သြစတြေးလျတရားရုံး

June 6, 2019

ကာဒီနယ် ဂျော့ခ်ျပဲလ် အမှု သြစတြေးလျ တရားရုံးတွင် နောက်ဆုံးနေ့ ကြားနာ

ဗာတီကန် ဘဏ္ဍာထိန်းဟောင်း ကာဒီနယ် ဂျော့ခ်ျပဲလ်ဟာ သူ့အမှုအတွက် ဇွန်လ ၆ ရက်နေ့က သြစတြေးလျ တရားရုံးမှာ နောက်ဆုံးနေ့ ကြားနာခဲ့ပါတယ်။ ကလေးသူငယ် လိင်ပိုင်းစော်ကားမှု ၅ မှုနဲ့ သူ့အပေါ် ချမှတ်ထားတဲ့ ပြစ်ဒဏ်ကို ချေပဖို့အတွက် တရားရုံးမှာ ဂျော့ခ်ျပဲလ် ကြိုးပမ်းတာ ဖြစ်ပါတယ်။ လွန်ခဲ့တဲ့ အနှစ် ၂၀ ကျော်က အသက် ၁၃ နှစ်အရွယ် ယောက်ျားလေးနှစ်ယောက်ကို  လိင်ပိုင်းနှိပ်စက်မှု ၅ မှုနဲ့ ဂျော့ခ်ျပဲလ်ဟာ ထောင် ၆ နှစ် ကျခဲ့ပြီး အဲဒီပြစ်ဒဏ်အပေါ် ဂျော့ခ်ျပဲလ်က အယူခံဝင်ခဲ့တာပါ။ တရားရုံးဆုံးဖြတ်ချက်ဟာ သီတင်းပတ်ချီကြာပေမယ့် အယူခံကိုတော့   ဗစ်တိုးရီးယားပြည်နယ် တရားရုံးချုပ်မှာ နှစ်ရက် ပြုလုပ်ပါတယ်။ ဒီအယူခံမှာ တရားရုံးချုပ်က ဂျော့ခ်ျပဲလ်ကို သက်သက်ညှာညှာ ဆုံးဖြတ်ပြီး ပြန်လွှတ်ပေးနိုင်သလို နောက်ထပ် တရားရင်ဆိုင်ရတာမျိုးလည်း ရှိနိုင်ပါတယ်။
2 years Ago

March 13, 2019

ကာဒီနယ် ဂျော့ခ်ျပဲလ်ကို သြစတြေးလျ တရားရုံးက ထောင်ဒဏ် ၆ နှစ် ချမှတ်

ဗာတီကန် ဘဏ္ဍာထိန်းဟောင်း ကာဒီနယ် ဂျော့ခ်ျပဲလ်ကို သြစတြေးလျ တရားရုံးက ထောင်ဒဏ် ၆ နှစ် ချမှတ်လိုက်ပါတယ်။ ၁၉၉၀ ဝန်းကျင်က မဲလ်ဘုန်းမြို့မှာ ဓမ္မတေးဆို လူငယ်နှစ်ဦးကို လိင်ပိုင်းစော်ကားခဲ့မှုနဲ့ ကာဒီနယ် ဂျော့ခ်ျပဲလ်ကို မတ်လ ၁၃ ရက်နေ့မှာ ပြစ်ဒဏ် ချမှတ်လိုက်တာပါ။ ဂျော့ခ်ျပဲလ်ဟာ ကလေးသူငယ် လိင်ပိုင်းပြစ်မှုနဲ့ ပြစ်ဒဏ်ချမှတ်ခံရတဲ့ ဝါအရင့်ဆုံး ကက်သလစ်ဘုန်းတော်ကြီး ဖြစ်ပါတယ်။ ဗစ်တိုးရီးယားကောင်တီ တရားသူကြီးချုပ်က အသက် ၇၇ နှစ်အရွယ် ကာဒီနယ် ပဲလ်ဟာ သူ့ရဲ့ လက်ကျန်ဘဝသက်တမ်းကို ထောင်အတွင်း ကုန်ဆုံးဖွယ်ရှိတယ်လို့ ပြောခဲ့ပါတယ်။ ၁၉၉၆ နှောင်းပိုင်းနဲ့ ၁၉၉၇ အစောပိုင်းကာလ စိန့်ပက်ထရစ်ဘုရားကျောင်းမှာ ခရစ်ယာန်ဂိုဏ်းချုပ် ဖြစ်တုန်းက ဂျော့ခ်ျပဲလ်ဟာ ၁၃ နှစ်အရွယ် လူငယ်နှစ်ဦးကို အခန်းတွင်းနဲ့ လူသွားစင်္ကြံမှာ လိင်ပိုင်းစော်ကားခဲ့တယ်လို့ ရိုက်တာသတင်းအရ သိရပါတယ်။
2 years Ago
Up