ကြက်တောင်ပံကြော်

June 12, 2018

နယူးယောက်တွင် ရွှေမှုန်ကြဲထားသည့် ကြက်တောင်ပံကြော်များ ရောင်းချ

အမေရိကန်နိုင်ငံ နယူးယောက်မြို့ မန်ဟတ်တန်ရပ်ကွက်ထဲ နေရာနှစ်ခုက "The Ainstworth" စားသောက်ဆိုင်နှစ်ဆိုင်ဟာ ၂၄ ကာရက် ရွှေမှုန်ကြဲထားတဲ့ ကြက်တောင်ပံကြော်တွေကို ရောင်းချနေပါတယ်။ "စားလို့ရတဲ့ ရွှေဟာ အစားအသောက် လောကထဲမှာ ရှိနေခဲ့ပြီးပါပြီ၊ ရှမ်ပိန်ထဲမှာ ရွှေပါတယ်ပေါ့။ ဒီအခြေခံကိုယူပြီး ကြက်တောင်ပံကြော်ပေါ် ရွှေမှုန့် သုံးလိုက်တာပါ။ နောက်အဆင့်တခုကို သွားလိုက်တဲ့သဘောပါ" လို့ စားသောက်ဆိုင်ပိုင်ရှင် ဘရိုင်ယန် မတ်ဇာက ပြောပါတယ်။ ရွှေကြက်တောင်ပံကို ဆားရည်နဲ့ ၁၂ နာရီ စိမ်ပါတယ်။ အဲဒီနောက် ရွှေထောပတ်နဲ့ နယ်ပါတယ်။ တောင်ပံရဲ့ အနံ့အရသာကို မက္ကဆီကန်ပျားရည်ဆော့စ်နဲ့ ပြင်ပါတယ်။ အဲဒါတွေပြီးတဲ့အခါ စားဖိုမှူးက မှော်ပညာနဲ့ ထိတွေ့ပြီး ရွှေသုတ်လိုက်တာပါလို့ သူက ဆက်ပြောပါတယ်။ ကြက်တောင်ပံကြော်ဟာ အပြင်ပိုင်းမှာ ချဲ့ကား ပြင်ဆင်ထားပေမယ့် ချက်ဖို့ ပြင်ဆင်ပုံက နယ်ဖတ် ကြော်ပြီး ဆော့စ်နဲ့ လိမ်းတာကအစ သမားရိုးကျ အတော်ဆန်ပါတယ်။ "ရွှေပါတော့ စားနေပုံကို အင်စတာဂရမ်လို လူမှုကွန်ရက်ပေါ် တင်လို့ကောင်းတယ်၊ ဒါဟာ တကယ် ဟတ် (Heart) ထိတယ်လို့ ကျေနာ် ခံစားရတယ်။ လူအများအပြားက အခု ရွှေတွေ ဝတ်လာကြပြီ။ ငွေတွေ ပလက်တီနမ်တွေဘက်ကို ကျနော် မသွားချင်ဘူး" လို့လည်း ဆိုင်ရှင်က ပြောပါတယ်။ စားသုံးသူ တယောက်က "အရသာက ဟင်းနဲ့ နည်းနည်းဆင်တယ်လို့ထင်တယ်။ ဒါပေမယ့် အလွန်အကျွံတော့ မဟုတ်ဘူး။ တကယ်နူးညံ့တယ်၊ တကယ့်ကို အရသာရှိတယ်" လို့ ပြောပါတယ်။ ဒီစားသောက်ဆိုင်ဟာ ကြက်တောင်ပံကြော် ဆယ်ခုကို အမေရိကန်ဒေါ်လာ ၄၅ ဒေါ်လာနဲ့ ရောင်းနေပါတယ်။
3 years Ago
Up