လမ်းမပေါ် ရုတ်တရက်လဲကျ သတိမေ့နေခဲ့တဲ့ မိန်းကလေးတဦးကို ကူညီခဲ့တဲ့ တရုတ်နိုင်ငံမှ ယာဉ်ထိန်းရဲတဦးရဲ့ ရုပ်သံဗွီဒီယိုဖိုင်ဟာ ၀ီချက် (WeChat) လူမှုကွန်ရက် စာမျက်နှာတွေပေါ်မှာ ပြန်လည်မျှဝေမှုတွေ မြင့်တက်ကာ ရေပန်းစားနေပါတယ်။ ဒီအဖြစ်အပျက်ဟာ ပြီးခဲ့တဲ့ ဇွန်လ ၁၀ ရက်နေ့က ကျန်းဆုခရိုင် လမ်းမတခုပေါ်မှာ ဖြစ်ခဲ့တာပါ။ လမ်းမပေါ်မှာ ရုတ်တရက်လဲကျပြီး သတိလစ်နေခဲ့တဲ့ မိန်းကလေးကို ကယ်တင်ဖို့ အရေးပေါ်လူနာတင်ယာဉ် ခေါ်နေခဲ့ချိန်မှာ အဆိုပါယာဉ်ထိန်းရဲဟာ မိန်းကလေးကို ကူညီဖို့ ကြိုးစားခဲ့တာပါ။ သူဟာ လက်မောင်းပေါ်မှာ မိန်းကလေးကို ပွေ့ချီထားခဲ့ပြီး အရေးပေါ် ကယ်ဆယ်ရေးအဖွဲ့တွေ ရောက်မလာခင် အချိန် ၁၀ မိနစ်လောက် စကားပြောဖို့ ကြိုးစားခဲ့တာကို တွေ့ရမှာပါ။ အဲဒီနောက်မှာတော့ မိန်းကလေးကို နီးစပ်ရာ ဆေးရုံတခုဆီ ပို့ဆောင်ပေးနိုင်ခဲ့ပြီး ဘာကြောင့်ဖြစ်ရတယ်ဆိုတဲ့ အကြောင်းရင်းကိုတော့ စုံစမ်းစစ်ဆေးနေဆဲဖြစ်တယ်လို့ စီစီတီဗွီသတင်းမှာ ဖော်ပြပါတယ်။ အဲဒီနောက်ပိုင်းမှာတော့ အဆိုပါယာဉ်ထိန်းရဲရဲ့ ကြင်နာတတ်တဲ့ အပြုအမူကို “အနွေးထွေးဆုံး ခေါင်းအုံးလေး” တခုလို့ တင်စားနေကြပြီး လူမှုကွန်ရက် အသုံးပြုသူတွေကြား ရေပန်းစားနေခဲ့တာပါ။

တရုတ်နိုင်ငံမှ ယာဉ်ထိန်းရဲတဦးဟာ မိုးရေထဲမှာ ကလေးငယ်တဦးကို ပွေ့ချီပြီး ဦးထုပ်နဲ့ အကာအကွယ်ပေးခဲ့တဲ့ အပြုအမူဟာ ကြင်နာတတ်သူတဦးအဖြစ် အင်တာနက် စာမျက်နှာတွေပေါ်မှာ ရေပန်းစားခဲ့ပါတယ်။ မိုးသည်းသည်းထန်ထန် ရွာနေချိန် လမ်းမတခုပေါ်မှာ ယာဉ်တိုက်မှု ဖြစ်ခဲ့ပြီး ကားပေါ်က ကလေးငယ်ကို အဆိုပါယာဉ်ထိန်းရဲက ကယ်တင်ခဲ့တာပါ။ သူဟာ ကလေးငယ်ကို မိုးဒဏ်မှ ကာကွယ်ပေးဖို့ လက်မောင်းကြား ပွေ့ဖက်ပေးထားခဲ့ကာ ခေါင်းကို လက်နဲ့ အုပ်မိုးပေးထားခဲ့တာပါ။ အဲဒီနောက်မှာတော့ သူ့ရဲ့ ယာဉ်ထိန်းရဲဦးထုပ်ကို ချွတ်ယူပြီး ကလေးငယ်ကို ဆောင်းပေးကာ အကာအကွယ် ပေးလိုက်ပါတယ်။ သူက ကလေးငယ် မိုးရေထဲမှာ အအေးမိသွားမှာကို စိတ်ပူနေခဲ့မိတယ်လို့ နောက်ပိုင်းမှာ ပြောပါတယ်။ ကြင်နာတတ်တဲ့ သူ့ရဲ့အပြုအမူကြောင့် အင်တာနက်အသုံးပြုသူတွေကြားမှာ ရေပန်းစားခဲ့တာဖြစ်ပြီး အဲဒီအဖြစ်အပျက် ရုပ်သံဖိုင်ကို စီစီတီဗွီသတင်းမှာ ဖော်ပြပါတယ်။