၈ နှစ်အရွယ်သမီးငယ်ကို အဓမ္မပြုကျင့်ပြီးနောက် မိမိကိုယ်ကို သေကြောင်းကြံခဲ့ဟု ဖခင် ၀န်ခံ

May 25, 2016

၈ နှစ်အရွယ်သမီးငယ်ကို အဓမ္မပြုကျင့်ပြီးနောက် မိမိကိုယ်ကို သေကြောင်းကြံခဲ့ဟု ဖခင် ၀န်ခံ

ထိုင်းနိုင်ငံမှ အမျိုးသားတဦးဟာ အသက် ၈ နှစ်အရွယ် သမီးငယ်ကို အဓမ္မပြုကျင့်ခဲ့ပြီး ကလေးသေဆုံးခဲ့ပြီးနောက်မှာ သူဟာ ကိုယ့်ကိုယ်ကိုယ် သေကြောင်းကြံစည်ခဲ့တယ်လို့ ၀န်ခံလိုက်ပါတယ်။ အသက် ၃၃ နှစ်အရွယ် အဲဒီအမျိုးသားကို မောင်ခရိုင်ရဲစခန်းမှာ ဖမ်းဆီး စစ်ဆေးနေတယ်လို့ ဘန်ကောက်ပို့စ်သတင်းမှာ မေလ ၂၄ ရက်နေ့က ဖော်ပြပါတယ်။ နယ်မြေ-၉ ရဲချုပ် ဗီရာပွန်ခန်ပက်ခ်ဒီက သတင်းမီဒီယာတွေနဲ့ တွေ့ဆုံပွဲမှာ အဆိုပါအမျိုးသားဟာ အစပိုင်းမှာ ငြင်းပယ်နေခဲ့ပြီး ပြင်းပြင်းထန်ထန် စစ်ဆေးပြီးနောက်မှာမှ ပြစ်မှုကျူးလွန်ကြောင်း ၀န်ခံခဲ့တာဖြစ်တယ်လို့ ပြောပါတယ်။ ကလေးငယ်ဟာ မောင်ခရိုင်၊ နွန်ထရပ်အရပ်မှာ ပြီးခဲ့တဲ့ မေလ ၁၀ ရက်နေ့က အဓမ္မပြုကျင့်ခံခဲ့ရတာပါ။ ဖခင်ဖြစ်သူဟာ တညလုံး မူးယစ်ဆေးတွေ သုံးထားခဲ့ပြီးနောက် သမီးငယ်ကို ညှဉ်းပန်း နှိပ်စက်ခဲ့တယ်လို့ ဆိုပါတယ်။ ကလေးငယ်ဟာ ဆေးရုံရောက်ပြီးနောက် သေဆုံးသွားခဲ့ပါတယ်။ ဒါပေမယ့် ကလေးငယ်ဟာ မသေဆုံးခင်မှာ ဘာတွေဖြစ်ပျက်ခဲ့တယ်ဆိုတာကို မိခင်ဖြစ်သူကို ပြောခဲ့တယ်လို့ သတင်းမှာ ဖော်ပြပါတယ်။ ကလေးငယ် သေဆုံးပြီးနောက်မှာမှ အဆိုပါအမျိုးသားဟာ စိတ်ကျရောဂါ ခံစားခဲ့ရပုံရပြီး ဒီနေ့မနက် ၆ နာရီလောက်က နေအိမ်မှာ လည်ပင်းကို ဆွဲကြိုးချ ကိုယ့်ကိုယ်ကိုယ် သေကြောင်းကြံတဲ့ အနေအထားနဲ့ တွေ့ရှိခဲ့ရပြီး အသက်အသေသေးတာမို့ ထရန်ဆေးရုံဆီ ပို့ဆောင်ထားခဲ့ရတယ်လို့ စုံစမ်းစစ်ဆေးရေးအရာရှိ အက်ခလက်ခ်ဆက်ခ်ချိန်နန့်က ပြောပါတယ်။ သူ့ကို အရွယ်မရောက်သေးသူ အသက် ၁၃ နှစ်အောက် ကလေးသူငယ်ကို  မုဒိမ်းကျင့်မှုနဲ့ မေလ ၂၃ ရက်နေ့မှာ ဖမ်းဝရမ်းထုတ်ပြန်ခဲ့ပြီး ဖမ်းဆီးခဲ့တာပါ။ လက်ရှိမှာတော့ ရဲတွေဟာ ဒီအမှုနဲ့ပတ်သက်ပြီး ကလေးငယ်ရဲ့ ဖခင်အပါအ၀င် သံသယရှိသူ ၆ ဦးကို စစ်ဆေးထားကာ ဆေးရုံကထွက်လာမယ့် ဒီအန်အေ စစ်ဆေးချက်အဖြေကို စောင့်နေဆဲဖြစ်တယ်လို့ သတင်းမှာ ဖော်ပြပါတယ်။
6 years Ago
Up