၉ နှစ်အရွယ်မိန်းကလေး အိပ်ရာထဲ မြွေဟောက်ကိုက်ခံရပြီး သေဆုံး

January 4, 2018

၉ နှစ်အရွယ်မိန်းကလေး အိပ်ရာထဲ မြွေဟောက်ကိုက်ခံရပြီး သေဆုံး

ထိုင်းနိုင်ငံ ချိုင်ယာဘူရီခရိုင်က အိမ်တအိမ်မှာ အသက် ကိုးနှစ်အရွယ် မိန်းကလေးတဦး အိပ်ယာထဲအိပ်နေတုန်း မြွေဟောက်ကိုက်ခံရပြီး သေဆုံးသွားတယ်လို့ သိရပါတယ်။ ပရာပဝီပရာဝတ်ဆိုတဲ့ မိန်းကလေးဟာ ဇန်နဝါရီ ၃ ရက် မနက်ပိုင်းက အိပ်ရာထဲမှာ သေဆုံးနေတာကို သူမရဲ့ အဘိုးအဘွားတွေက တွေ့ခဲ့တာဖြစ်တယ်လို့ ရဲတွေကပြောကြောင်း ဘန်ကောက်ပို့စ်သတင်းတပုဒ်မှာ ဖော်ပြပါတယ်။ ပရာပဝီကိုကိုက်ခဲ့တဲ့ မြွေဟောက်ကိုလည်း သူမရဲ့အိပ်ယာထဲက စောင်အောက်မှာ တွေ့ခဲ့တယ်လို့ အဘွားဖြစ်သူက ရဲတွေကိုပြောပြီး မြွေကိုတော့ အိမ်နီးနားချင်းတွေက သတ်လိုက်တယ်လို့ ဆိုပါတယ်။ ရဲတွေက စစ်ဆေးရာ မိန်းကလေးဟာ လွန်ခဲ့တဲ့ ၈ နာရီလောက်ကတည်းက သေဆုံးခဲ့ပုံရပြီး သူမရဲ့ ညာဘက်လက်ညှိုးကို မြွေကိုက်ထားတယ်လို့ ရဲအရာရှိ သန်ခွန်မီနင်မ်က ပြောပါတယ်။ ပရာပဝီရဲ့ အလောင်းကို ချိုင်ယာဘူရီဆေးရုံ ပို့လိုက်ပြီး သေဆုံးတာကို အတည်ပြုဖို့ ခွဲစိတ်စစ်ဆေးမှုတွေ လုပ်မယ်လို့ သတင်းမှာ ဖော်ပြပါတယ်။
4 years Ago
Up