္ဘာလုံးမှာရှိတဲ့ ကျောင်းတွေကို လှူဒန်းပေးခဲ့ပါတယ်။ ပုပ်ရဟန်းမင်း ဖရန်စစ်ဟာ ဘောလုံးဝါသနာပါသူဖြစ်ပြီး ပရဟိတရန်ပုံငွေ ဘောလုံးပွဲတွေကို တစိုက်မတ်မတ် စီစဉ်နေပါတယ်။ ရော်နယ်ဒင်ဟိုဟာ ဘရာဇီးအသင်းနဲ့ ကမ္ဘာ့ဖလား ရရှိခဲ့သူဖြစ်ပြီး ၂၀၀၅ နဲ့ ၂၀၀၆ ခုနှစ်အတွက် ကမ္ဘာ့အကောင်းဆုံး ဘောလုံးသမားအဖြစ် ဆက်တိုက် ရွေးချယ်ခံခဲ့ရသူ ဖြစ်ပါတယ်။
5 years Ago
Up